राष्ट्रवादीच्या सरचिटणीसाने रचला गोळीबाराचा बनाव

काय आबा .... आता पाठवणार का बनकर ला कोठडीत???

खालील बातमी म टा च्या सौजन्याने

http://maharashtratimes.indiatimes.com/articleshow/7498868.cms

काही अज्ञात व्यक्तींनी आपल्यावर गोळीबार केल्याची तक्रार राष्ट्रवादी काँग्रेसचे सरचिटणीस मिलिंद बनकर यांनी कोपरी पोलीस स्टेशनात दाखल केली असली तरी तो गोळीबार झालाच नव्हता, अशी माहिती पोलीस तपासातून पुढे येत आहे. बनकर यांना पोटावरील जखम ही गोळीबारामुळे झालेली नाही, असेही तपासात निष्पन्न झाले आहे. दरोड्याचा गुन्हा दाखल झालेले बनकर अटक टाळण्यासाठी हॉस्पिटलातच दाखल आहेत.

गेल्या आठवड्यात आनंदनगर चेक नाका येथील एका पीयूसी चालकाला मारहाण करून त्याच्याकडील पाच हजार रुपये लुटण्याचा आणि त्याची गाडी पेटवून देण्याचा प्रयत्न केल्याप्रकरणी मिलिंद बनकर यांच्या विरोधात कोपरी पोलीस स्टेशनात गुन्हा दाखल झाला आहे. बनकर हप्ता मागण्यासाठी आले होते. पैसे दिले नाही म्हणून त्यांनी मारहाण आणि गाडी पेटविण्याचा प्रयत्न केल्याची तक्रारदार सुनीलकुमार संतू प्रसाद यांनी केली आहे. हा प्रकार झाल्यानंतर मिलिंद बनकर सकाळी खासगी हॉस्पिटलमध्ये दाखल झाले. बनकर यांच्या पोटालाच जखम झाली असून ती जखम गोळीबारामुळे झाल्याची तक्रार बनकर यांनी पोलिसांकडे केली होती. मात्र, पोलिसांच्या तपासणी अहवालात ही जखम गोळीबाराची नाही, असे निष्पन्न झाले आहे. तसेच, गोळीबार झाल्याचे सांगणाऱ्या बनकर यांचा शर्ट जसाच्या तसा आहे. शर्टला न लागताच ती गोळी बनकर यांच्या पोटाला कशी चाटून गेली असा सवालही एका वरिष्ठ पोलीस अधिकाऱ्याने उपस्थित केला आहे.

दरोड्याच्या गुन्ह्यात अटकपूर्व जामीन मिळविण्यासाठी बनकर यांची धडपड सुरू असून सोमवारी कोर्टाने त्याबाबतचे कोणतेही निदेर्श पोलिसांना दिलेले नाहीत. बनकर हॉस्पिटलात दाखल असल्याने त्यांना अटक करता येत नसल्याचे वरिष्ठ पोलीस निरीक्षक दत्तात्रय पवार यांनी सांगितले. मात्र, राष्ट्रवादी काँग्रेसच्या एका बड्या नेत्याच्या दबावामुळे बनकर यांच्यावर कारवाई होत नसल्याची चर्चा शहरात आहे.