राज ठाकरेंकडून मराठीसाठी मुख्यमंत्र्यांची 'शाळा'

म टा च्या सौजन्याने ..........................................

गेल्या तीन वर्षात एकाही मराठी शाळेला परवानगी का दिली नाही? नव्या मराठी शाळांना मान्यता न देण्याचे हे धोरण बदलावे. तसेच नव्याने मिळणारे टॅक्सीचे परवानी मराठी बेरोजगारांना द्यावे. अशा मागण्या मनसेप्रमुख राज ठाकरे यांनी सोमवारी मुख्यमंत्र्यांना भेटून केल्या.

राज यांनी सोमवारी सकाळी मुख्यमंत्री अशोक चव्हाण यांच्या' वर्षा ' निवासस्थानी जाऊन त्यांची भेट घेतली. कल्याण-डोंबिवली महापालिका निवडणुकीच्या पार्श्वभूमीवर या भेटीला राजकीय वर्तुळात महत्त्व प्राप्त झाले होते. पण ही भेट मराठी शाळा आणि टॅक्सीचे परवाने या संदर्भात होती, असे राज यांनी भेटींनतर घेतलेल्या पत्रकार परिषदेत सांगितले.

राज्य सरकारने १९ जून रोजी नवीन मराठी शाळांना मान्यता न देण्याबाबत परिपत्रक काढले आहे. राज्यात मराठी शाळांची संख्या पुरेशी आहे ; त्यामुळे बृहत आराखडा तयार करूनच नव्या मराठी शाळांना परवानगी देण्याची भूमिका राज्य सरकारने घेतली आहे. ही भूमिका मराठी शाळांना मारक असून सरकारने ही भूमिका बदलावी, अशी मागणी राज यांनी केली.

इंग्रजी शाळांना सरकार अनुदान देत नाही. त्यामुळे त्यांना परवानग्या मिळतात. पण ज्या मराठी शाळा अनुदान नको म्हणत आहेत, त्यांना मात्र परवागी मिळत नाही. सरकारचे हे धोरण तातडीने बदलायला हवे यासाठी राज्यभरातल्या मराठी शाळा एकत्र येत आहेत. त्यांच्या आंदोलनाला समर्थन देत, अशा मराठी शाळांची यादीच राज ठाकरे यांनी मुख्यमंत्र्यांकडे सुपूर्द केली.

राज्यात नव्याने टॅक्सी परवाने वितरीत केले जाणार आहेत. हे टॅक्सी परवाने राज्यातील मराठी बेरोजगार तरुणांना कसे मिळतील यासाठी सरकारने विशेष धोरण आखावे अशी मागणीही यावेळी राज यांनी केली.

तसेच ' आम्ही आमच्या पद्धतीनुसार पहिल्यांना निवेदन देतो. तसे निवेदन दिले आहे. आता बॉल त्यांच्या कोर्टात आहे. काही झाले नाही तर काय करायचे ते आम्ही आमच्या पद्धतीने पाहू ' अशा इशाराही राज यांनी यावेळी दिला.