ओरियन्टल इन्शुरन्सचा निर्लज्जपणा

मित्रानो, स्टार माझा वर कालच एक बातमी बघितली आणि ती तुमच्या सोबत शेयर करीत आहे। ह्या ओरिएंटल इन्शुरसं कंपनी चा आपण निषेध केला पाहिजे, पण कसा? मी त्यांचा कस्टमर केयर चा ईमेल ID शोधुन काढला आहे आणि तो आहे csd@orientalinsurance.org.in . मी त्यानां आजच ईमेल पाठवत आहे, जमल्यास तुम्ही देखिल करा
ही बातमी स्टार माझा वर ह्या पत्त्यावर देखिल मिलु शकेल http://www.starmajha.com/TopStoryLanding.aspx?NewsID=9076

रेल्वे ट्रॅकवर चोराचा पाठलाग करताना शहीद झालेल्या रेल्वे पोलीस कॉन्स्टेबलला इन्शुरन्स कंपनीनं विम्याची रक्कम देण्यास नकार दिलाय. प्रवाशाचा मोबाईल चोरून पळणाऱ्या एका चोराचा पाठलाग करताना लक्ष्मण अहिवने यांना रेल्वेची धडक बसल्यानं ते मरण पावले होते.
बांद्रा आणि माहीम स्टेशनवरच्या रेल्वे ट्रॅकदरम्यान हा प्रकार घडला होता. कर्तव्य बजावताना मृत्यू आलेला असतानाही ओरिएंटल इन्शुरन्स कंपनीनं मात्र त्यांच्या कुटुंबियांना जीवन विम्याची 2.5 लाख रक्कम नाकारली आहे.
रेल्वे ट्रॅकच्या दरम्यान बेकायदेशीरपणे पहारा देत असताना हा मृत्यू झाल्यानं विमा नाकारत असल्याचं कंपनीनं आपल्या पत्रात म्हटलंय. लक्ष्मण यांच्या विधवा पत्नी अलका यांना चरितार्थ चालवण्यासाठी संघर्ष करावा लागतोय.
अवघ्या सहा हजार रुपयांच्या पेन्शनमध्ये त्यांना दोन मुलींच्या आणि एका मुलाच्या शिक्षणाचा खर्च भागवावा लागतोय. त्यामुळं त्यांच्यासाठी ही रक्कम मिळणं गरजेचं बनलंय.दरम्यान जीआरपीच्या वरिष्ठ अधिकाऱ्यांनीही ओरिएंटलशी पत्रव्यवहार करुन अहिवणे कुटुंबियांना न्याय देण्याची विनंती केली आहे.