मी महाराष्ट्राचा महाराष्ट्र माझा

आमदार प्रकाश भोईर ह्यांनी केली टोल रूपी जिझिया कराची विधानसभेत पोलखोल

2011-12-20T13:17:00.004+05:30

मुंबई , ठाणे आणि कल्याण येथे प्रवेश करण्याकरीता टोल रूपी जिझिया कर कसा अन्यायकारक आहे हे उघड करण्यासाठी कल्याण पश्चिम चे आमदार प्रकाश भोईर ह्यांनी विधानसभेत तारांकित प्रश्न उपस्थित केला होता .... वाचा त्याबद्दलची माहिती लोकमत / नवाकाळ व जनमत ह्या वृत्त पत्रात ......

आपल्याकडून वसूल होणारे हे पैसे सरकार दरबारी दाखवले जातात का हा मोठा गहन प्रश्न आहे? ९५ ते २००० साली बांधलेले उड्डाण पुलांचे पैसे अजून वसूल झाले नाही ह्यावर कोणी विश्वास ठेवेल का?? हे टोल सर्व सामान्य नागरिकांकरिता अन्याय कारक आहेत आणि त्याबद्दल मनसे चे आमदार श्री प्रकाश भोईर ह्यांनी विधानसभेत तारांकित प्रश्न विचारून ह्या प्रश्नाला वाचा फोडल्याबद्दल त्यांचे हार्दिक अभिनंदन ......

दीदी-ताईंना पुढे करून पेडररोड रहिवाशांचा एजेंडा

2011-12-07T21:34:00.000+05:30

खालील बातमी स्टार माझा च्या सौजन्याने .....

डोंबिवली : लता दीदी आणि आशाताईंना पुढे करून पेडररोडचे रहिवाशी आपला एजेंडा राबवत असल्याचा आरोप राज ठाकरे यांनी केलाय. लता दीदी आणि आशाताईंबदद्ल मला किती आदर आहे, हे मला कुणी शिकवण्याची गरज नसल्याचंही राज ठाकरेंनी म्हटलंय.

शिवसेनेने लतादीदी आणि आशाताई महाराष्ट्राची मानचिन्हं आहेत, यांच्यावर चिखलफेक नको, असं प्रसिद्धी पत्रक काढलं होतं, त्यावर राज ठाकरे बोलत होते.

राज ठाकरे म्हणाले, मी काल पेडररोड फ्लायओव्हर च्या संदर्भात पत्रकार परिषद घेतली होती, यामुळे कुणाला मध्ये पडायची गरज नव्हती.

पत्रकार परिषदेचा विषय हा काही लता मंगेशकर किंवा आशा भोसले यांचा नव्हता, असं राज ठाकरे यांनी आज डोंबिवलीत स्पष्ट केलंय.

शिवसेनेचं पत्रक हास्यास्पद
पत्रकार परिषदेत शिवसेनेचे पत्रक दाखवत राज ठाकरे म्हणाले, शिवसेनेनं आज हे पत्रक काढलंय. चॅनेल्सवरून मला कळलं, हे हास्यास्पद पत्रक आहे, याला आगापिछा नाही. स्टेडियमच्या बाहेर बॉल गेल्यासारखं आहे.

मुंबईतील पेडररोडवरून दिवसभरातून १ लाखाच्यावर गाड्या जातात. दहा लाख लोक ये-जा करतात. मग का तो पेडररोडचा फ्लायओव्हर का थांबवला जातो, हा माझा प्रश्न असल्याचं राज ठाकरे यांनी पुन्हा एकदा स्पष्ट केलं.

ही काय मानचिन्हाची लक्षणं?
पत्रक वाचवून दाखवतांना राज ठाकरे म्हणाले, सचिन तेंडुलकर जर महाराष्ट्राचं मानचिन्ह आहे. सचिन जेव्हा नव्या घरात रहायला गेला, तेव्हा त्याच्याकडे महापालिकेचं नाहरकत प्रमाणपत्र नव्हतं, म्हणून त्याला महापालिकेने ५ लाखाचा दंड ठोठावला, मग ही काय मानचिन्हाची लक्षणं आहेत का? असा सवाल राज ठाकरेंनी केलाय.

वाढीव एफएसआय मागणे अनधिकृत?
सचिनच्या घराचं उदाहरण देत राज ठाकरे म्हणाले, सचिनने तेंडुलकरने नगरविकास मंत्रालयाला पत्र लिहून वाढीव एफएसआयची मागणी केली, मग हे अधिकृत आहे की अनधिकृत? अनधिकृतरित्या सचिन तेंडुलकरला एफएसआय द्यावा असं माझं म्हणणं होतं का असं राज यांनी म्हटलंय.

सचिनने राज्य सरकारकडेही एफएसआयसाठी परवानगी मागितल्यावर राज्य सरकारने सांगितले की, ही परवानगी तुम्हाला महापालिका देऊ शकते, असं उत्तर सचिनला मिळाल्याचं राज ठाकरे यांनी म्हटलंय.

ही काय तेंडुलकर व्हर्सेस मंगेशकर मॅच आहे का?
ही काय तेंडुलकर व्हर्सेस मंगेशकर मॅच आहे का? असा सवाल करत पत्रकात, काही कशाचा थांगपत्ता नसल्याचं राज ठाकरे यांनी म्हटलंय.
सचिनवर अनेकदा सामनातून चिखलफेक झालीय, सचिन खिशात हात घालत नाही, बॅटाविकतो, मग ही टीका हा काही महाराष्ट्राचा मान होता का? असा सवाल राज ठाकरेंनी केलाय.

पेडररोडचा फ्लाय ओव्हर व्हावा किंवा ना व्हावा? उद्धव ठाकरेंना सवाल
पेडररोडचा फ्लाय ओव्हर व्हावा किंवा ना व्हावा? असा सवाल उद्धव ठाकरेंना आहे. पेडर रोडचा फ्लाय ओव्हर व्हावा की होऊ नये, हे पत्रकात का नाही छापलं. भलतं सलतं काही तरी का छापावं, अशी टीका राज ठाकरेंनी केलीय.

यांना परिक्षेला बसवायला हवं होतं?
माझ्या परिक्षा संपलेल्या आहेत, पत्रक दाखवत राज ठाकरे म्हणाले, यांनाही मी परिक्षेला बसवलं असतं तर बरं झालं असतं. चूक झाली माझी असा त्रागाही राज ठाकरेंनी दाखवला.

फ्लाय ओव्हरसाठी जनसुनावणी नको?
पेडररोड फ्लायओव्हरच्या जनसुनावणीला राज ठाकरेंनी विरोध केलाय. पेडररोडच्या फ्लायओव्हरसाठी जनसुनावणी होते, मग मुंबईतल्या इतर फ्लायओव्हरसाठीही होईल. ठाणे, नाशिक, नागपूर आणि मग फ्लाय ओव्हरची कामं रखडतील आणि राज्याच्या विकासाला खिळं बसेल, म्हणून राज्य सरकारला विनंती आहे की, कृपया पेडररोडच्या फ्लायओव्हरसाठी जनसुनावणी घेऊ नका.

कुणी उच्चभ्रू समजल्या जाणाऱ्या लोकांना सरकारने झुकतं मार देऊन भेदभाव करू नये, मुंबईकरांना नव्हे तर बाहेरून येणाऱ्यांनाही हा पेडररोडवरचा फ्लायओव्हर महत्वाचा आहे.

मंगेशकरांसाठी कायद्याला बगल का?: राज ठाकरे

2011-12-07T13:58:00.000+05:30

खालील बातमी स्टार माझा च्या सौजन्याने .....

मुंबई: पेडर रोडवर फ्लायओव्हर झालाच पाहिजे, असं महाराष्ट्र नवनिर्माण सेनेचे अध्यक्ष राज ठाकरे यांनी म्हटलं आहे. पेडर रोड फ्लायओव्हर रद्द करण्याचा सरकाराच्या निर्णयाला मनसेने विरोध दर्शवला आहे.

गानसम्राज्ञी लता मंगेशकर आणि त्यांच्या कुटुंबाने पेडर रोडवरील फ्लायओव्हरला विरोध केल्याने हा पूल कित्येक वर्षे रखडला होता. त्यामुळे मंगेशकरांसाठी कायद्याला बगल का देता असा सवाल राज ठाकरे यांनी सरकारला केला आहे.

पेडर रोडवरील फ्लायओव्हरसाठी नागरिकांशी चर्चा करता पण इतरत्र पूलांसाठी नागरिकांसोबत चर्चा का करत नाही असं राज म्हणाले.

सरकारने लता मंगेशकर यांच्या विरोधापुढे मान झुकवत पेडर रोडवरील पुलाचा प्रस्ताव मागे घेतला. त्याऐवजी हाजी अली जंक्शन आणि महालक्ष्मी इथल्या कॅडबरी जंक्शन इथे दोनफ्लायओव्हर बांधण्यात येणार असल्याची माहिती मुंबईचे पालकमंत्री जयंत पाटील यांनी शनिवारी दिली होती.

या संदर्भात मनसेच्या शिष्टमंडळाने आज मुख्यमंत्री पृथ्वीराज चव्हाण यांची भेट घेतली. पेडर रोडचा फ्लायओव्हर न झाल्यास मुंबईत कोणताही फ्लायओव्हर होऊ देणार नाही, असा इशाराही मनसेने दिला आहे. मुख्यमंत्र्यांनी मात्र पेडर रोड फ्लायओव्हरसंदर्भात कोणताही अंतिम निर्णय झाला नसल्याचं सांगितलं आहे.

सरकारने हा विरोध लक्षात घेऊन नमती भूमिका घेतल्याने या मुद्द्यावर मनसे आक्रमक झाली आहे.

राजकीय ‘परीक्षानीती’ची प्रचारतंत्रात सरशी!

2011-11-24T16:25:00.000+05:30

खालील बातमी लोकसत्ता च्या सौजन्याने ............

मुंबई, २३ नोव्हेंबर/ विशेष प्रतिनिधी
महापालिका निवडणुकीच्या उमेदवारीसाठी लेखी परीक्षा घेण्याच्या मनसे अध्यक्ष राज ठाकरे यांच्या भूमिकेचे सर्व थरातून स्वागत होत असून सर्वच राजकीय पक्षांचे लक्ष मनसेच्या परीक्षेकडे लागल्याने निवडणूक प्रचारतंत्राच्या पहिल्या परीक्षेत राज ठाकरे उत्तीर्ण झाले आहेत. मनसे उमेदवारांना परीक्षेसाठी देण्यात आलेल्या संदर्भ पुस्तकात महाराष्ट्र, महापालिका, पालिकेची कर्तव्ये, कामकाजाची पद्धत, आयुक्तांचे अधिकार, नगरसेवकांचे अधिकार यासह नागरी कामांसदर्भात उपयुक्त माहिती असल्याने ते संग्राह्य़ ठरणार आहे. मनसेच्या उमेदवारीसाठी इच्छुकांना पालिका कार्यपद्धतीची माहिती असावी या उद्देश्याने येत्या चार डिसेंबर रोजी पन्नास गुणांची ही परीक्षा घेण्यात येणार आहे.
यासाठी तयार केलेल्या संदर्भ पुस्तिकेत महाराष्ट्राच्या स्थापनेपासून राज्यातील जिल्हे, तालुके व खेडय़ांची माहिती, लोकसंख्या, मुंबई महापालिकेची माहिती यात पालिका कोणत्या कायद्यानुसार काम करते,महापालिकेचे प्रभाग, पालिकेतील वैधानिक समित्या, विशेष समित्या, पालिकेची अत्यावश्यक कर्तव्ये व स्वेच्छाधीन कर्तव्ये, वैधानिक समित्यांचे कामकाज, विविध समित्यांची रचना व कामे, महापौर,नगरसेवक व आयुक्ताचे अधिकार, पाणी पुरवठा, स्वच्छता, घनकचरा, अग्निशमन दल, आरोग्य, उद्याने व मैदाने, बाजार खाते आदी पालिकेच्या विविध विभागांची थोडक्यात माहिती या पुस्तिकेत देण्यात आली आहे. मुंबईचा पाणीपुरवठा व त्यासाठी पालिकेकडून आकारण्यात येणारे दर, मुंबईमध्ये दररोज निर्माण होणारा कचरा व त्याची विल्हेवाट लावण्यासाठी पालिका नेमके काय करते, विविध योजनांची माहिती, आरोग्य व्यवस्था व रुग्णालयांची माहिती, पाणी टंचाई असल्यास, नळदुरुस्ती आदी कामांसाठी कशाप्रकारे व कोणाला पत्र लिहायचे याची माहिती देण्यात आली आहे. केंद्र शासनाच्या मदतीने मुंबईत कोणत्या योजना चालू आहेत तसेच झोपडपट्टी पुनर्वसन योजनेचा उहापोह करण्यात आला आहे.
मनसेच्या या पुस्तिकेतील सर्वात महत्त्वाचा भाग म्हणजे नगरसेवक अथवा लोकप्रतिनिधींनी आपल्या विभागातील प्रश्नांसदर्भात संवाद कसा साधायचा व तो साधताना कोण कोणत्या घटकांचा विचार करायचा याचे विस्तृत विवेचन. थोडक्यात एखाद्या समस्येची चिकिस्ता करण्यापासून त्यामागची प्रशासनाची भूमिका, नागरिकांना येणाऱ्या अडचणी व समस्येचे समाधान करताना विचारात घ्यायच्या गोष्टी यावर प्रकाश टाकण्यात आला आहे. लोकप्रतिनिधींनी नेमके कसे वागावे याचेही मार्गदर्शन करण्यात आले आहे. आदर्श नगरसेवक बनण्यासाठी पालिका कायदा १८८८ समजून घ्या, विभागात अनधिकृत झोपडय़ा उभ्या राहत असतील तर तात्काळ त्याची तक्रार संबधित अधिकाऱ्यांकडे करा, पालिकेशी संबंधित तसेच अन्य महत्त्वाच्या अधिकाऱ्यांचे पत्ते व दूरध्वनी जवळ बाळगण्याचा आग्रह या पुस्तिकेत करण्यात आला आहे.
मनसेच्या स्थापनेपासून परप्रांतीचे लोंढे रोखण्याची भूमिका राज ठाकरे यांनी सातत्याने मांडली असून मुंबईत येणारे लोंढे रोखण्यासाठी कोणती काळजी घ्यावी याची विशेष माहिती या पुस्तिकेत देण्यात आली आहे. त्याचप्रमाणे ७४ व्या घटनादुरुस्तीसह पालिकेच्या प्रत्येक प्रभागातील नागरी कामांची माहितीही देण्यात आली असून ही पुस्तिका सर्वसामान्य नागरिकांसाठीही उपयुक्त ठरणारी आहे.

सगेसोयरे अस्वस्थ
मनसेच्या उमेदवारीसाठी नात्यागोत्यांचे राजकारण चालणार नाही, असे राज ठाकरे यांनी पक्षस्थापनेच्या वेळीच जाहीर केल्याने, आगामी महापालिका निवडणुकासाठी नातेवाईकांची मोर्चेबांधणी करणाऱ्यांमध्ये अस्वस्थता पसरली आहे. आमदार शिशिर शिंदे यांची पत्नी निवडणूक लढविणार असल्याची चर्चा कार्यकर्त्यांमध्ये सुरू झाल्याने, स्वत शिशिर शिंदे यांनी त्याचा इन्कार केला आहे. आपली पत्नी निवडणूक लढविणार नाही, असे त्यांनी लोकसत्ताशी बोलताना स्पष्ट केले.

पवारसाहेबांच्या कृपने मिळालेलं मंत्रिपद सांभाळा : राज ठाकरे

2011-11-22T19:52:00.001+05:30

खालील बातमी स्टार माझा च्या सौजन्याने ...................

मुंबई : राज ठाकरे आणि अजित पवार यांच्यातील वाकयुद्ध सुरूच आहे. "अजित पवार यांना शरद पवारसाहेबांच्या कृपेने मंत्रिपद मिळालंय, नामदारकी मिळालीय, त्यांनी ती नीट सांभाळावी, नको त्या भानगडी कशासाठी?", असा सवाल राज ठाकरेंनी केलाय.

"पवार साहेबांचे शिक्षक बोललेच आहेत ना, पवार साहेब निवृत्त झाले तर राष्ट्रवादी कुणी सांभाळणार नाही". "दुसऱ्याकडे बोटं दाखवण्यापेक्षा याचा जास्त विचार करावा", अशा शब्दात राज ठाकरे यांनी अजित पवारांवर टीका केलीय.

ठाकरे-पवार क्रिकेट वॉर
टेस्ट क्रिकेटर सदू शिंदे हे माझे आजोबा होते, असं उत्तर अजित पवारांनी राज ठाकरेंना दिलं होतं. यावर उत्तर देतांना राज ठाकरे म्हणाले, मला वाटतं कुणाचेही वडिल आपले आजोबा कसे मानावेत? सदू शिंदे शरद पवारांचे ते सासरे.

हे अजित पवारांचे आजोबा कसे झाले? हे अजूनपर्यंत मला कळलं नाही. हे कुठची नाती बघतात? असा प्रश्न राज ठाकरे यांनी उपस्थित केला.

माझ्या चुलत-चुलत भावाची आई, तिची जी सख्खी बहिण होती, त्यांचे मिस्टर हे व्ही.शांताराम होते. मग मी काय 'प्रभात'वर हक्क सांगू का? असा सवाल राज ठाकरे यांनी केलाय.

दारासिंह ही यांचे आजोबा असतील?
कदाचित मला माहित नाही, दारासिंहपण यांचे आजोबा असतील. कारण हे कोणत्यातरी कुस्ती संघटनेचे पण अध्यक्ष आहेत म्हणे, अशी बोचरी टीका राज ठाकरे यांनी अजित पवारांवर केलीय.

राज ठाकरे पुढे बोलतांना म्हणाले, 'प्रश्न शेतीचा आहे, अजित पवार शेतकरी आहेत ना, या गोष्टींची सुरूवात त्यांनीच करायची, आम्ही विचारलंय का यांना?, हजारो शेतकरी आत्महत्या करताहेत. तुम्ही कधी करणार म्हणून..'

आयत्या बिळावर नागोबा ....

2011-11-17T13:08:00.000+05:30

कल्याण येथे मनसे चे आमदार श्री प्रकाश भोईर ह्यांच्या प्रयत्नातून एक सुंदर असे उद्यान साकार होत आहे. शिवसेनेचा ह्या उद्यानाशी काडीमात्र संबंध नसताना स्थानिक नगरसेवकांनी ह्या उद्यानाचे उद्घाटन कार्याध्याक्ष्य उद्धव ठाकरे ह्यांच्या हस्ते करण्याचा डाव आखला तो मनसे च्या कार्यकर्त्यांनी उधळून लावला ...... महाराष्ट्र नवनिर्माण सेनेचे आमदार श्री प्रकाश भोईर ह्यांच्या संकल्पनेतून हा प्रकल्प साकार होत आहे आणि त्यांनी स्वता ह्या उद्यानासाठी अथक परिश्रम केले आहेत असे असताना शिवसेनेने ह्या उद्यानाचे श्रेय घेण्याचा प्रयत्न केला तर मनसैनिक गप्पं कशे बसतील?

वाचा लोकसत्ता मधील बातमी

http://www.loksatta.com/index.php?option=com_content&view=article&id=194200:2011-11-16-18-37-13&catid=26:2009-07-09-02-01-20&Itemid=3

कल्याण, १६ नोव्हेंबर / प्रतिनिधी
कल्याणमधील ठाणकरपाडा येथील माता रमाबाई आंबेडकर उद्यानाची पाहणी करण्यासाठी काही क्षण आलेल्या शिवसेनेचे कार्याध्यक्ष उद्धव ठाकरे यांच्यासमोरच आज संध्याकाळी उद्यानाच्या विकासाचे श्रेय घेण्यावरून मनसे सैनिक आणि शिवसैनिक समोरासमोर भिडले. दोन्ही गटांत झालेल्या बाचाबाची आणि धक्काबुक्कीत एका शिवसैनिकाने मनसेच्या नगरसेविका मीनाक्षी डोईफोडे यांना अर्वाच्य शिवीगाळ व धक्काबुक्की केल्याने वातावरण तप्त झाले.
आधारवाडी येथील सीमेंट रस्त्याच्या भूमिपूजनाचा कार्यक्रम उरकून उद्धव ठाकरे शिवसेनापुरस्कृत अपक्ष नगरसेवक मोहन उगले यांच्या ठाणकरपाडा प्रभागातील रमाबाई आंबेडकर उद्यानाची पाहणी करण्यासाठी आले; परंतु या उद्यानासाठी मनसेचे आमदार प्रकाश भोईर यांनी लाखो रुपयांचा निधी उभारला आहे. त्यांची कामे येथे सुरू आहेत. या उद्यानात ठाकरे येणार म्हणून मनसेचे जिल्हाध्यक्ष काका मांडले, सरचिटणीस इरफान शेख, विरोधी पक्षनेते मंदार हळबे, मनसे कार्यकर्ते उपस्थित होते. शिवसैनिक मोठय़ा संख्येने उद्यानाच्या प्रवेशद्वारावर जमले होते.
गेल्या आठवडय़ात मोहन उगले यांनी उद्यानातील ध्यानधारणा केंद्राचे उद्घाटन केले होते. त्यामुळे शिवसैनिक आणि मनसे सैनिकांमध्ये धुसफूस सुरू होती. उद्यानाच्या ठिकाणी वातावरण तंग बनले होते. पोलीस बंदोबस्त येथे होता.
उद्धव ठाकरे येण्यापूर्वी आमदार एकनाथ शिंदे, महापौर वैजयंती गुजर, खासदार आनंद परांजपे, राजेंद्र देवळेकर हे उद्यानात प्रवेश करीत असताना शिवसैनिक मोठय़ा संख्येने घोषणाबाजी करीत उद्यानात घुसले. त्यापाठोपाठ मनसे कार्यकर्तेही घुसले. घोषणाबाजी सुरू झाली. उद्धव ठाकरे उद्यानाची पाहणी करीत असतानाच शिवसैनिक आणि मनसे सैनिक समोरासमोर भिडले. बाचाबाची, धक्काबुक्की झाली. या धक्काबुक्कीत एका शिवसैनिकाने मनसे नगरसेविका डोईफोडे यांना शिवीगाळ करून धक्काबुक्की केली. वातावरण अधिक चिघळू नये म्हणून उद्धव ठाकरे यांनी तेथून काढता पाय घेतला.
मनसेचे मंदार हळबे, इरफान शेख यांनी सांगितले, आमच्या नगरसेविकेला शिवसैनिकाने धक्काबुक्की करून तिला शिवीगाळ केली आहे. त्या शिवसैनिकाच्या विरोधात बाजारपेठ पोलीस ठाण्यात अ‍ॅट्रॉसिटीअंतर्गत गुन्हा दाखल करण्यात येणार आहे. सुनील जोशींचे प्रकरण घडले त्या वेळी उद्धव ठाकरे यांनी उगले हे अपक्ष नगरसेवक आहेत असे जाहीर केले होते. मग आज एका अपक्ष नगरसेवकाच्या मागे फरफटत उद्धव हे उद्यानाचे काम पूर्ण झाले नसताना का फरफटत आले, असा प्रश्न हळबे यांनी केला.

पेट्रोल दरवाढ : ममतांकडून पाठिंबा काढण्याचा इशारा

2011-11-04T20:12:00.001+05:30

चला ममता दीदी मुळे पेट्रोल दरवाढीतून सुटका होण्याची चिन्ह आहेत
अमेरिकेत पेट्रोल साठी एका लिटर ला ४५ रुपये पडतात मग भारतात पेट्रोल एवढं महाग का ?? हा मोठा गहन प्रश्न आहे .........

खालील बातमी स्टार माझा च्या सौजन्याने

नवी दिल्ली : तृणमूल काँग्रेस प्रमुख ममता बॅनर्जी यांनी पेट्रोल दरवाढीचा विरोध केला असून, सरकारचा पाठिंबा काढून घेण्याचा इशारा दिला आहे. आपल्या मित्र पक्षांशी चर्चा न करता सरकारने ११ महिन्यात १२ वेळा पेट्रोलच्या किंमती वाढवणे आपल्याला मान्य नसल्याचं ममता बॅनर्जी यांनी म्हटलं आहे.

तृणमूल काँग्रेसच्या संसदीय दलाच्या बैठकीत सदस्यांनी यूपीए सरकारमधून बाहेर पडण्याचा निर्णय घेतला आहे. पण पंतप्रधान परदेश दौऱ्यावरून परतल्यानंतर चर्चा करून निर्णय घेणार असल्याचं म्हटलं आहे.

पश्चिम बंगालच्या मुख्यमंत्री ममता बॅनर्जी यांनी असंही म्हटलं की, आता युपीएमधून बाहेर पडल्यावर सरकार कोसळेल आणि आपल्याला तसं करायचं नाहीए म्हणून आपण पंतप्रधान कधी परतणार आहेत याची वाट पाहात असल्याचं ममता बॅनर्जी यांनी म्हटलं आहे.

राज, आझमी यांची वक्तव्ये तपासणार - आर आर आबा ...

2011-11-04T20:10:00.000+05:30

आर आर आबांची ट्युब लाईट एवढ्या उशिरा का पेटते ??? जेव्हा निरुपम काही बोलला आणि नंतर कृपा शंकर जे काही बरळला तेव्हा त्यांची वक्तव्य त्यांनी तपासून का नाही बघितली ???? म्हणजे आम्ही त्यावर जर प्रतिक्रिया दिली तर लगेच आबा कामाला लागले ..... वा, आबा धन्य तुम्ही आणि तुमचे सरकार.

खालील बातमी म टा च्या सौजन्याने

छट पूजेच्या निमित्ताने आपल्या भाषण बाजीतून उत्तर भारतीय आणि मराठी अशा वादाला पुन्हा उकरून काढणा-या काँग्रेसचे संजय निरुपम, समाजवादी पक्षाचे अबू आझमी आणि मनसे अध्यक्ष राज ठाकरे यांची भाषणं तपासण्याचे आदेश राज्याचे गृहमंत्री आर. आर पाटील यांनी शुक्रवारी दिले. त्यामुळे या भाषणबाजी करणा-या नेत्यांसमोर आता अडचणी वाढण्याची शक्यता आहे.

राजकीय स्वार्थासाठी भाषणबाजी करून समाजात फूट पाडणा-यांवर योग्य कारवाई केली जाईल, असे आश्वासन आर. आर. पाटील यांनी दिले. त्यासाठी पुढील दोन दिवसात अबू आझमी, निरुपम आणि राज ठाकरे या तिघांची भाषणे तपासण्याचे आदेश देण्यात आले आहेत. या तपासात कोणी दोषी आढळल्यास त्यांच्यावर कारवाईचे आदेश देण्यात आहेत.

महापालिकेच्या निवडणूका समोर असल्याने महाराष्ट्रातील राजकीय वातावरण आता चांगलेच तापू लागले आहे. अशावेळी प्रत्येक राजकीय पक्ष व्होटबँकेचे गणित समोर ठेऊनच भाषणबाजी करताना दिसत आहे. या आठवडाभरात छटपूजेच्या निमित्ताने जमलेल्या उत्तर भारतीयांसमोर मुंबई बंद करण्याची भाषा केली होती. तर अबू आझमी यांनी उत्तर भारतीयांविरोधात बोलणा-या एकएकाला बघून घेईन अशी भाषा केली होती. प्रत्युत्तरा दाखल राज ठाकरे यांनी ही भाषणबाजी बंद झाली नाही तर दंगली भडकतील, असा इशारा दिला होता. त्यामुळे राज्यातील वातावर गढूळ होण्यास सुरुवात झाली आहे.

'आवरा' आता, राज ठाकरेंचा इशारा

2011-11-04T11:19:00.000+05:30

राज साहेबांची पत्रकार परिषद .......

http://www.youtube.com/watch?v=GmixBKCOfco&feature=player_embedded

... तर, महाराष्ट्रात दंगली पेटतील!

2011-11-04T11:16:00.001+05:30

खालील बातमी म टा च्या सौजन्याने

मराठी माणसाच्या विरोधात उत्तर भारतीयांचे नेतृत्व करणाऱ्या नेत्यांची आणखी विधाने येत राहिली तर माझा मराठी माणूस खवळेल आणि मग महाराष्ट्रात दंगली पेटतील. मात्र याला राज्य सरकार जबाबदार असेल, असा इशारा महाराष्ट नवनिर्माण सेनेचे अध्यक्ष राज ठाकरे यांनी दिला. आपण पोकळ धमक्या देत नसून मराठी माणसाला भडकाविणाऱ्या नेत्यांना बेडरूमच्या बाहेर पडणे मुश्किल करून टाकू, असेही ते म्हणाले.

काँग्रेसचे खा. संजय निरुपम, मुंबई काँग्रेस अध्यक्ष कृपाशंकर सिंह तसेच समाजवादी पक्षाचे आमदार अबू आझमी यांचा राज ठाकरे यांनी समाचार घेतला. या सर्व नेत्यांना मराठी नेत्यांनीच आश्रय दिला. निरुपम हा उद्धवच्या गळ्यातला ताईत होता. उद्धव ठाकरे यांच्या सांगण्यावरूनच छटपूजा गिरगाव चौपाटीवर नेऊन तिचे स्वरूप मोठे करण्यात आले. कृपाशंकरच्या घरी उद्धव ठाकरे जातात आणि छटपूजेचे स्वागत करणारे शिवसेनेचे होर्डिंगजही लागतात, असा टोलाही लगावला.

उत्तर भारतीय नेत्यांनी वेड्यावाकड्या गोष्टी करून दाखवाव्यात, असे माझे त्यांना आव्हान आहे, मग ते कसे घराबाहेर पडतात ते मी पाहीन, असा इशारा त्यांनी दिला. माझ्याविरोधात आग ओकणाऱ्या हिंदी चॅनेल्सवर माझी करडी नजर आहे. मी आग ओकतो आणि हे नेते काय मध ओकतात का? माझ्या वाक्यांचा हिंदी चॅनेल्सवाल्यांनी विपर्यास केल्यास त्यांचे कॅमेरे महाराष्ट्रात फिरणार नाहीत, याचाही बंदोबस्त मी करेन, असे ते म्हणाले.

राष्ट्रवादी चे घोषणा वाक्य , इंच इंच विकू - राज ठाकरे

2011-10-23T02:17:00.001+05:30

खालील वी डी ओ स्टार माझा च्या सौजन्याने .................................

http://www.youtube.com/watch?v=adkMQgaYzMs&feature=player_embedded

रिक्षावाल्यांनो खबरदार, मनसेचा 'मीटर' पडला!

2011-10-04T18:06:00.002+05:30

सामान्य नागरिक गप्प बसलाय म्हणून काहीही करू असं जर शरद राव समझत असतील तर मनसे त्यांना शुद्धीवर आणायला समर्थ आहे ...... एकदा होऊन जाउद्या ...... ह्या रिक्षा वाल्यांनी जाम नाडलय सामान्य लोकाना .....

ह्या शरद राव ला इलेक्ट्रोनिक मीटर का नको पाहिजे , जरा कळू तर द्या ........

आपला

विनोद शिरसाठ

खालील बातमी म टा च्या सौजन्याने

रिक्षावाल्यांची मुजोरी आता सहन करण्यापलिकडे गेली आहे. मीटरमध्ये फेरफार करून लोकांना लुटायचे. जवळची भाडी नाकारायची आणि वर शहाणपणा करत संपाची भाषा करायची. त्यामुळे आता बस्स झाले, उद्यापासून लोकांचा राग काय असतो ते पाहा... अशी तंबी राज ठाकरे यांनी रिक्षावाल्यांना दिली.

रिक्षावाल्यांच्या त्रासामुळे हैराण झालेल्या मुंबईकरांची दुखरी नस राज यांनी मंगळवारी अचूक पकडली. रिक्षावाल्यांच्या प्रश्नावर मनसेची भूमिका मांडण्यासाठी त्यांनी कृष्णकुंज येथे पत्रकार परिषद बोलावली होती.

शरद राव सतत संपाद्वारे लोकांना वेठीस धरत आहे. कधी महापालिकेचा संप, कधी टॅक्सीचा संप, कधी बेस्टचा संप आणि आता रिक्षाचा संप. असा सतत लोकांना त्रास देत राहिलात तर शरद रावांना घरातूनही बाहेर पडणे अवघड होईल, असा आवाजही राज यांनी यावेळी दिला.

रिक्षावाल्यांच्या मागण्या योग्यही असतील , पण लोकांना वेठीस धरू नका. मीटरमधले फेरफार नको, इलेक्ट्रॉनिक मीटर सक्तीचे करा. जवळचे असो वा लांबचे कोणतेही भाडे नाकारू नका. हे सारे आमचे म्हणणे नाही, वाहतूक विभागाचे नियम आहेत. ते कायदे पाळले जावेत, अन्यथा कायदा हाती घेतला तर बोलू नका, अशी भूमिका त्यांनी मांडली.

स्थानिक-परप्रांतीय मुद्दा यातही स्पष्ट करत ते म्हणाले की, रिक्षा चालवणारे कोण आहेत ? ते अधिकृत आहेत की अनधिकृत ? याची तपासणी करा. मी खात्रीने सांगतो ही मुजोरी करणारे रिक्षावाले परप्रांतीय आहेत. म्हणून अबू आझमींसारखी लोक यांची बाजू उचलतात. खरं तर यात कोणतेही राजकारण करण्याचा भाग नाही. हा लोकांचा मुद्दा आहे, आणि लोकच काय ते ठरवतील.

मराठी आरटीओ अधिका-यांनीच वाटोळे केले

या प्रश्नाला जेवढे रिक्षावाले दोषी आहेत, तेवढेच आरटीओचे अधिकारीही जबाबदार आहेत. दुर्दैवाने ते मराठी आहेत. हेच अधिकारी चिरमिरी खाण्यासाठी या नियमांचा चुराडा करतात. त्यामुळे त्यांनाही मनसेचे कार्यकर्ते भेटतील, असे राज यांनी सांगितले.

मुंबई पालिकेकडून रस्त्यांचं कंत्राट ब्लॅक लिस्टेड ठेकेदारांना

2011-09-29T19:15:00.001+05:30

खालील बातमी स्टार माझा च्या सौजन्याने .....

स्टार माझा वेब टीम, मुंबई
Thursday, 29 September 2011 18:11

ब्लॅक लिस्टेड कंत्राटदारांना कंत्राट दिल्याने मनसेकडून आंदोलन

मुंबई महापालिकेने ब्लॅक लिस्टेड ठेकेदारांना पुन्हा रस्त्यांचं कंत्राट दिलंय. रस्त्यांच्या ५५० कोटींच्या कामाला प्रस्तावाला स्थायी समितीनं मंजुरी दिलीय. यामुळे ठेकेदारांची दिवाळी झालीय तर मुंबईतील रस्त्यांचं मात्र दिवाळं निघालंय.

ब्लॅक लिस्टेड ठेकेदारांना पुन्हा कंत्राट दिल्याच्या निषेधार्थ मनसेच्या १ तर काँग्रेसच्या ७ सदस्यांनी सभात्याग केलाय.

मुंबई महापालिकेत रस्त्यांची निकृष्ट कामं आणि त्यामुळे पडणाऱ्या खड्ड्यांवरून वाद सुरू असतांना, मुंबई महापालिकेने पुन्हा एकदा ब्लॅक लिस्टेड कंत्राटदारांना रस्त्याचं कंत्राट दिलंय.

रस्त्यांना फार कमी काळात खड्डे पडल्याने पुढील वर्षांचा निधी या वर्षासाठी वापरण्याची नामुष्की ओढवली आहे. हा प्रस्ताव मंजूर केल्याच्या निषेधार्थ मनसे आणि काँग्रेसच्या कार्यकर्त्यांनी प्रस्तावाची होळी केली आहे.

रेलकॉन, प्रकाश इंजिनिअर्स, महावीर इंजिनिअर्स, वलेजा इंजिनिअर्स, के.आर. इंजिनिअर्स यांना हे कंत्राट देण्यातस आलंय. या कंपन्यांना यापूर्वी ब्लॅक लिस्टेड करण्यात आल्या होत्या.

तरीही शिवसेनेने यांच्यावर मेहेरबान होऊन पुन्हा यांना रस्त्याचं कंत्राट दिल्याचा आरोप विरोधकांकडून होतोय.

फेसबुक वरील ग्रुप - मी वाचलेलं पुस्तक (झाडाझडती)

2011-09-28T16:14:00.002+05:30

खालील लेख फेसबुक वरील मी वाचलेलं पुस्तक ह्या ग्रुप वरून घेतलेलं आहे .....

सदरचा लेख महेंद्र कुलकर्णी चा आहे

http://www.facebook.com/groups/199868616746908/

झाडाझडती - विश्वास पाटिल

एकूणच ग्रामिण जीवनाचा, गावकीतल्या गुंतागुंतीच्या राजकारणाचा विश्वास पाटलांचा अभ्यास अचाट आहे. वरवर पाहता शांत एकसुरी आयुष्य जगणा-या ह्या एका गावावर धरणाचा नांगर फ़िरतो आणि गावच्या गाव देशोधडीला कसं लागतं त्याचं वर्णन ह्या कादंबरीत वाचायला मिळतं.

आपल्यासारख्या शहरी जीवनाला चटावलेल्या लोकांना धरण = वीज एवढंच गणित कळतं, अधिकाधीक वीज उत्पादनासाठी अधिकाधीक धरणं बांधायला हवीत अशी किमान माझी तरी अपेक्षा असायची. पण अशा धरणांखाली गाडल्या गेलेल्या गावांची, गावक-यांच्या स्वप्नांची मोजदाद करायला आपल्याला वेळ तरी कुठे असतो.

गावातलं वातावरण, तिथलं राजकारण तिथली शासनव्यवस्था आपल्याला आधी अनाकलनीय वाटल्या तरी कादंबरी अर्धी वाचुन होईपर्यंत आपल्या अंगवळणी पडतात. सर्वस्व पणाला लागलेल्या धरण विरोधी लढ्यातही आपलं, आपल्या जातीचं वेगळेपण शाबुत ठेवण्यासाठीची धडपड बघुन कीव करावीशी वाटली तरी त्या गोष्टी टाळता येण्यासारख्या नसतात.

पाटलांनी उभ्या केलेल्या प्रत्येक व्यक्तीरेखेला वेगळं अस्तित्व आहे, प्रत्येक व्यक्तीरेखा आपल्यासमोर वेगवेगळे प्रश्न उभे करते. देशाच्या, राज्याच्या भल्यासाठी शेतक-यांनी घरादाराची होळी करायची आणि राजकारण्यांनी तोंडाला पानं पुसायची हा प्रकार आता नवा राहीलेला नाही.

झाडाझडती जेव्हा पहिल्यांदा वाचलं तेव्हा लिहीलेल्या काही ओळी इथे द्यायचा मोह आवरत नाही

धराण

त्यांचं हुतया धराण
आमचं हुतया मराण

धरनाची ईज म्हनं राज्याला देनार
आमी मातुर घुबडागत अंधारात सडनार

जवा कोसळंल पाउस, धराण भरंल
मोडल्याल गाव पाक भिकेला लागंल

नेमाप्रमानं सरकारन जमीन दीली व्हती
पांढ-या कागदावर काळी शाय वतली व्हाती

आमदार खासदार येत्यात
ईकासाचं गाजार दाखीवत्यात
उर फ़ुटेस्तोवर शेतकरी
नव्या रानातलं दगुड फ़ोडत्यात

पुनर्वसनाच्या नावाखाली
आमास्नी आयुष्यातुन उठीवलं
सोन्यासारखी जमीन बुडवुन,
दगड धोंडं गळ्यात मारलं

गावतली पोरं तालुक्याला भीक मागत्यात
आमच्या आयाभनी लोकाची भांडी घासत्यात

सरकारचं डोळं फ़ुटल्यात आमच दिस फ़ीरल्यात
कुनाला काय बी दिसत न्हाय
ह्या आमच्या वांझोट्या जमीनीत
दगड धोंडयांशीवाय कायबी पीकत न्हाय

फटाके दिवाळीनंतर : राज

2011-09-21T17:46:00.001+05:30

खालील लेख म टा च्या सौजन्याने ......

मी एक वाक्य बोललो तर एवढे झोंबले. त्यावर जे काही माझ्याबद्दल लिहून आलंय, ती त्यांची परंपरा आहे. मी आता फक्त एक टिचकी मारलीय, दिवाळीनंतर माझे फटाके सुरू होतील, अशी प्रतिक्रिया राज ठाकरे यांनी उद्धव यांच्या विखारी टीकेवर दिलंय.

खडकवासला येथील मनसे आमदार रमेश वांजळे यांच्या निधनानंतर होणा-या पोटनिवडणुकीसंदर्भात मनसेची भूमिका मांडण्यासाठी त्यांनी पत्रकार परिषद बोलावली होती. त्यावेळी उद्धव ठाकरे यांच्या टीकेसंदर्भात पत्रकारांनी छेडले असता त्यांनी थोडक्यात उत्तर दिलंय. काल शिवसेनेने पत्रक काढून राज ठाकरे यांना नावानीशी ‘ फुकट-राज ’, ‘ नमकहराम ’, ‘ बेईमान ’ अशी भाषा केली होती.

खडकवासल्यातील भूमिकेपेक्षा राज उद्धव यांना काय उत्तर देणार याकडे सर्वांचे लक्ष लागले होते. त्याप्रमाणे आजच्या ‘ सामना ’ मध्ये जे काही छापून आलंय, त्यावर तुमचे मत काय असा प्रश्न पत्रकारांनी विचारला. त्यावर राज म्हणाले, की ‘ आत्ताच यावर काहीही बोलणार नाही. माझे एक वाक्य एवढे झोंबले तर निवडणुकीच्या वेळी काय होईल त्याचा तुम्हीच विचार करा ’.

आज जे पत्र आलंय ते मी सेफ डिपॉझिटमध्ये ठेवलंय. योग्य वेळी बाहेर काढेन. खरं तर मी अजून काहीच बाहेर काढलेले नाही. कदाचित त्यांना नरेंद्र मोदी किंमत देत नाहीत म्हणून काय त्रागा असावा, अशी कोपरखळीही त्यांनी उद्धव यांना मारली.

खडकवासल्यातून मनसेचा उमेदवार नाही

मनसेचे आमदार रमेश वांजळे काय होते, आमच्यासाठी त्यांचे स्थान काय होते हे आम्ही तुम्हाला सांगायची गरज नाही. पण आज वांजळे वहिनी राष्ट्रवादीच्या तिकिटावर निवडणूक लढवणार असे चाललंय. मी माझ्या परीने समजावायचा प्रयत्न केला. पण एकीकडे ‘ मी तुमच्या पक्षांचे मंगळसूत्र घातले आहे ’ असे बोलायचे आणि दुसरीकडे वेगळी चर्चा करायची हे मला मान्य नाही. अशा एक-दोन आमदारांनी आमचे काही अडणार नाही. पण जे काही चाललंय ते नैतिकतेला धरून नाही. म्हणूनच त्यांना वागायचे तसे वागो, आम्ही आमच्या रमेश वांजळेंना श्रद्धांजली म्हणून आम्ही खडकवासल्यातून उमेदवार देणार नाही.

रस्ते बांधकामाच्या ५६० कोटी रुपयांच्या निविदा तात्काळ रद्द करा

2011-09-16T12:24:00.002+05:30

मुंबई आणि उपनगरातील रस्ते बांधकामाचे ठेके चांगल्या कंपनी कडे दिले पाहिजेत .... हे स्थानिक ठेकेदार २५ - ३० % बिलो जाऊन जर निविदा भारत असतील तर ते चांगले रस्ते कसे बांधणार? समझा एखाद्या रस्त्याचे महानगरपालिकेचे एस्टीमेट जर १ करोड रुपयाचे असेल आणि ठेकेदार जर हा रस्ता ७५ लाखात करत असेल तर त्या रस्त्याचा दर्जा कसा असेल ह्याची कल्पना करा? आता वेळ आली आहे की सर्व रस्त्यांची कामा एल एंड टी / ग्यामन अश्या प्रथितयश कंपन्यान कडे द्यावे .......

आपला

विनोद शिरसाठ

राज ठाकरे यांची मुख्यमंत्र्यांकडे मागणी
मुंबई, १५ सप्टेंबर / विशेष प्रतिनिधी
महापालिकेने नियम धाब्यावर बसवत तसेच कामात निष्काळजीपणा करणाऱ्या कंत्राटदारांना काळ्या यादीत टाकण्याऐवजी त्यांना मुंबईतील रस्त्यांची ५६० कोटी रुपयांची कंत्राटे बहाल करण्याची तयारी प्रशासनाने चालविली आहे. ‘मनसे’चे अध्यक्ष राज ठाकरे यांनी आज मुख्यमंत्री पृथ्वीराज चव्हाण यांची भेट घेऊन या निविदा तात्काळ रद्द करण्याची आणि मुंबईकरांना चांगले रस्ते देण्याची मागणी केली. राज ठाकरे यांच्या भूमिकेमुळे शिवसेना अडचणीत आल्याची चर्चा पालिका वर्तुळात सुरू झाली आहे.
पालिकेतील विरोधी पक्षनेते राजहंस सिंह यांनीही निविदा रद्द करण्याची मागणी केल्यानंतर कोणत्याही परिस्थितीत रस्त्यांची निविदा मंजूर केली जाईल, असे शिवसेनेने जाहीर केले होते.
मुंबई शहरातील रस्त्यांवर दरवर्षी पावसाळ्यात पडणाऱ्या खडय़ांमुळे नागरिकांना त्रास सहन करावा लागतो. हे दुष्टचक्र संपण्याची गरज असल्याचे सांगत, उत्तम दर्जाचे रस्ते बांधू शकणाऱ्या व्यावसायिकांना काम देण्यात यावे, अशी मागणी त्यांनी मुख्यमंत्र्यांकडे केली. आमदार नितीन सरदेसाई, अतुल सरपोतदार आदी मनसेचे पदाधिकारी या वेळी उपस्थित होते.
गेल्या वीस वर्षांत पालिका चांगले रस्ते का बांधू शकली नाही, निविदेतील पालिकेने निश्चित केलेल्या दरापेक्षा पंचवीस टक्के कमी दराने निविदा भरणारे कंत्राटदार चांगले रस्ते कसे देणार? असा सवाल राज ठाकरे यांनी केला. खराब रस्ते बांधण्यासाठी कोटय़ावधी रुपये खर्च करायचे, नंतर त्यावर पडणाऱ्या खड्डे बुजविण्यासाठी कोटय़ावधी रुपयांची उधळण करायची, हे दुष्टचक्र आता थांबवा, असे आवाहन राज ठाकरे यांनी मुख्यमंत्र्यांना केले. सुमार कुवतीच्या तसेच भ्रष्ट कंत्राटदारांना दरवर्षी पाचशे-हजार कोटींचे कंत्राट देण्याऐवजी संपूर्ण व्यावसायिक व या क्षेत्रातील तज्ज्ञ असलेल्या कोणत्याही कंपनीला हे कंत्राट द्यावे, कोणाला कंत्राट द्यायचे याचा निर्णय तुम्ही घ्या, पंरतु मुंबईकरांना आता तरी किमान चांगले रस्ते द्या, अशी मागणी राज ठाकरे यांनी केली.
दरम्यान या संदर्भात राज ठाकरे यांच्याकडे विचारणा केली असता ते म्हणाले की, मुख्यमंत्र्यांनी याची गंभीर दखल घेतली असून ते पालिका आयुक्तांशी याबाबत बोलणार आहेत. यापूर्वी कल्याण-डोंबिवली पालिका निवडणुकीच्या वेळीही खड्डय़ांच्या प्रश्नामुळे शिवसेनेला झटका बसला होता. ज्या कंत्राटदारांवर पालिकेने दंडात्मक कारवाई केली त्यांनाच ५६० कोटी रुपयांचे कंत्राट कसे दिले? असा सवालही त्यांनी केला.

जलशुद्धीकरण प्रकल्पाची दुर्दशा - कल्याण / डोम्बिवली

2011-09-15T12:45:00.000+05:30

खालील बातमी म टा च्या सौजन्याने ........

कल्याणातील केडीएमसीचेजलशुद्धीकरण केंद्र अतिशयकेविलवाण्या स्थितीत असूनत्याकडे कानाडोळा करूनमहापालिका प्रशासन लाखोनागरिकांच्या जीविताशी खेळकरत आहे . या केंद्रातील पाणीशद्धीकरणासाठी वापरलीजाणारी रेती चक्क गेल्या १० वर्षांत बदलण्यात आली नसून काही फिल्टर नादुरुस्तअसल्याची धक्कादायक माहितीही उघड झाली आहे . या पार्श्वभूमीवर जबाबदारअधिकाऱ्यांना निलंबित करण्याची मागणी होत आहे .

कल्याणातील बारावे जलशुद्धीकरण केंद्राची मनसेचे आमदार प्रकाश भोईर यांनीअलिकडेच अचानक पाहणी केली . त्यावेळी त्यांना या केंद्राची दयनीय स्थिती आढळूनआली होती . त्याबाबत त्यांनी पालिका आयुक्त रामनाथ सोनवणे यांच्याकडे तक्रारकेल्यावर एक्झिक्युटीव्ह इंजिनीअर रविंद्र पुराणिक यांच्या अध्यक्षतेखाली समितीनेमून या केंद्राच्या स्थितीबाबतचा अहवाल सादर करण्यास सांगण्यात आले होते .
या समितीचा अहवाल मंगळवारी महासभेत दाखल करण्यात आल्यावर तेथीलभयानक स्थिती स्पष्ट झाली . जलशुध्दीकरण केंद्रात १८ फिल्टर असले तरी त्यापैकी ३फिल्टर बंद असल्याचे आढळले . तसेच या फिल्टरमधील रेती २००१पासून बदललेलीनाही . पाण्याच्या प्रवाहाच्या मार्गात तर चक्क शेवाळ दिसून आल्याने या केंद्राच्याअस्वच्छतेबाबत कल्पना येते . २ फ्ॅलश मिक्सरपैकी १ नादुरुस्त होते . पाण्याचीगुणवत्ता तपासण्याच्या प्रयोगशाळेत पाणी गळती होते .

तसेच पाण्याच्या चाचणीचे नमुने कोकण भवन येथील प्रयोगशाळेत पाठवले जातात ,असा पालिकेचा दावा असला तरी प्रत्यक्षात तशी नोंद कोठेही आढळली नाही .याखेरीज या नोंदींची तपासणी पालिका अधिकाऱ्यांकडून केल्याचेही पुरावे दिसलेनसल्याचा ठपका पुराणिक समितीने ठेवला आहे . त्यामुळे पाण्याच्या गुणवत्तेकडेप्रशासन दुर्लक्ष करत असल्याचा गंभीर निष्कर्ष या अहवालात काढण्यात आला आहे .

या केंद्रात ८० कर्मचारी नेमणे बंधनकारक असताना प्रत्यक्षात ५६ कर्मचारीच कामकरत असल्याचे समितीचे म्हणणे आहे . तेथील कर्मचाऱ्यांना ठराविक शैक्षणिक पात्रताअसणे गरजेचे असले तरी तेथील कर्मचाऱ्यांकडे तशी पात्रता आढळली नसल्याचेयावेळी उघड झाले . तेथील कर्मचाऱ्यांना ओळखपत्र , गणवेश , गमबूट , हेल्मेट वहॅण्डग्लोज आदींपैकी काहीच कॉण्ट्रॅक्टर पुरवत नसल्याचाही ठपका अहवालात आहे .
अशा गंभीर प्रकारासाठी जबाबदार अधिकाऱ्यांना निलंबित करावे , अशी मागणीनगरसेवक उल्हास भोईर यांनी महासभेत केली . सर्वच नगरसेवकांनी त्यावरुनप्रशासनावर तोंडसुख घेतल्यावर महापौर वैजयंती गुजर यांनी जबाबदारअधिकाऱ्यांवर कारवाई करण्याचा आदेश प्रशासनाला दिला . दरम्यान रस्त्यांची दुर्दशा, डोंबिवलीतील स्वीमिंग पुलचे वादग्रस्त कॉण्ट्रॅक्ट , प्रिंटर बंद असल्याने कोट्यवधीरुपयांची बिले न पाठवणे व त्यापाठोपाठ जलशुध्दीकरण केंद्राची दारुण स्थिती अशासर्वच प्रकरणात विभागप्रमुख एक्झिक्युटीव्ह इंजिनीअर प्रमोद कुलकर्णी आहेत . परंतुते आयुक्त सोनवणे यांच्या खास मर्जीतील अधिकारी असल्याने त्यांच्यावर आयुक्तकारवाई करत नाहीत , असा आरोप पालिका वर्तुळात होऊ लागला आहे .

मराठी मत्सराच्या 'क्रिएटिव्हिटी'वर राज यांचा हल्ला

2011-09-15T12:29:00.002+05:30

टाटा डोकोमो ची जाहिरात बघितली तेव्हाच संताप आला ....... ह्या लोकांना मोलकरीण म्हणून नउ वारी साडी घातलेली महाराष्ट्रीयन बाईच दिसते का ??? आणि ह्या उप्पर तिला चोर म्हणून पण दाखवलं .... असल्या लोकांना पायतनाने तुडवले पाहिजे .....

आपला

विनोद शिरसाठ

खालील बातमी म टा च्या सौजन्याने ......

' जाहिराती वा चित्रपटांमध्ये मराठीजनांना कमी लेखणे वा त्यांचे पात्र जाणीवपूर्वक नोकराचे दाखविणे हे आता इंग्रजाळलेल्या क्रिएटिव्ह मंडळींनी थांबवावे. हा महाराष्ट्राचाच अपमानच असून असा प्रकार करणाऱ्यांची क्रिएटिव्हिटी बाहेर काढायला माझी महाराष्ट्र नवनिर्माण सेना तयार आहे', असा सज्जड इशारा मनसे अध्यक्ष राज ठाकरे यांनी दिला आहे.

जाहिरात कंपन्यांमधील क्रिएटिव्ह मंडळींना उद्देशून राज ठाकरे यांनी एक पत्र लिहिले असून त्यात हा इशारा दिला आहे. टाटा डोकोमो कंपनीने त्यांच्या जाहिरातीमध्ये मराठी मोलकरीण मोबाइल फोन चोरतानाचे दृश्य दाखविले आहे. टाटा कंपनीला याविषयी विचारले असता, त्यांना याची काहीच कल्पना नव्हती. त्यांनी ताबडतोब जाहिरीत मागे घेतल्याचेही आम्हाला कळविले आहे. त्यामुळे माझा आक्षेप त्यांच्याविषयी नसून जाहिरात बनविणाऱ्या आणि इंग्रजाळलेल्या, मराठी माणसाचा द्वेष करणाऱ्या वर्गाला आहे. मी स्वत: जे. जे. स्कूल ऑफ आर्टमधून व्यंगचित्रकला शिकलो आहे.

जाहिराती या उत्पादन विकण्यासाठी असतात. स्थानिक जनतेच्या भावना दुखावून त्यांना अपमानित करण्यासाठी नसतात, असे राज यांनी या पत्रात म्हटले आहे. आंदोलनाची शस्त्रे आम्ही म्यान केलेली नाहीत आणि करणारही नाही. यापुढे लेखी वा तोंडी भाषा बोलली जाणार नाही. मराठी माणसाचा अपमान करणाऱ्या जाहिराती वा चित्रपट बनविणाऱ्यांशी माझे कार्यकर्ते क्रिएटिव्ह पद्धतीने व्यवहार करतील, असा इशाराही पत्राच्या शेवटी राज ठाकरे यांनी दिला आहे.

................................

विनोद आणि मत्सर यातील अंतर कळते

मराठी सोडून प्रामुख्याने हिंदी व इतर भाषांमधील चॅनेलवर ज्या मालिका दाखवतात किंवा चित्रपट निघतात त्यात मराठी माणसाचे अवमुल्यांकन करून त्याचे पात्र दाखविले जाते. विनोद आम्हालाही समजतो आणि जमतो. अनेक चित्रपटांत मराठी माणसाचे कॅरेक्टर विनोदाने दाखवले आहे. त्यावर आम्ही कधी आक्षेप घेतला नाही. मात्र विनोद आणि मत्सर यातले अंतर आम्हाला समजत नाही, असे समजून आपण महाराष्ट्रात राहू नका. हे यापुढे चालणार नाही.

कल्याण - डोंबिवलीत अशुद्ध पाणी पुरवठा

2011-09-08T13:17:00.002+05:30

मनसे चे आमदार श्री प्रकाश भोईर व प्रभाग क्रमांक ३ चे नगरसेवक श्री उल्हास भोईर ह्यांनी काल कल्याण येथील जल शुद्धीकरण केंद्राची पाहणी केली आणि त्यात त्यानां बऱ्याच अनियमित गोष्टी आढळून आल्या .... आम्ही पण साहेबांबरोबर होतो ... तिथला भोंगळ कारभार बघून संताप आला. कोणाचा कोणाला पत्ता नाही ... ज्याला ठेका दिलाय तो ठेकेदार तर तिथे फिरकतच नाही ....... कुठलीही गोष्ट सुस्थितीत नाही ....

ह्या असल्या लाचखाऊ आणि सामान्य जनतेच्या आरोग्याशी खेळणाऱ्या अधिकाऱ्यांवर कारवाई झालीच पाहिजे.

आपला

विनोद शिरसाठ

खालील बातमी प्रहार च्या सौजन्याने ......

सीटीपार्कच्या जागेवर आयटीपार्क?

2011-09-07T15:10:00.002+05:30

कल्याण मध्ये आय टी पार्क असणं ही काळाची गरज आहे ..................... कल्याण , डोम्बिवली , अंबरनाथ व बदलापूर येथून सर्वात जास्त आय टी चे लोकं मुंबई अथवा नवी मुंबई इथे जातात त्यांना जर कल्याण मधेच संधी उपलब्ध झाली तर कल्याण / डोम्बिवली शहराचे रूप पालटेल ह्यात काही शंका नाही .... ह्या ब्लॉग द्वारे आम्ही कल्याण डोम्बिवली करांना आवाहन करतो की त्यांनी आमदार प्रकाश भोईर ह्यांच्या ह्या मागणीला पाठींबा द्यावा.

आपला

विनोद शिरसाठ

खालील बातमी म टा च्या सौजन्याने ......

कल्याणच्या गौरीपाडा येथीलजागेवर तब्बल १०० कोटी रुपयेखर्चाच्या प्रस्तावित सीटीपार्कप्रकल्पाच्या जागेवर आयटीपार्कउभारावे , अशी मागणी मनसेचेआमदार प्रकाश भोईर यांनी केलीआहे . सीटीपार्कची निम्मी जागाताब्यात नाही व त्यासाठीचाकोट्यवधींचा निधी पालिकाउभारू शकत नाही . त्यामुळे हीजागा आयटीपार्कसाठी द्यावी ,अशी मागणी त्यांनी केली आहे .याबाबतचा निर्णय सोमवारी पालिकेत होणाऱ्या बैठकीत होण्याची शक्यता आहे .

कल्याण परिसर एकेकाळी राज्याच्या औद्योगिक नकाशावर ठळकपणे उमटला होता .पण जागेला आलेले सोन्याचे भाव व इतर राज्यांनी पोषक औद्योगिक धोरणस्वीकारल्याने निर्माण झालेली स्पर्धा यामुळे या भागातील उद्योजकांनी कंपन्या बंदकेल्या . त्यामुळे कल्याण पट्ट्यातील सुमारे २० कंपन्या १९९० ते २००० या दशकातबंद होऊन किमान २५ हजार कामगारांवर बेरोजगारीची कुऱ्हाड कोसळली .

नोकऱ्या उपलब्ध नसल्याने या भागातील तरुणांना मुंबई किंवा पुणे गाठण्याशिवायअन्य पर्याय नाही . दररोज ये - जा करण्यात किमान २ ते ४ तासांचा अवधी जातअसल्याने त्याचा परिणाम कार्यक्षमतेवरही होतो . या परिसरात पुन्हा रोजगाराच्यासंधी निर्माण करायच्या असतील तर उद्योग स्थापन होणे आवश्यक आहे . हे ओळखूनकल्याण पश्चिमेचे आमदार प्रकाश भोईर यांनी बड्या कार्पोरेट कंपन्यांना त्यासाठीआवतण दिले .

या भागात उपलब्ध असलेले कुशल तंत्रज्ञ तसेच जागेचे तुलनेने कमी भाव , पाण्याचीमुबलकता आदी कारणामुळे कल्याण पट्ट्यात उद्योग सुरू करणे शक्य असल्याचे भोईरयांचे म्हणणे आहे . विशेष म्हणजे त्यांच्या आवाहनाला ३ बड्या कार्पोरेट कंपन्यांनीप्रतिसाद दिला असून आयटी पार्कसारखा प्रकल्प सुरू करण्याची तयारी दर्शवली आहे .त्यावर होणारा कोट्यवधी रुपयांचा खर्च उचलण्याची त्यांची तयारी आहे .
पालिकेने या उद्योगांसाठी जागा दिली तर रोजगाराच्या संधी स्थानिक पातळीवरनिर्माण होतीलच ; शिवाय येथील अर्थव्यवस्थेलाच चालना मिळणार आहे . त्यामुळेपालिकेने गौरीपाडा परिसरातील सीटीपार्क प्रकल्पाची ताब्यात असलेली १६ एकरजागा आयटीपार्कसाठी द्यावी , अशी मागणी त्यांनी पालिका आयुक्त रामनाथ सोनवणेयांच्याकडे केली आहे . सीटीपार्क हा शिवसेना कार्याध्यक्ष उद्धव ठाकरे यांनी प्रतिष्ठेचाकेलेला प्रकल्प असला तरी गेल्या ६ महिन्यात पालिका प्रशासन त्या प्रकल्पाची एकइंचही जागा ताब्यात घेऊ शकलेली नाही . तसेच प्रकल्पावर १०० कोटी रुपयांचा खर्चपालिकेला पुढील दशकभरात तरी झेपणारा नाही . त्यामुळे ही जागा आयटीपार्कसाठीद्यावी , असा त्यांचा आग्रह आहे .

दरम्यान , याबाबत महापौर वैजयंती गुजर व आयुक्त सोनवणे यांची संयुक्त भेटसोमवारी घेणार असल्याचे आमदार भोईर यांनी सांगितले . या बैठकीत नगररचनाविभागाचे अधिकारीही उपस्थित असतील . सीटीपार्कची जागा आयटीपार्कसाठीदेण्याची तयारी पालिका दाखवते की नाही , याबाबत या बैठकीतच निर्णय होईल .

रेशनिंगचा गहू 'बालाजी' मिलमध्ये

2011-08-21T14:23:00.000+05:30

खालील बातमी लोकमत च्या सौजन्याने ...................

भिवंडी येथील सरकारी गोदामातील रेशनिंगचा गहू अंबरनाथच्या बालाजी फ्लोअर मिलमध्ये उतरविण्यात आला आहे. गरिबांसाठी असलेल्या गव्हावर डल्ला मारून पीठ विकणार्‍या बालाजी फ्लोअर मिलचे लायसन्स रद्द करण्याची मागणी गहू पकडून देणार्‍या मनसे कार्यकर्त्यांनी केली आहे.
५0 किलोच्या ४४0 गव्हाच्या गोण्या उतरविण्यात आल्या आहे.गोरगरिबांसाठी येणारा गहू गोरगरिबांना वाटप न करताच तो दलालांच्या आणि अधिकार्‍यांच्या संगनमताने विकला जात आहे. गरिबांच्या गव्हावर डल्ला मारून या गव्हाचे पीठ तयार करून हे पीठ चढय़ा दराने विकण्याचा धंदा अंबरनाथच्या बालाजी फ्लोअर मिलमध्ये सुरू आहे. यापूर्वीही मोठा गव्हाचा साठा याच मिलमध्ये सापडला होता.
या प्रकरणाला वर्ष होत नाही तोच आता पुन्हा या फ्लोअर मिलमध्ये रेशनिंगचा गहू सापडला आहे. बुधवारी रात्री मनसेचे नगरसेवक संदीप लकडे, स्वप्नील बागूल आणि शैलेश शिर्के यांनी हा प्रकार उघड केला आहे. भिवंडीच्या गोदामातून दोन ट्रक भरून गहू उल्हासनगर येथील ४0 फ या दुकानात येणार होता. मात्र, तो मिलमध्ये पाठविण्यात आला होता.

स्टेअरकेस प्रिमिअमची सवलत रद्द?

2011-08-19T12:16:00.000+05:30

खालील लेख म टा च्या सौजन्याने ........................

बिल्डरांना स्टेअरकेसप्रिमीअममध्ये सवलत देणारामात्र महापालिकेलाआर्थिकदृष्ट्या खड्ड्यातघालणारा वादग्रस्त निर्णयतातडीने मागे घेण्याचे फर्मानमनसेचे अध्यक्ष राज ठाकरे यांनीकेडीएमसीचे आयुक्त रामनाथसोनवणे यांना गुरुवारी सोडले .करदात्या सर्वसामान्यांना काडीचाफायदा नसणारा बिल्डरधार्जिण्यानिर्णयाबाबत राज ठाकरे यांनी फोनवरुन तीव्र नापसंती व्यक्त केल्याचे समजते .

केडीएमसी लगतच्या अन्य महापालिकांमध्ये स्टेअरकेस प्रिमिअम अवघे ३५ टक्के इतकाआकारला जातो . परंतु केडीएमसीत तोच १०० टक्के इतका असल्याचे कारण देतबिल्डर संघटनांनी पालिकेकडे सातत्याने प्रिमिअम कमी करण्याची मागणी केली होती .परंतु या निर्णयामुळे पालिकेचे आर्थिक नुकसान होईल , असे कारण देत ती मान्यझाली नव्हती .

मात्र अचानक मागील आठवड्यात आयुक्त रामनाथ सोनवणे यांनी हा प्रिमिअम १००टक्क्यांवरुन ४० टक्क्यांवर आणला . आयुक्तांच्या या निर्णयामुळे केवळ बिल्डरलॉबीचा फायदा होणार असला तरी पालिकेचे कोट्यवधी रुपयांचे नुकसान होईल ,अशी भीती काँग्रेसचे ज्येष्ठ नगरसेवक जितेंद्र भोईर यांनी व्यक्त केली . तर मनसेचेनगरसेवक मंदार हळबे यांनी बिल्डरांच्या फायद्यासाठी आयुक्तांचा आटापिटा कशासाठी? असा सवाल करत प्रशासनाला धारेवर धरले . याप्रकरणात पालिकेत मोठ्याप्रमाणात भ्रष्टाचार झाल्याचा संशय मनसेचे शहराध्यक्ष राजेश कदम यांनी व्यक्त केलाहोता .

या पार्श्वभूमीवर मनसेचे आमदार रमेश पाटील यांनी गुरुवारी मुंबईत राज ठाकरेयांची भेट घेउन याप्रकरणातील वस्तुस्थिती त्यांच्यासमोर मांडली . महापालिकेवरकोट्यवधी रुपयांचे कर्ज असतांना पालिकेचे आर्थिक नुकसान होणार असल्याचेसमजताच राज ठाकरे यांचा पारा चढला व त्यांनी आयुक्त रामनाथ सोनवणे यांनाफोन करुन हा निर्णय रद्द करण्याची सूचना केली . आमदार रमेश पाटील यांनी यावृत्ताला दुजोरा दिला .

दरम्यान , याबाबत आयुक्त सोनवणे यांना संपर्क साधला असता त्यांनी याप्रकरणातीलअर्थकारणाबद्दल मनसेच्या शिष्टमंडळाकडून तक्रारी आल्याचे मान्य केले . शुक्रवारीसंध्याकाळी नगररचना विभागातील अधिकाऱ्यांशी चर्चा करुन योग्य तो निर्णय घेणारअसल्याचे ते म्हणाले . राज ठाकरे यांच्या भूमिकेमुळे मनसेकडून स्टेअरकेसप्रिमिअमच्या मुद्यावर होणारा संभाव्य टोकाचा विरोध पाहता आयुक्तांना हा निर्णयमागे घेण्याखेरीज पर्याय राहिला नसल्याची चर्चा आहे .

निषेध ........

2011-08-16T12:32:00.000+05:30

लोकशाही मार्गाने आंदोलन करणाऱ्या अण्णा हजारेंना अटक करणाऱ्या ह्या नराधम, भ्रष्टाचारी कॉंग्रेस सरकारचा जाहीर निषेध ......

'पंतप्रधान' मोदींना 'मनसे' पाठिंबा!

2011-08-12T15:57:00.001+05:30

खालील लेख म टा च्या सौजन्याने ...............

गुजरातचे मुख्यमंत्री नरेंद्र मोदी यांच्यासारखा नेता पंतप्रधानपदासाठी आदर्श उमेदवार असल्याचं स्पष्ट मत ‘मोदी मॅजिक ’ नं मोहून गेलेले मनसे अध्यक्ष राज ठाकरे यांनी व्यक्त केलं आहे. केंद्रात भाजपची सत्ता आली आणि त्याचं नेतृत्त्व मोदी करणार असतील तर आपला पक्ष त्यांना निश्चितच पाठिंबा देईल, असंही त्यांनी जाहीर केलं.

गुजरातच्या विकासाचं रहस्य जाणून घेण्यासाठी राज ठाकरे गेले दहा दिवस गुजरात दौ-यावर होते. त्यावेळी नरेंद्र मोदींच्या कामाचा झपाटा ‘ याचि डोळा ’ अनुभवल्यानं ते ‘ मोदी मॅजिक ’ वर एकदम फिदा होऊन गेलेत. नरेंद्र मोदींना भेटून गुजरात दौ-याची सांगता करताना राज यांनी मोदींवर स्तुतिसुमनांचा वर्षाव केला.

नरेंद्र मोदींसारख्या प्रभावी आणि कार्यक्षम नेत्याची आज केंद्रात खरी गरज आहे. देशाच्या पंतप्रधानपदासाठी ते अत्यंत योग्य उमेदवार आहेत, अशी दाद राज यांनी दिली आहे. परंतु, गुजरातची घडी व्यवस्थित बसवल्यानंतरच त्यांनी केंद्रात जावं, असंही राज यांना वाटतंय. भविष्यात केंद्रामध्ये भाजपचं सरकार आलं, त्याचं नेतृत्त्व मोदी करणार असतील आणि त्यावेळी मनसेचे खासदार निवडून आले असतील तर आम्ही त्यांना पूर्ण पाठिंबा देऊ, अशी घोषणाही राज यांनी करून टाकली आहे.

‘ टार्गेट परप्रांतीय !’

परप्रांतीयांच्या मुद्द्यावरून गुजरातमधील पत्रकारांनी राज यांना कोंडीत पकडण्याचा प्रयत्न केला, परंतु राज त्यांना पुरून उरले. परप्रांतियांच्या विरोधात बोलणारा मी एकटा नाही. शीला दीक्षित, पी. चिदंबरम यांनीही परप्रातियांना लक्ष्य केलंय. आसाममध्ये तर बिहारी मजुराची हत्या करण्यात आली होती. असं असताना, फक्त माझ्यावरच टीका का केली जाते ?, असा प्रतिप्रश्न त्यांनी पत्रकारांना केला. परप्रातियांच्या लोंढ्यांमुळे महाराष्ट्राची काय अवस्था झाली आहे हे तुम्ही मुंबईत येऊन पाहा, तेव्हाच माझी भूमिका तुमच्या लक्षात येईल, असंही त्यांनी नमूद केलं.

मनसे महाराष्ट्रातच !

गुजरातच्या प्रेमात पडलेल्या राज ठाकरेंची मनसे इथे येऊन निवडणुका लढवणार का, या प्रश्नाचं थेट उत्तर राज यांनी दिलं. माझ्या पक्षाचं नाव महाराष्ट्र नवनिर्माण सेना आहे. त्यामुळे महाराष्ट्र हीच आमच्या पक्षाची सीमा आहे, असं त्यांनी स्पष्ट केलं.

गुजरात दौरा अद्भुत आणि डोळे उघडणारा होता, अशी प्रतिक्रिया त्यांनी यावेळी व्यक्त केली. गुजरातमधले रस्ते आपल्याला सगळ्यात आवडल्याचंही त्यांनी आवर्जून सांगितलं. भविष्यात पुन्हा आपण इथे येऊन वेगवेगळ्या प्रकल्पांचा अभ्यास करण्याचा मनोदयही त्यांनी व्यक्त केला.

अण्णांना पाठिंबा

लोकपाल विधेयकाच्या मागणीसाठी १६ ऑगस्टपासून उपोषण करणारे ज्येष्ठ समाजसेवक अण्णा हजारे यांना आपला पाठिंबा असल्याचा पुनरुच्चार राज यांनी केला. अण्णांच्या काही मागण्या एडिट होऊ शकतात, पण डिलिट होऊ शकत नाहीत, असं ते म्हणाले.

आ. प्रकाश भोईर ह्यांचे कल्याण मधील प्रकल्प (फडके मैदान क्रीडासंकुल)

2011-08-11T21:24:00.010+05:30

कल्याण पश्चिम येथील महाराष्ट्र नवनिर्माण सेनेचे आमदार श्री प्रकाश भोईर ह्यांच्या प्रयत्नातून फडके मैदान येथे क्रीडासंकुल उभारले जात आहे .. सध्या संरक्षक भिंतीचे काम चालू आहे त्याचे काही फोटो

आ. प्रकाश भोईर ह्यांचे कल्याण मधील प्रकल्प (रमाबाई आंबेडकर उद्यान)

2011-08-11T18:25:00.020+05:30

कल्याण पश्चिम येथील महाराष्ट्र नवनिर्माण सेनेचे आमदार श्री प्रकाश भोईर ह्यांच्या प्रयत्नातून कल्याण खडकपाडा येथे रमाबाई आंबेडकर नगर जवळ २.५ एकर क्षेत्रात एक सुंदर उद्यान साकार होत आहे .... त्याचे काही फोटो

शिवसेनेला घोर लावणारे राजकारण!

2011-08-11T18:14:00.002+05:30

प्रताप आसबे चां म टा मधील लेख

दिनांक - ९ ऑगस्ट २०११

भाजपमध्ये आजवर अध्यक्ष नितीन गडकरी हेच प्रामुख्याने मनसेला जवळ करणारे होते. आता नरेंद्र मोदींची त्यात भर पडल्याने भाजपमध्ये मनसेचा पाठिंबा वाढणार. आता भाजपमध्ये मनसेची स्वीकारार्हता वाढलीय हे निर्विवाद. राजकारणात ती वाढणे, अन्य पक्ष व शक्तिशाली नेत्यांशी मैत्री होणे, हे भविष्यात लाभदायक असते. कारण वेळ येते तेव्हा राजकारणात नवी समीकरणे मांडता येतात. राज ठाकरे यांच्या गुजरात दौऱ्याचे हे असे अनेक अर्थ आहेत...

.......................

मुंबई महापालिकेच्या निवडणुका सात-आठ महिन्यांवर आल्या असताना खड्ड्यांमुळे शिवसेनेच्या मार्गात बरेच खाचखळगे निर्माण झाले आहेत. रोज टीकेचा भडीमार चालला आहे. अब्रूचे पंचनामे चालू आहेत. महापालिकेच्या कारभाराचे धिंडवडे निघत असताना परवा तर धारावीजवळ आख्खा ट्रक आणि त्याच्या पाठोपाठ टेम्पो खड्ड्यात अक्षरश: उताणा झाला. दोन-तीन वर्षांपूर्वी महालक्ष्मीच्या सातरस्ता चौकात पसरलेल्या ट्रकची पुनरावृत्ती धारावीत पाहायला मिळाली. तेव्हा फाटलेल्या आकाशाला कुठे कुठे ठिगळ लावायचे या चिंतेने सेनानेते कावरेबावरे झाले आहेत. तशात नालेसफाईची सीआरडी चौकशी करण्याचे आश्वासन सरकारने विधिमंडळात दिले. त्यामुळे तर सेनेची आणखीच पंचाईत झाली. हीच शिवसेना अवघ्या काही महिन्यांपूवीर् वाघासारख्या डरकाळ्या फोडताना सरकारला कापरे भरत होते. मग तो जैतापूरच्या अणुऊर्जा प्रकल्पाचा प्रश्न असो की इतर कोणता. सेना दिवसेंदिवस आक्रमक होताना दिसत होती. पण त्याच सेनेला आता मुंबई महापालिकेतील गलथान कारभारामुळे हुडहुडी भरायला लागली आहे. ऐन मुंबई महापालिका निवडणुकांच्या तोंडावर ही हुडहुडी महागात पडू शकते.

सेनेची अशी अवस्था झालेली असताना मनसेवाले रोज काही ना काही कुरापती काढत आहेत. तशात सेनेचे जानी दुष्मन राज ठाकरे सेनेच्याच सोयऱ्यांकडे गुजरातेत यथेच्छ पाहुणचार झोडत आहेत. 'विकासाचे मॉडेल' म्हणून प्रसिद्धीच्या झोतात आलेल्या गुजरातची पाहणी करण्यासाठी कुठल्यातरी मागासलेल्या नव्हे तर विकसित महाराष्ट्रातील 'ग्लॅमरस' नेता येतोय आणि आपल्याला तो 'रोल मॉडेल' म्हणून पाहतोय म्हटल्यानंतर मुख्यमंत्री नरेंद मोदी यांच्या अंगावर नक्कीच मूठभर मांस चढले तर नवल नाही! त्यामुळे मोदी यांनी राज यांना 'स्टेट गेस्ट'चा दर्जा देऊन त्यांच्या स्वागतासाठी लाल गालिचाही अंथरला. शाही पाहुण्यांचे स्वागत करण्यासाठी स्वत: जातीने उपस्थित राहिले. मग काय? त्यांचे ते पंचतारांकित आगतस्वागत. उभयतांनी केलेली परस्परांची कोडकौतुकं. त्याची रसभरित वर्णनं छायाचित्रांसह दिमाखात छापून येत आहेत. मागेपुढे अधिकाऱ्यांच्या ताफ्यात गॉगलधारी राज एकापाठोपाठ एक विकासकामांना भेटी देऊन माहिती घेत आहेत. मुक्तकंठाने मोदी आणि गुजरातचे कौतुक करत आहेत. त्यात पुन्हा गेल्या काही वर्षांतल्या राज्यर्कत्यांनी वाट लावली असली तरी अजून महाराष्ट्र पहिल्याच क्रमांकावर असल्याचा 'मराठी बाणा'ही न विसरता दाखवत आहेत. त्यामुळे मीडियाने त्यांची तोंडफाट स्तुती चालविली आहे. जाताना आठवणीने मीडियातील मराठी टक्का बरोबर नेलेला असावा. किंवा कदाचित छत्रपती शिवरायांच्या सुरतेच्या मोहिमेनंतर प्रथमच कुणी मराठी नेता गुजरातवर चाल करून जातोय, असा साक्षात्कार झाल्याने आख्खा मीडियाच त्यांच्यामागे धावत सुटला असेल.

राज यांना महाराष्ट्राला विकासाच्या शिखरावर न्यायचे आहे. त्याची ब्लू प्रिंट ते देणार आहेत. त्यासाठी त्यांनी थेट गुजरातकडे धाव घेतली. कदाचित् त्यांच्या मते इथे काहीच घडत नसावे. त्यामुळे महाराष्ट्रात काय आहे, हे पाहण्याची त्यांनी तसदी घेतली नसावी. देशाच्या उत्पादनापैकी एक तृतिआंश साखरेचे उत्पादन इथे होत असले तरी साखर कारखाने हे मुळी पैसे खाण्यासाठीच काढलेले आहेत. राज्यातल्या दोन जिल्ह्यातला कांदा देशभर आणि परदेशातही जातो. इथल्या माळावरची दाक्षे, डाळिंब, सीताफळे युरोपाच्या बाजारात जातात. कोकणातील हापूस जगभरातील आंब्यांचा शहेनशाह झाला आहे. टेबल ग्रेपऐवजी वाईन फायद्याची ठरते म्हणून वायनरी सुरू झाल्यात. पण गुजरातच्या वाळवंटात इराकच्या जगप्रसिद्ध 'हनी बॉल' खजुराचे आणि युरोपातल्या ऑलिव्हचे उत्पादन व्हायला लागले, याचे अप्रूप असू शकते. खरे म्हणजे, नितीशकुमारांनी बिहारमध्ये विकासाची अशीच घोडदौड चालविली आहे. पण राज यांना तिथे जाणे कठीण आहे. काही का असेना पण विकासाचा ध्यास घेऊन कुणी कुठे पाहणीसाठी जात असेल तर स्वागतच करायला हवे.

गुजरात दौऱ्यामुळे आपण भाषेच्या पलीकडे जाऊन विकासाला प्राधान्य देऊ पाहतो, असा एक संदेश त्यांनी महाराष्ट्रातील मतदारांनाही दिला आहे. त्यातून आपण सबंध राज्याच्या हिताचा विचार करतो, असे ते म्हणू शकतील. उद्या सत्तेवर आल्यानंतर ते काय वेगळे करणार, हा प्रश्नच आहे. पण आज सत्तेत नसल्यामुळे मोठ्यामोठ्या गोष्टी करता येतात. लोकही हुरळून जातात. केवळ भाषेचा विचार करणारा पक्ष आता विकासाचा विचार करायला लागला, याचेही अप्रूप वाटू शकते. अशा आशाळभूतांच्या दृष्टिकोनाचा लाभ मनसेला मिळू शकतो.

या दौऱ्याचे राजकीय परिणाम यथावकाश स्पष्ट होतील. परराज्यातील नेता गुजरातकडे विकसित राज्य म्हणून पाहतो. आपल्या राज्याचा तसाच विकास करू इच्छितो. यामुळे गुजराती भाषिकांचा अहंभाव सुखावला असणार. यातून मुंबई, महाराष्ट्रातील गुजराती भाषिकांची सहानुभूती राज आणि मनसेला मिळेल. भाषिक अस्मितेचे राजकारण करून उत्तर भारतीयांच्या विरोधात रान पेटवणारा नेता गुजरात आणि गुजराती समाजाला शत्रू तर सोडाच पण मित्र समजतो. यामुळे गुजराती भाषिकांना आनंदाचे भरते आले नसेल तरच आश्वर्य. मुंबई-महाराष्ट्रातील गुजराती समाज प्रामुख्याने भाजपबरोबर आणि युतीसोबत आहे. सेनेतून फुटून राज यांनी मनसे काढल्याने तसेच त्यांनी परप्रांतियांना लक्ष्य केल्याने हा समाज त्यांच्याकडे थोडा संशयानेच पाहात होता. पण तो संशयही आता दूर होईल. थोडक्यात, भाजपनंतर केवळ सेनेवर विश्वास ठेवणारा हा समाज मनसेशी संबंध ठेवू लागेल. कालांतराने उभयतांतील संबंध अधिक जिवंत होऊ शकतील. युतीची मोठी मतपेढी मराठी आणि गुजराथी भाषिकांमध्ये आहे. मनसेने मराठीत घुसखोरी करून आपला वाटा घेतला. आता ते गुजराती भाषिकांमध्येही घुसखोरी करू लागतील. उद्या मनसे आणि सेना यांच्या निवडणूक संघर्षात मनसेच्या उमेदवाराचे पारडे जड तुलेनेने जड असेल तर सेनेलाच मत दिले पाहिजे, असे दडपण गुजराथी समाजावर राहणार नाही. हा समाज व्यापारी वृत्तीचा असून आजवर त्याला जसे सेनेचे संरक्षण मिळाले तसे उद्या मनसेचे मिळू लागेल. मराठी आणि गुजराती समाजात स्वतंत्र मतपेढी तयार केल्यानंतर हिंदुत्वाची मतपेढी तेवढी मनसेपासून दूर असेल, असा त्याचा अर्थ आहे. अर्थात, राज व मनसे यांचे राजकारण धर्मनिरपेक्षतेचे नाही. हिंदुत्व जाहीर स्वीकारले नसले तरी त्यांचे कूळ त्याच प्रवाहातले आहे. त्यामुळे जेव्हा वेळ येईल तेव्हा ते जहाल हिंदुत्वाची भूमिकाही घेताना दिसतील. थोडक्यात, जिथे जिथे तुम्ही, तिथे आम्ही, अशी मनसेची पावलं पडत राहणार. आख्ख्या हिंदुत्वाच्या व्होटबँकेत ते सराईतपणे वावरणार. साहजिकच मनसेला कशाला बाजूला ठेवता, असे सेनेवरील दडपण वाढत जाणार.

भाजपमध्ये आजवर गडकरी हेच प्रामुख्याने मनसेला जवळ करणारे होते. आता मोदींची त्यात भर पडल्याने भाजपमध्ये मनसेचा पाठिंबा वाढणार. पण आजचा विचार केला तर पक्ष म्हणून भाजपमध्ये मनसेची 'अॅक्सेप्टिबिलिटी' वाढलीय हे निविर्वाद. राजकारणात अशी स्वीकारार्हता वाढणे, अन्य पक्ष व शक्तिशाली नेत्यांशी मैत्री होणे, हे भविष्यात लाभदायक असते. कारण वेळ येते तेव्हा राजकारणात नवी समीकरणे मांडता येतात. भाजपचा फायदा असा की, सेना आणि मनसे हे दोन्ही पर्याय त्यांच्यापुढे असणार. वेळ येईल तेव्हा कोणता पाठिंबा स्वीकारायचा हे ते ठरवू शकतील. दरम्यान पडद्यामागे समझोते करायला तर कसलीच अडचण नसेल. या सगळ्याचा परिणाम म्हणजे सेनेचा दबाव, दडपण आणि मित्रपक्षाशी सौदा करण्याची क्षमता कमी होणार. किमान आम्ही म्हणू तीच पूर्वदिशा, हे सेनेचे सध्याचे स्थान राहणार नाही, यात शंका नाही.

सेना, मनसे आणि भाजप यांची पावले उद्याच्या राजकारणात कशी आणि कोणत्या दिशेने पडणार, हे यातून स्पष्ट होते. पण राजनी गतिमान विकास हवा असेल तर आघाड्यांचे राजकारण हा त्यातला महत्त्वाचा अडसर असल्याचे म्हटले आहे. इतकेच नव्हे, तर आघाड्यांचे राजकारण अपरिहार्य आहे, ही मानसिकताच काढून टाकली पाहिजे, असे म्हटले आहे. गुजरातमध्ये मोदींचा शब्द चालतो, हे त्यांना दिसले असणार. महाराष्ट्रालाही विकासाच्या महामार्गावर भरधाव जायचे असेल तर मोदींप्रमाणे आपल्याकडे मतदारांनी सर्वंकष सत्ता सोपविली पाहिजे, असेही त्यांना सूचित करायचे असावे. राज यांना सध्या एकटेच जायचे आहे. राज्यातील दोन परस्परविरोधी आघाड्यांत त्यांना स्थान नाही. त्यामुळे ते आघाडीच्या राजकारणाच्या विरोधात हल्लाबोल करू शकतात. आघाड्यांच्या राजकारणामुळे महाराष्ट्र विकासाकडे न जाता मागासच राहील, अशी टीका करू शकतात. खरे म्हणजे, काँग्रेस, राष्ट्रवादी, भाजप, शिवसेना या सगळ्यांनाच स्वबळावर सर्र्वंकष सत्ता हवी आहे. पण ती मिळत नसल्याने नाइलाजाने त्यांना आघाडी आणि युतीचे राजकारण करावे लागते. भविष्यात मनसेलाही तेच करावे लागेल. पण सध्या ती संधी नसल्याने आघाडीच्या राजकारणावर तुटून पडणे हे राजकीयदृष्ट्या त्यांच्या फायद्याचे आहे. त्यातून खरोखरच आघाडीचे पर्व नष्ट करण्यात यश आले तर त्यांना युगपुरुषच म्हणावे लागेल. सेनेवाले खाचखळग्यात ठेचकाळत असताना मनसेने मात्र एका वेगळ्या पातळीवर दमदार पावले टाकत सेनावाल्यांचा घोर आणखी वाढवला. राजकारण चुकीचे की बरोबर, ही चर्चा अनेकदा निरर्थक ठरते. मात्र, कोण किती सफाईदार राजकारण करतो, यावर यशापयश अवलंबून असते, हे सेनानेत्यांनीही कधीतरी समजून घेतले पाहिजे.

मोदी पंतप्रधानपदाला लायक – राज ठाकरे

2011-08-09T20:42:00.000+05:30

खालील बातमी स्टार माझा च्या सौजन्याने .......

http://starmajha.newsbullet.in/india/34-more/8100-2011-08-09-09-12-30

गुजरातचे मुख्यमंत्री नरेंद्र मोदी हे पंतपधान होण्यास लायक व्यक्ती असल्याचे मत महाराष्ट्र नवनिर्माण सेनेचे अध्यक्ष राज ठाकरे यांनी आज येथे व्यक्त केले. गेल्या काही दिवसांपासून राज ठाकरे गुजरातच्या दौऱ्यावर आहेत. सुरत मध्ये आज पत्रकारांशी बोलतना राज ठाकरे यांनी नरेंद्र मोदीची स्तुती केलीय.
दरम्यान आरक्षण चित्रपटाला विरोध करणार नसल्याचंही राज ठाकरे यांनी स्पष्ट केलं आहे. उत्पन्नानुसार आऱक्षण देण्यास काहीच हरकत नसल्याचं म्हटल आहे.

raj thackeray

नरेंद्र मोदींसारखे पंतप्रधान देशाला मिळाले दर देशाचं भलं होईल. गेल्या काही वर्षांपूर्वी आपल्या मागे असलेल्या देशांनी केलेली प्रगती पाहून थक्क व्हायला होतं. आपल्याला टीव्हीवर जे एक्स्पोजर मिळते. ते रस्त्यावर मिळत नाही. सध्या राजकारणात व्यक्ती भ्रष्टाचारात इतके लिप्त आहेत. की त्यांनी देशाची काहीच पडलेली नाही. त्यामुळे मोदींसारखा व्यक्ती पंतप्रधान पदाला लायक असल्याचेही त्यांनी यावेळी सांगितले.

गेल्या काही दिवसात आरक्षण या चित्रपटावरून राजकीय वातावरण तापले असताना राज ठाकरे यांनी मात्र, आरक्षण या चित्रपटाला मनसे विरोध करणार नसल्याचे म्हटले आहे. आरक्षण हे जातीनुसार नाही तर उत्पन्नानुसार देण्यात यावं, असंही मत राज ठाकरे यांनी व्यक्त केलं.

महाराष्ट्राचे ग्रह फिरले आहेत! - राज ठाकरे

2011-08-05T12:35:00.001+05:30

खालील बातमी म टा च्या सौजन्याने .......

टाटांच्या ' नॅनो ' प्रकल्पाच्यापाठीशी मुख्यमंत्री नरेंद्र मोदी उभेराहिले , त्यासाठी तातडीनेपरवानगी दिली , असे योग जुळूनयावे लागतात . व्यवसायउद्योगांसाठी महाराष्ट्रातही यापूर्वीअसेच योग जुळून आले होते ,परंतु आता नेमके कोणते ग्रहफिरलेत तेच कळत नाही , अशीमल्लिनाथी गुजरात दौऱ्यावरअसलेले महाराष्ट्र नवनिर्माणसेनेचे अध्यक्ष राज ठाकरे यांनी गुरुवारी येथील ' नॅनो ' प्रकल्पास भेट दिल्यावर केली .

' नॅनो ' प्रकल्प महाराष्ट्रात आला नाही , याचे दु : ख वाटते आणि त्याचवेळी ' बरे झाले, टाटा महाराष्ट्राच्या भानगडीत पडले नाहीत , असेही वाटते . तेथे त्यांना पैसेहीखायला घालावे लागले असते आणि परवानगीही ताबडतोब मिळाली नसती ' असाटोला लगावत , ' आमच्याकडे मुख्यमंत्री भेटत नाहीत ही वस्तुस्थिती आहेच ', अशीपुस्ती राज यांनी जोडली .

गुजरातमध्ये अतिशय शिस्तबद्ध पद्धतीने काम सुरू आहे . खासगी कंपन्यांप्रमाणे हेसरकार नियोजनबद्ध काम करीत आहे . राजकारणी आणि प्रशासन एकमेकांत मिसळूनराज्याच्या हिताचा विचार करत आहेत . इतरत्र यापेक्षा विरुद्ध चित्र दिसते .राज्यकर्त्यांची इच्छाशक्ती आणि त्यास प्रशासनाची साथ असल्यास राज्यात काय होऊशकते याचे गुजरात हे आदर्श उदाहरण ठरावे , असे राज म्हणाले .

गुजरात अभ्यास दौऱ्याच्या दुसऱ्या दिवशी , गुरुवारी राज यांनी साबरमती नदी विकासप्रकल्प , अहमदाबाद मधील ' जनमार्ग बीआरटीस ' आणि ' नॅनो ' प्रकल्पाची पाहणीकेली . तसेच साणंद तालुक्यातील वासणा गावास भेट देऊन सुरक्षित मातृत्वासाठीअसलेल्या चिरंजीवी योजनेचीही माहिती घेतली . अहमदाबाद मधील कांकरियातलावाच्या सुशोभिकरणाचे कामही त्यांनी पाहिले .

सीईओ नव्हे विश्वस्त !

मला महाराष्ट्रच प्रिय आहे ; पण गुजरात पुढे जात आहे हे वास्तवच आहे . गुजरातच्याविकासाचे सगळ्यात महत्त्वाचे कारण म्हणजे मुख्यमंत्री नरेंद्र मोदी हे एखाद्याकंपनीच्या सीईओप्रमाणे नव्हे तर एखाद्या ट्रस्टच्या विश्वस्ताप्रमाणे काम करीत आहेत .हा मोठा फरक आहे . त्यास जनसहभागाची जोड आहेच , परंतु मुळात राज्यकर्त्यांनाहीहा आपला प्रदेश आहे , हे आपले राज्य आहे याची जाणीव आहे , असे निरीक्षण ठाकरेयांनी नोंदवले .

पुण्यात कुठे आहे कंट्रोल रुम ?

अहमदाबादमध्ये बीआरटीएस यशस्वी ठरली कारण त्याचे नियोजन त्या रीतीनेकरण्यात आले . केवळ रस्त्याच्या मध्यभागी बॅरिकेड्स टाकून , बसगाड्या खरेदी करूनउपयोग नाही . अहमदाबादप्रमाणे पुण्यात बीआरटीएसची कंट्रोल रूम कुठे आहे ? तेथेफक्त पैसे किती खाता येतील याचाच विचार दिसतो , अशी टिप्पणी राज यांनी केली .

गोदापार्क ते साबरमती

साबरमतीच्या तिरावर होत असलेले विकास प्रकल्पाचे काम पाहून ठाकरे यांना त्यांचेस्वप्न असलेल्या नाशिकमधील ' गोदा पार्क ' चे स्मरण झाले . त्याचवेळी या प्रकल्पाचेएम . डी . आणि अहमदाबाद पालिकेचे उपायुक्त कॅ . दिलीपकुमार महाजन यांनीसाबरमतीचे काम सुरू करण्यापूर्वी गोदा पार्कला भेट दिल्याचे सांगितले . आपण जेव्हाते काम करत होतो तेव्हा अनेकांना त्याचे गांभीर्य कळले नाही , कारण त्यात पैसेखायला वाव नव्हता . बरेच अडथळे आणले गेलेे . परंतु आता साबरमतीसाठी तेचकाम पाहिले याचा मला आनंद वाटतो , असे राज म्हणाले .

भेटीचे 'राज'कारण नको!

2011-08-04T12:10:00.000+05:30

खालील लेख म टा च्या सौजन्याने ..........................

एखादा नेता दहा दिवस परदेशात फिरायला गेला, तर त्याची बातमी होते. मग एखादा नेता विकासाच्या चांगल्या गोष्टी पाहण्यासाठी शेजारच्या राज्यात आला तर त्याची सकारात्मक बातमी करण्याऐवजी त्यात राजकारण का पाहता? असा सवाल करत गुजरातचे मुख्यमंत्री नरेंद्र मोदी यांनी राजकीय विचारांची अस्पृश्यता सोडून राष्ट्रहित राजकारणापेक्षा जास्त महत्त्वाचे असल्याची भूमिका घेत मनसेप्रमुख राज ठाकरे यांच्या गुजरातभेटीचे समर्थन केले.

गुजरातमधील विकास-कामांच्या अभ्यासासाठी राज ठाकरे आणि त्यांची टीम गुजरात दौऱ्यावर असून त्याचा प्रारंभ बुधवारी झाला. सर्वप्रथम त्यांनी अहमदाबादमधील सरदार वल्लभभाई पटेल आश्रम आणि साबरमतीच्या गांधी आश्रमाला भेट दिली. प्रवीण दरेकर, मंगेश सांगळे, वसंत गिते आणि रमेश पाटील या चार आमदारांसह उदय निरगुडकर, राघव नरसाळे, जयराज साळगावकर, धनंजय मुंगळे, अतुल चांडक आदींचा राज यांच्या शिष्टमंडळात समावेश आहे.

शिष्टमंडळासाठी गुजरात सरकारच्या निरनिराळ्या विभागांनी केलेल्या कामाचे सादरीकरण दिवसभर करण्यात आल्यावर संध्याकाळी मुख्यमंत्री नरेंद मोदी यांनी शिष्टमंडळाची भेट घेतली. त्यावेळी राज व शमिर्ला ठाकरे यांनी त्यांना अश्वारूढ शिवाजी महाराजांचे शिल्प आणि शिवस्तुती भेट दिली. तर मोदींनी 'वाचे गुजरात' या अभियानाच्या परंपरेप्रमाणे त्यांना सामाजिक समरसता हे पुस्तक भेट दिले.

तुम्ही राज यांना गुजरातभेटीचे निमंत्रण दिले, इतरांना का नाही? या प्रश्नाच्या उत्तरात मोदी यांनी राज यांच्या गुजरातभेटीची पार्श्वभूमी विशद केली. राज यांना आपण प्रथमच भेटतो आहोत. यापूवीर् कधी भेटलो नव्हतो. त्यांचा एप्रिल-मेच्या सुमारास फोन आला. गुजरातला भेट द्यायची आहे, असे ते म्हणाले. मला वाटले ते कुटुंबासोबत येतील आणि गीरला सिंह बघायला जातील. पण त्यांचा विचार वेगळाच होता. गुजरात आणि महाराष्ट्राचा जन्म एकाच वेळी झाला, आता गुजरातने काय प्रगती केली हे पाहायचे असल्याची इच्छा राज यांनी व्यक्त केली, असे मोदी यांनी सांगितले. या भेटीपूवीर् राज यांची एक टीम आली त्यांनी कोणत्या विषयावर चर्चा करायची याची रूपरेषा ठरवली. अमूक बघा, तमूक बघा असे आम्ही त्यांना सांगितले नाही. गुजरातची प्रगती पाहण्यासाठी युनिसेफ, डब्ल्यूएचओ, स्वयंसेवी संस्था, इतर राज्यांचे अघिकारी येतात. सरदार सरोवर प्रकल्प, फोरेन्सिक लॅब, सौर प्रकल्पांचा अभ्यास करण्यासाठी येतात. तशीच त्यांची भेट आहे, असे मोदी म्हणाले.

राजकारणातही अभ्यासाची गरज असते. देश पूर्णपणे बुडाला आहे, आता त्याचे काही होऊ शकत नाही, यावर माझा विश्वास नाही. इच्छा असेल तर आपण सगळे बदलू शकतो. म्हणूनच राजकीय विचारांची अस्पृश्यता सोडून राजकारणापेक्षा राष्ट्रहिताचा विचार करायला हवा, असे मोदी म्हणाले.

..........................................

म्हणून बोलतो हिंदी

साबरमती आश्रमातून बाहेर पडण्यापूर्वी प्रसारमाध्यमांशी बोलताना राज ठाकरे यांनी हिंदीतून उत्तरे दिली. त्याची जोरदार चर्चा वृत्तवाहिन्यांवर होत असल्याचे निदर्शनास आणून दिल्यावर काहीशा वैतागलेल्या राज यांनी 'ही चर्चा तुम्हीच करताय, लोकांचा त्याच्याशी संबंध नाही. सकाळी बोलतानाच आपण महाराष्ट्राबाहेर असल्याने हिंदीतून बोलत असल्याचे स्पष्ट केले आहे. गुजराती येत असती तर त्याही भाषेत बोललो असतो', असे उत्तर त्यांनी दिले.

महाराष्ट्रच नंबर वन

गुजरातच्या विकासाविषयी ऐकले होते. प. बंगालमधील नॅनोचा प्रकल्प येथे आला तेव्हा रतन टाटांसारख्यांनीही मोदींची स्तुती केली होती. त्यामुळे नक्की काय घडते आहे ते पाहण्याची इच्छा होती. मोदींबद्द्ल आदर आणि सन्मान वाटतो. राज्याची प्रगती आणि इन्फ्रास्ट्रक्चर हे माझे पॅशन आहे. म्हणून गुजरातच्या अभ्यास दौऱ्यावर आलो आहे. त्यात राजकारण आणू नका, असे राज ठाकरे म्हणाले. उद्योग आणि इन्फ्रास्ट्रक्चरच्याबाबतीत आजही महाराष्ट्रच नंबर वन आहे. परंतु भ्रष्टाचार आणि लोडशेडिंगसारख्या समस्या राज्याच्या प्रगतीच्या आड येत असल्याचेही ते म्हणाले.

राज ठाकरे जाणार गुजरात दौ-यावर

2011-08-01T13:52:00.000+05:30

खालील लेख म टा च्या सौजन्याने .....

गुजराती जनतेच्या मनात अढळ स्थान निर्माण करून सलग तिस-यांदा मुख्यमंत्री म्हणून निवडून आलेले नरेंद्र मोदी यांच्या ‘मॅजिक ’ ने भल्याभल्यांना भुरळ घातली असताना मनसे प्रमुख राज ठाकरे त्याला अपवाद कसे? ‘मोदी मॅजिक ’ नेमकी आहे तरी काय, ते तपशीलवार जाणून घेण्यासाठी राज ठाकरे येत्या ३ ते ११ ऑगस्टदरम्यान गुजरातभर फिरणार आहे.

राज यांच्या दौ-याची सुरुवात अहमदाबादजवळच्या महात्मा गांधींच्या साबरमती आश्रमात अभिवादन करुन होईल. त्यानतंर राजधानी गांधीनगर येथे गुजरात सरकारचे अधिकारी राज यांच्यासमोर एक प्रेझेंटेशन सादर करणार आहे. यात गुजरातचा झपाट्याने होत असलेला औद्योगिक विकास, सेझ प्रकल्प, पर्यटन विकास, झोपडपट्टी पुनर्वसन योजना, जल पुनर्प्रक्रिया, जलसंधारण, रस्ते विकास, सौर, औष्णिक व पवन ऊर्जा, मुलींसाठीचे शिक्षण, विमा योजना आदी विषयांवर हे सादरीकरण व त्यानंतर चर्चा करण्यात येणार आहे.

अधिका-यांसोबत ही चर्चा आटोपल्यानंतर ३ ऑगस्टच्या सायंकाळी मुख्यमंत्री नरेंद्र मोदी यांच्यासोबत राज ठाकरे यांची विशेष चर्चा होईल. त्यानंतर ४ ऑगस्टपासून राज ठाकरे गुजरात दौ-यावर निघणार आहे. यात बडोदा, जामनगर, राजकोट, पोरबंदर, कच्छ, भरुच, आदी महत्त्वाच्या शहरांना भेट देऊन तेथील विविध विकास प्रकल्प पाहून त्याचे महत्त्व समजून घेणार आहे. यात गुजरातमधला सर्वात मोठा नर्मदा प्रकल्प, वनबंधू ग्राम योजना, राजकोट ऑटो इंजिनियरिंग, कंकरिया प्रकल्पाचा समावेश आहे.

नरेंद्र मोदींनी गुजरातमध्ये केलेल्या विकासाचे अवलोकन करून महाराष्ट्राच्या विकासासाठी ते येथे कसे राबवता येतील या हेतुने राज यांच्या गुजरात दौ-याची आखणी करण्यात आली असल्याचे मनसेकडून जारी करण्यात आलेल्या प्रसिद्धीपत्रकात म्हटले आहे.

दरम्यान, मुंबई शहरात गुजराती समाजाची मोठी संख्या आहे. राज ठाकरे यांच्या गुजरात दौ-यामुळे आगामी मुंबई महापालिकेच्या निवडणुकीत मनसेला राजकीय लाभ मिळू शकतो असे राजकीय निरिक्षकांचं मत आहे.

संतप्त आयुक्त-आक्रमक मनसे 'जाबसुनावणी'

2011-08-01T13:41:00.000+05:30

खालील लेख म टा च्या सौजन्याने ........

मुंबईतील खड्डे बुजवण्याच्या मुद्द्यावरून कायदा हातात घेऊ नका, तुम्ही मनसेवाले अशीच दादागिरी करता, अशा शब्दांत महापालिका आयुक्त सुबोधकुमार यांनी शनिवारी मनसेच्या कार्यर्कत्यांना सुनावले. त्यावर आमच्या आंदोलनाची हीच स्टाईल आहे. केसेस अंगावर घेण्याची तयारी आहे. दादागिरी करायच्यावेळेस दादागिरीही करू, असे मनसेच्या कार्यर्कत्यांनी उत्तर देताच आयुक्त अधिकच संतप्त झाले. या घटनेनंतर आता पालिकेत मनसे विरुद्ध आयुक्त असा संघर्ष दिसणार आहे.

मुंबईतील खड्ड्यांच्या मुद्द्यावरून शुक्रवारी सभागृहाच्या बैठकीत आयुक्त सुबोधकुमार यांनी कायदा हातात घ्याल तर केसेस टाकू, असा इशारा मनसेला दिला होता. त्यावर आयुक्तांना जाब विचारण्यासाठी मनसेचे तीस ते पस्तीस कार्यकतेर् दुपारी पालिका मुख्यालयात थडकले. विभाग अध्यक्ष अरविंद गावडे व संदीप देशपांडे यांच्या नेतृत्वाखाली कार्यर्कत्यांनी आयुक्तांची भेट घेतली. आतापर्यंत किती कंत्राटदारांवर कारवाई केली, असा प्रश्न कार्यर्कत्यांनी करताच संतप्त झालेल्या आयुक्तांनी, मी तुम्हाला उत्तर देण्यास बांधिल नाही, असे सुनावले.

त्यावर, तुम्ही जनतेचे नोकर आहात, तुम्हाला उत्तर द्यावेच लागेल, असा टोला लगावताच आयुक्त लालबुंद झाले. आयुक्तांचाही आवाज चढला होता. वातावरण तंग होताच सुरक्षारक्षकांनी आयुक्तांच्या दालनात धाव घेतली. आयुक्तांचे सहाय्यक असलेले सुधीर नाईकही हा प्रकार पाहून अवाक झाले. तुम्ही मनसेवाले अशीच दादागिरी करता, तुमच्या नेत्यांशी मी बोलतो, कायदा हातात घेऊन नका तुमच्यावर केसेस दाखल होतील, अशी धमकी आयुक्तांनी दिली.

त्यावर कार्यर्कत्यांनी 'गो अहेड' असे सांगितले. मनसेची हीच स्टाईल आहे, आता आम्ही विनंती करायला आलो आहे, वेळ पडली तर दादागिरीही करू, कायदा राखण्याचे काम पोलिसांचे आहे, तुम्ही कंत्राटदारांवर कारवाई करा, वेळ पडली तर केस अंगावर घेण्याची तयारी असल्याचे मनसेच्या कार्यर्कत्यांनी सांगितले. खड्ड्याची अवस्था बघायची असले तर दादरच्या केशवसूत पुलावर येऊन बघा, असे आव्हान अखेर मनसेने दिले.

पाहुण्याची वाट कशाला पाहता?- राज

2011-07-26T13:19:00.001+05:30

खालील लेख म टा च्या सौजन्याने ........................

नागरिकांसाठी उभारण्यात आलेल्या सोयी-सुविधांचे उद्घाटन करण्यासाठी प्रमुख पाहुण्याची वाट पाहात थांबू नका, काम पूर्ण झाल्यावर त्याचे उद्घाटन करा आणि मोकळे व्हा, असा सल्ला मनसे अध्यक्ष राज ठाकरे यांनी नगरसेवकांना दिला.

पुणे महापालिकेतर्फे प्रभाग क्र. ६३ वनाज कंपनी भागात नव्याने विकसित करण्यात आलेल्या कै. सचिन बाळासाहेब आंग्रे उद्यानाचे उद्घाटन त्यांच्या हस्ते झाले. या कार्यक्रमाला महापौर मोहनसिंग राजपाल, मनसेचे पालिकेतील गटनेते रवींद्र धंगेकर, नगरसेवक किशोर शिंदे, मनसेचे शहराध्यक्ष प्रकाश ढोरे आदी उपस्थित होते.

' पुणे शहराच्या गरजा वाढत आहेत. याचे भान सर्व पक्षांनी ठेवायला हवे. शहरातील नागरिकांना मैदाने, बागा आदी सुविधा मिळाल्या नाहीत तर वाढत्या लोकसंख्येबरोबर येथील रोगराईही वाढेल. त्यामुळे नागरिकांच्या गरजा पूर्ण करण्याची जबाबदारी नगरसेवकांची आहे. पालिकेकडून नागरिकांसाठी उभारण्यात येणा-या सुविधांच्या उद्घाटनासाठी प्रमुख पाहुण्याची प्रतीक्षा न करता त्या परिसरातील ज्येष्ठ नागरिकांच्या हस्ते त्याचे उद्घाटन करा,' असे ठाकरे यावेळी म्हणाले.

' महापालिकेच्या राखीव असणाऱ्या जागांवर बागा, मैदाने करा. नागरिक सर्व प्रकारचे कर भरता आहेत, त्यांच्या मोबदल्यात त्यांना शुल्लक गोष्टी मिळत नसतील तर ती सत्ता चाटायची आहे का? निवडणूक लढवून उपयोग काय?,'असा सवाल त्यांनी यावेळी उपस्थित केला.

पुण्या-मुंबईत बिल्डर मोठ्या सोसायट्या उभ्या करताना त्याठिकाणी बाग, स्विमिंग पूल, जॉगिंग टॅक या सुविधा देऊ असे सांगतात. वास्तविक पाहाता या सुविधा महापालिकेने द्यायला हव्यात मात्र, ते बिल्डरला विकावे लागत आहे. पुणे आता मोठे शहर होत आहे. अनेक भागातले लोक पुण्यात राहायला येत आहेत. लोकसंख्या आणि वाढत्या रोगराईमुळे हॉस्पिटल हा धंदा म्हणून पुढे येत असल्याचे त्यांनी नमूद केले.

मराठी मातीत मिसळा....

महापौरासारखी मराठी मातीत मिसळणारी माणसे हवीत. जी माणसे मराठी संस्कृती समजून घेत नाहीत त्या माणसांना कुठे लाथ मारायची हे माहीत असल्याचे राज ठाकरे यावेळी म्हणाले.

मनसे आमदार दालनाबाहेरच!

2011-07-22T12:04:00.000+05:30

खालील लेख म टा च्या सौजन्याने .....

गिरणी कामगारांच्या प्रश्नांसंदर्भात चर्चा करण्यासाठी गेले महिनाभर मुख्यमंत्री पृथ्वीराज चव्हाण यांच्याकडे वेळ मागत होतो. परंतु त्यांच्याकडून कोणताही प्रतिसाद न आल्याने शेवटी उपमुख्यमंत्री अजित पवार यांची भेट मागितली व ती त्यांनी तातडीने दिली. मात्र त्याचवेळी मुख्यमंत्र्यांच्या दालनात त्याच विषयावर चर्चा असल्याने पवार यांच्या सूचनेवरून मुख्यमंत्र्यांकडे चचेर्साठी गेलो. मुख्यमंत्र्यांनी भेट सोडाच, उलट दालनात बसवून ठेवले, असा आरोप मनसेचे गटनेते बाळा नांदगावकर यांनी केला. तर आपण चचेर्साठी बोलविले होते. पण ते निघून गेले, असा खुलासा मुख्यमंत्री चव्हाण यांनी केला.

पाचवेळा मी गिरणगावातून निवडून येत असल्याने आम्हाला गिरणी कामगारांच्या प्रश्ानंची जाण आहे. त्यामुळे त्यांचे प्रश्न मांडण्यासाठी गेले महिनाभर आम्ही मुख्यमंत्र्यांची वेळ मागत होतो. परंतु त्यांच्याकडून प्रतिसाद मिळत नसल्याने उपमुख्यमंत्र्यांची वेळ मागितली. त्यांनी चचेर्ची वेळ दिली. त्यानंतर गिरणी कामगारांच्या प्रश्नांसाठी मुख्यमंत्र्यांकडे वेळ नसल्याने त्यांचे गिरणी कामगारांच्यावतीने आभार मांडण्यासाठी बुधवारी मी मुख्यमंत्र्यांच्या कार्यालयात गेलो, असे मनसेचे गटनेते बाळा नांदगावकर यांनी सांगितले.

गिरणी कामगारांच्या प्रश्नांसाठी आम्ही उपमुख्यमंत्र्यांशी चर्चा करणार असल्याचे कळताच मुख्यमंत्री कार्यालयाने तातडीने गुरुवारी गिरणी कामगारांच्या घरासंदर्भात बैठक लावली, गुरुवारी उपमुख्यमंत्री पवार यांचा आम्हाला फोन आला, मी मुख्यमंत्र्यांशी बोललो आहे, तुम्ही प्रथम त्यांच्यापुढे गिरणी कामगारांचे प्रश्न मांडा, असे त्यांनी सांगितल्यानेच तेथे गेलो, असे नांदगावकर म्हणाले.

..........................................

मुख्यमंत्री काय चेस खेळतात?

मुख्यमंत्री पृथ्वीराज चव्हाण यांना गिरण्यांच्या प्रश्नांवर मनसेच्या आमदारांना चर्चा करण्यासाठी वेळ नाही. आमदारांचा अवमान करतात. परंतु त्यांचा अवमान करण्याची संधीही आम्हाला मिळेल, असा टोला मनसेचे प्रमुख राज ठाकरे यांनी लगावला. मुख्यमंत्री जनतेच्या प्रश्नासाठी वेळ देत नाहीत तर ते काय वर्षा बंगल्यावर चेस खेळत असतात की काय, अशी खोचक टीका राज यांनी केली.

खड्ड्यांचा वाद रस्त्यावर!

2011-07-22T12:02:00.000+05:30

मुजोर महापौर आणि उदासीन प्रशासनाचा धिक्कार असो .........

खालील लेख म टा च्या सौजन्याने ....

कल्याण - डोंबिवलीतील रस्त्यांनापडलेल्या खड्ड्यांच्यामुद्द्यांवरून गुरुवारी मनसे आणिशिवसेनेच्या कार्यकर्त्यांत तुंबळजुंपली . खड्ड्यांविरोधातआंदोलन पुकारणाऱ्यामनसैनिकांनी महापौरांविरोधातघोषणाबाजी केल्याने त्यांनीपालिकाविरोधात शहरभरझळकवलेले बॅनर काढूनटाकण्याचे आदेश दिले .

त्यामुळे संतापलेल्या मनसैनिकांनी महापौरांना अडविल्याने दोन्ही सेना एकमेकांसमोरउभ्या ठाकल्या . धक्काबुक्कीनंतर प्रकरण पोलिसांपर्यंत गेल्यानंतर एकमेकांविरोधातगुन्हा दाखल न करण्याचा निर्णय झाल्याने अखेर दोन्ही सेना माघारी फिरल्या .

शहरातील रस्ते मृतवत झाल्याचा आरोप करीत मनसेच्या रस्ते व आस्थापनाविभागातर्फे गुरुवारी डोंबिवलीत रस्त्यांचे श्राद्ध घालण्याचे आंदोलन करण्यात आले .आंदोलनादरम्यान मनसैनिकांनी महापौर वैजयंती गुजर व पालिका प्रशासनाविरोधातजोरदार घोषणाबाजी केली . याबाबत माहिती मिळताच महापौर डोंबिवलीत दाखलझाल्या , मात्र तोपर्यंत मनसैनिकांचे आंदोलन संपुष्टात आले होते . त्यामुळेमनसैनिकांनी रस्त्यांच्या दुर्दशेबद्दल महापालिकेविरोधात शहरभर झळकवलेले बॅनर वहोर्डिंग तातडीने काढून टाकण्याचा आदेश प्रशासनाला दिला .

महापौरांच्या आदेशामुळे पालिका कर्मचाऱ्यांनी लगेचच मनसेची होर्डिंग उतरविली .ही माहिती मिळताच संतापलेल्या मनसैनिकांनी शहराध्यक्ष राजेश कदम यांच्यानेतृत्वाखाली इंदिरा गांधी चौकात महापौरांना अडविले . तिथे महापौर वमनसैनिकांमध्ये जोरदार शाब्दिक चकमक उडाली . ' आंदोलन करतानामहापौरांविरोधात घोषणाबाजी करण्याची गरज काय ?', असा संतप्त सवाल वैजयंतीगुजर यांनी केला . तर ' दीड महिन्यांपूर्वी खड्ड्यांच्या मुद्द्यावर मनसैनिकांनी पालिकाअधिकाऱ्यांविरोधात आंदोलन केले , त्यावेळी तुम्हीच प्रशासनाला पाठीशी घालतमनसैनिकांवर गुन्हे दाखल करणे भाग का पाडले ?', असा सवाल राजेश कदम यांनीकेला .

या चकमकीची बातमी डोंबिवलीत वेगाने पसरली व त्यामुळे दोन्ही सेनांचे पदाधिकारीघटनास्थळी जमा झाले . शिवसेनेचे ज्येष्ठ नगरसेवक रमेश म्हात्रे , माजी शहरप्रमुखसदानंद थरवळ , आमदार रवींद्र चव्हाण , महिला आघाडीप्रमुख स्मिता बाबर तरमनसेकडून आमदार रमेश पाटील , विरोधी पक्षनेत्या वैशाली दरेकर , राहुल कामतआदी समोरासमोर उभे ठाकल्याने वातावरण तंग झाले होते . हा जमाव पाहून इंदिरागांधी चौक परिसरातील दुकानदारांनी दुकाने बंद केली . तोपर्यंत रामनगर पोलीसहीघटनास्थळी दाखल झाले .

पोलिसांच्या उपस्थितीतच दोन्ही पक्षांच्या कार्यकर्त्यांत धक्काबुक्की सुरू झाली . प्रकरणहाताबाहेर जात असल्याचे लक्षात येताच पोलिसांनी सर्वांना पोलीस स्टेशनला आणले. तिथेही घोषणाबाजी सुरू झाल्याने परिस्थिती चिघळण्याची चिन्हे दिसू लागली .परंतु मनसेचे आमदार रमेश पाटील यांनी मध्यस्थी करत दोन्ही पक्षांच्यापदाधिकाऱ्यांना शांत राहण्याचे आवाहन केले व तणाव निवळला .

महापौरांच्या राजीनाम्याची मागणी

मनसेचे शहर अध्यक्ष राजेश कदम यांनी महापौर वैजयंती गुजर यांचा राजीनाम्याचीमागणी केली असून मनसेचे नगरसेवक सभागृहात शिवसेनेला सहकार्य करणार नाहीत, अशी भूमिका त्यांनी घेतली आहे . तर मनसैनिकांनी अकारण आंदोलने करू नयेत ,असे गुजर यांनी म्हटले आहे.

विभाग अधिकाऱ्याला मनसे नगरसेवकांनी नाल्यात बुचकळले

2011-07-20T17:25:00.001+05:30

खालील बातमी लोकसत्ता च्या सौजन्याने ....

http://www.loksatta.com/index.php?option=com_content&view=article&id=171404:2011-07-19-18-52-41&catid=26:2009-07-09-02-01-20&Itemid=3

कल्याण परिसरातील नालेसफाईच्या पहाणीसाठी निघालेल्या महाराष्ट्र नवनिर्माण सेनेच्या नगरसेवकांनी आज उद्धट वर्तन करणारे महापालिकेचे विभाग अधिकारी काशीनाथ पडवळ यांना थेट नाल्यातील सांडपाण्यात बुचकळून बाहेर काढल्याने महापालिका वर्तुळात एकच खळबळ उडाली. ‘माझी आता बदली झाली आहे, त्यामुळे एक पेग मारुन येतो’, असे उद्गार काढल्यानेच पडवळ यांना नाल्यात ढकलल्याची सारवासारव या घटनेनंतर मनसेच्या नगरसेवकांना करावी लागली. दरम्यान, महापालिका वतुळात मात्र या घटनेचे तीव्र पडसाद उमटण्याची चिन्हे दिसू लागली आहेत. विशेष म्हणजे, यावेळी संतापलेल्या मनसे नगरसेवकांनी आरोग्य निरीक्षक प्रशांत पुरी यांच्यावरही दांडगाई करत त्यांनाही गटाराच्या चेंबरमध्ये फावडे घेउन गाळ साफ करण्यासाठी उतरवून दांडगाईचे प्रदर्शन घडविले.
कल्याण-डोंबिवली महापालिकेतील विरोधी पक्षनेत्या वैशाली दरेकर-राणे, मनसेचे गटनेते नरेंद्र गुप्ते व महापालिकेतील पक्षाचे अन्य नगरसेवक ‘ब’ प्रभागात सकाळपासून नाले सफाईची पाहणी करीत होते. ‘ब’ प्रभागात अनेक ठिकाणी नाले, गटारे तुंबले असल्याचे व जागोजागी पाणी साचल्याचे पदाधिकाऱ्यांच्या निदर्शनास आले. त्यामुळे संतापलेल्या दरेकर आणि गुप्ते यांनी मोबाईल करून प्रभाग अधिकारी पडवळ यांना घटनास्थळी बोलविले. पाऊण तासानंतर पडवळ व त्यांचे साथीदार घटनास्थळी आले. नालेसफाई झाली नाही, सर्वत्र पाणी तुंबले आहे, तुम्ही काय करता अशी प्रश्नांची सरबत्ती मनसेच्या पदाधिकाऱ्यांनी पडवळ यांच्यावर केली. मात्र, पडवळ यांनी तो विषय हसण्यावारी नेऊन ‘आता कुठे पाऊस पडतो आहे. माझी बदली झाली आहे. एक पेक मारून आता झोपणार अशी’ असे वक्तव्य केल्याचे मनसे पदाधिकाऱ्यांचे म्हणणे होते. या वक्तव्यामुळे संतापलेल्या मनसे नगरसेवकांनी पडवळ यांना थेट नाल्यातच ढकलले. नाल्यातील सांडपाण्यात बुचकळून पडवळ यांना बाहेर काढले.
पडवळ यांना हिसका दाखविल्यानंतर सहाय्यक आरोग्य निरीक्षक पुरी याला गटारातील चेंबरमध्ये उतरविण्यात आले. तेथील गाळ उपसण्यास पुरी यांना भाग पाडण्यात आले. दरम्यान, याप्रकरणी वैशाली दरेकर यांच्याशी संपर्क साधला असता पडवळ यांना नाल्यात बुचकळून बाहेर काढण्यात आलेले नाही, अशी माहिती दिली. लहानसे गटार होते, त्यात त्यांना ढकलण्यात आले. या गटारात त्यांचा पाय अडकला, असे दरेकर म्हणाल्या. पडवळ यांनीही नाल्यात बुचकळल्याच्या वृत्ताचा इन्कार केला आहे.

बातमी लिहिण्याचे धडे देणार राज ठाकरे

2011-07-18T20:56:00.000+05:30

खालील लेख स्टार माझा च्या सौजन्याने ......

मुंबईत बॉम्ब स्फोट झाल्यावरही परप्रांतीयांवर आसूड उगारणाऱ्या ‘संपादक’ राज ठाकरे यांनी बातमी कशी लिहावी, कशी समजून घ्यावी याचे धडे आज पत्रकार परिषदेत दिले. मुंबईतील बॉम्ब स्फोट हे परप्रांतीयामुळेच होतात, असा पुनरुच्चार राज ठाकरे यांनी केला.

raj thackeray

मुंबईत १३ जुलैला झालेल्या बॉम्ब स्फोटानंतर हे बॉम्ब स्फोट परप्रांतीयांमुळेच झाले असल्याचे राज ठाकरे यांनी पत्रकार परिषद घेऊन सांगितले होते. या वृत्ताचा मीडियाने विशेषतः हिंदी चॅनल्सने कसा विपर्यास केला या संदर्भात स्पष्टीकरण राज ठाकरे यांनी आजच्या पत्रकार परिषदेत दिले.
मुंबईत झालेले बॉम्ब स्फोट हे उत्तर भारतीयांमुळे नाही तर त्या येणाऱ्या लोंढ्यामुळे झाले असल्याचे त्यांनी सांगितले. यात सर्व उत्तर भारतीयांना मी दोषी धरत नाही. परंतु आज उत्तर भारतातून ४८ रेल्वे मुंबईत येतात. कोण येतो, कुठं जातोय. कोणाचा कोणाला थांगपत्ताच नाही. त्यात दहशतवादीही आले असतील, याचा कोणी विचार केलायं का, असा सवाल त्यांनी उपस्थित केला.
मी प्रतिक्रिया दिल्यानंतर यांचं टायमिंग चुकलंय. आता लोंढ्याचं राजकारण करण्याची गरज आहे का, अशा बातम्या छापून आल्या. मी काय म्हटलो, हे नीट समजून न घेता विनाकारण बातम्या ट्विस्ट करून दिल्या जातात. बातमी नीट समजून घ्या, असाही संपादकीय सल्ला राज ठाकरे यांनी यावेळी दिला.

अबू आझमीची चौकशी करा
बॉम्ब स्फोटांच्या वेळीच या अबू आझमीला उत्तर भारतीयांचा का कळवळा येतो. त्याच वेळी तो प्रतिक्रिया द्यायला येतो. पोलिसांच्या तपासला वेगळे वळण देण्यासाठी अबू आझमी हे उद्योग करतो. पहिले त्याची चौकशी करा. यापूर्वीही बॉम्ब स्फोटाप्रकरणी त्याची चौकशी झाली आहे. सरकारने अशा गोष्टीकडे लक्ष न देता पोलिसांना तपासाचे स्वातंत्र्य द्यावे, अशीही सूचनाही त्यांनी यावेळी केली.

गृह खाते काँग्रेसकडे असते तर दहशतवादी घाबरले असते
गृहखाते राष्ट्रवादीला देणे घोडचूक होती, या मुख्यमंत्री पृथ्वीराज चव्हाण यांनी केलेल्या वक्तव्याचा समाचार घेत राज ठाकरे म्हटले. गृहखाते काँग्रेसकडे असते तर काय दहशतवादी घाबरले असते. नको नको बाबा, गृहखाते काँग्रेसकडे आहे. असे म्हटले असते. स्वतःच्या अपयशाचे बोट दुसऱ्याकडे दाखवण्याचा प्रकार आहे. सत्ता तुमची आहे. गेल्या कित्येक वर्षांपासून तुम्ही सत्तेत आहेत, असे दुसऱ्याकडे बोट दाखवणे योग्य नाही.

कामतांना नंतर सुचलेले शहाणपण
माजी केंद्रीय गृहराज्यमंत्री गुरूदास कामत यांच्यावरही टीकेची झोड उठवत राज ठाकरे म्हणाले, कामत यांचं मंत्रीपद गेल्यामुळे त्यांना आता राज्य सरकारचं अपयश दिसत आहे. त्यांना नंतर सुचलेले शहाणपण आहे.

आर. आर. आबा लक्ष कुठेयं
काल एका वर्तमान पत्रात पोलिसांची उलटी पडलेली स्पीड बोट पाहिली. तसेच ठाण्याच्या पोलिसांकडे बॉम्बचा सूट नाही. हे आर. आर. पाटील करतायं काय त्याचं कुठे लक्ष आहे. पक्षाच्या अंतर्गत राजकारणातचं त्यांचं लक्ष दिसतयं, असा टोलाही त्यांना लगावला.

पोलिस भरती करतायं का कपडे शिवताहेत
पोलिसांची संख्या कमी आहे. दरवेळा ओरड असते. पोलिसांची भरती होते, तेव्हा छाती फुगवलेल्या तरुणाचे फोटो छापून येता. कुठे गेल्या त्या छात्या. असा सवाल उपस्थित करून राज ठाकरे म्हणाले, पोलिस भरती करताहेत का छात्यांची मापं घेऊन कपडे शिवताहेत. पोलिसांमध्ये माणसं भरू शकत नसाल, तर काय करताहेत तुम्ही. याचं लक्ष फक्त सूत गिरण्या, साखर कारखान्यांमध्ये आहे. बाकीकडे लक्ष द्यायला यांना वेळ नाही.

मायवती आपल्या घराकडे लक्ष द्या
मायवतींना आपले राज्याकडे लक्ष द्यावे, त्यांना बोलायला काय जातं आहे. माझ्या टीका करण्यापेक्षा आपल्या राज्याकडे लक्ष द्या. मायावती म्हणतात, मुंबईत उत्तर भारतीयांना लोकांना घरं दिले पाहिजे, मग तुम्ही द्या घरं. स्वतः सत्तेवर बसायचं आणि दुसऱ्याला बोलायचं.

नीतिश कुमारांच कौतुक
नीतीश कुमार यांनी केला ना बिहारचा विकास. बिहारमधून बाहेर पडणाऱ्यांची संख्या कमी झाली आहे. औद्योगिक विकास केला, असे कौतुक राज ठाकरे यांनी केले आहे.

उस्मानीच्या चौकशीत गैर काय? - राज ठाकरे

2011-07-18T20:54:00.001+05:30

खालील बातमी म टा च्या सौजन्याने ..........................

फैज उस्मानी जेलमध्ये असलेल्या एका दहशतवाद्याला सातत्याने भेटत होता. अशा परिस्थितीत मुंबई बॉम्बस्फोट प्रकरणात पोलिसांनी संशयावरुन फैजची चौकशी केली तर त्यात गैर काय? ... या फैजचा अबू आझमी यांना एवढा कळवळा का ?गुन्हेगारी प्रवृत्तीच्या लोकांचीच अबू आझमी यांना एवढी सहानूभूती का वाटते ?, असे सवाल आज (सोमवारी) राज ठाकरे यांनी उपस्थित केले.

मुंबईत घडणा-या गुन्ह्यांमध्ये ७० ते ८० लोकं उत्तर प्रदेश आणि बिहार पट्ट्यातील असतात. तिथून दररोज ४८ गाड्या मुंबईत येतात. अशा परिस्थिती सुरक्षेच्या दृष्टीकोनातून येणा-या लोंढ्यावर लक्ष ठेवणं आवश्यक असल्याचे राज यांनी सांगितले.

दहशतवादी कारवाया रोखायच्या असतील तर मुंबईत बाहेरुन कोण येतं ? , का येतं ?हे बघायलाच पाहिजे. दहशतवाद्याच्या संपर्कात असलेल्या फैज सारख्याची बाजू घेणा-या अबू आझमीचीच चौकशी व्हायला पाहिजे, असेही राज ठाकरे म्हणाले.

दहशतवाद रोखण्यासाठी पोलीस यंत्रणा सक्षम हवीच. ही यंत्रणा सक्षम करण्याची जबाबदारी गृहमंत्री आर. आर. पाटील यांचीच आहे. जर ते आपलं काम योग्य प्रकारे करत नसतील तर त्यात लक्ष घालण्याचा अधिकार मुख्यमंत्र्यांकडे आहे.

मुंबईच्या लोकसंख्येच्या तुलनेत पोलीस कमी आहेत. त्यांच मनुष्यबळ वाढवायला हवं हे गृहमंत्र्यांना माहिती आहे. मग एवढे दिवस ते काय करत होते ? ठाणे जिल्ह्यात पोलिसांकडे बॉम्ब शोधक पथक नाही. समुद्रात गस्त घालायला स्पीड बोट आहेत पण पेट्रोल नाही. ही अशी परिस्थिती निर्माण होईपर्यत गृहखातं काय करत होतं ? , अशा शब्दात राज यांनी गृहमंत्र्यांच्या कार्यक्षमतेबाबत प्रश्न उपस्थित केले.

गृहखातं कोणाकडे आहे यापेक्षा ते कशा प्रकारे काम करतं हे महत्त्वाचं आहे. गृहमंत्री राष्ट्रवादी ऐवजी काँग्रेसचा असता तर काय दहशतवादी घाबरणार होते ? साखर कारखाने आणि सूत गिरण्या चालवणे, एकमेकांची उणीदुणी काढणे हे असलं राजकारण करण्यापेक्षा सुरक्षा यंत्रणा मजबूत करा. दहशतवादाशी लढायच असेल, देशाची आंतरराष्ट्रीय प्रतिमा सुधारायची असेल तर आधी अंतर्गत व्यवस्थेत सुधारणा करा, असे राज यांनी सांगितले.

कल्याण-डोंबिवलीचा पुरस्कार 'खड्ड्यांत' पाठवा!

2011-07-13T12:39:00.002+05:30

चला खासदार साहेबांना उशिरा का होईना जाग आली .....

खालील लेख म टा च्या सौजन्याने ....................

कल्याण-डोंबिवलीतील रस्त्यांची खडड्यांमुळे पुरती चाळण झाली असताना , कल्याण-डोंबिवली महापालिकेला उत्कृष्ट रस्त्यांचा पुरस्कार मिळतो

हा येथील नागरिकांचा अपमान आहे. शिवसेनेकडे महापालिका असताना सेनेचेच खासदार सांगताहेत , की हा पुरस्कार परत करा. तुम्हीही पुढे या आणि या पुरस्काराला ' खड्ड्यांत ' पाठवा...

अखिल भारतीय स्थानिक स्वराज्यसंस्थेने उत्कृष्ट रस्त्यांसाठीचा हा राष्ट्रीय पुरस्कार कल्याण-डोंबिवली महापालिकेला का दिला ? हे न उमगणारे कोडे आहे. प्रत्यक्षात निकृष्ट रस्त्यांवरूनपालिकेच्या तीन वरिष्ठ अधिका-यांना आयुक्तांनी ' कारणे दाखवा ' नोटीस बजावलीआहे . तरीदेखील पालिकेला हा पुरस्कार मिळाल्याने स्थानिकांमध्ये आपली क्रूर थट्टाझाल्याची भावना बळावली आहे .

शिवसेनेचे खासदार आनंद परांजपे यांनीही हा पुरस्कार स्वीकारल्याबद्दल सेनेचीच सत्ता असलेल्या महापालिकेचे कान उपटले आहेत. रस्त्यांची झालेली दुरावस्था आणि नागरिकांमध्ये उमटलेली तीव्र प्रतिक्रिया पाहता केडीएमसीने उत्कृष्ट रस्त्यांसाठीचा हा नगररत्न पुरस्कार स्वतःहून परत करावा असे , परांजपे यांनी सांगितले आहे.

नागरिकांची ही चेष्टा थांबायला हवी असे वाटत असेल , तर तुम्हीही पुढे व्हा. ज्या राष्ट्रीय संस्थेने हा पुरस्कार दिला , त्यांना कळू दे की येथील रस्त्यांची अवस्था काय आहे ते ? त्यासाठी एवढेच करा की कल्याण-डोंबिवलीतील रस्त्यांवरील खड्ड्यांचे ,तेथील अतिक्रमाणांचे , दुरावस्थेचे फोटो या अखिल भारतीय स्थानिक स्वराज्यसंस्थेला खालील पत्त्यावर पाठवा. फोटो शक्य नसेल तर किमान चार ओळींचे पत्र लिहून आपल्या भावना कळवा.... (त्याची एक क़ॉपी आम्हालाहीteammtonline@gmail.com या पत्यावर पाठवा)

अशी आहे कल्याण-डोंबिवलीतील रस्त्यांची अवस्था (फोटोफीचर)

ऑल इंडिया इन्स्टिट्यूट ऑफ लोकल सेल्फ गव्हर्नमेंट
एम. एन. रॉय ह्युमन डेव्हलपमेंट कॅम्पस ,
प्लॉट नं. ६ , एफ-ब्लॉक , वांद्रे-कुर्ला कॉम्प्लेक्स ,
टीपीएस मार्ग क्र. १२ , टिचर्स कॉलनीच्या मागे ,
वांद्रे (पूर्व) , मुंबई- ४०००५१
ई-मेल- dgaiilsg@gmail.com

हास्यास्पद .....

2011-07-13T12:34:00.002+05:30

शिवसेनेच्या महापौरांना राष्ट्रपतींच्या हस्ते कसला पुरस्कार मिळणार होता तेच माहित नव्हते ..... आयला कल्याणकर आणि डोम्बिवली कर काय बोळ्याने दुध पितात की काय ???? कैच्याकै ..............................

आपला

विनोद

खालील लेख लोकसत्ता च्या सौजन्याने ........

पुरस्कार कसला हे व्यासपीठावर जाईपर्यंत माहीतच नव्हते

महापौर वैजयंती गुजर यांची मुक्ताफळे
कल्याण/प्रतिनिधी
कल्याण डोंबिवली पालिकेला राष्ट्रपतींच्या हस्ते एक पुरस्कार मिळणार असून तो पुरस्कार आपण स्वीकारणार आहोत एवढेच मला माहिती होती. पुरस्कार स्वीकारण्याच्या व्यासपीठावर जाईपर्यंत तो पुरस्कार कसला आहे. हे आपणास माहिती नव्हते. आताच्या रस्त्यांसाठी तो पुरस्कार असता तर आपण त्याचा विचार केला असता. शेवटी महामहिम राष्ट्रपतींच्या हस्ते पुरस्कार वितरण असल्याने आपण त्या पुरस्काराची विचारणा केली नाही, असे महापौर वैजयंती गुजर यांनी अहमदाबाद येथून ‘ठाणे वृत्तांत’शी मोबाईलवरून बोलताना सांगितले.
अहमदाबाद शहराला उत्कृष्ट नगररचनेचा पुरस्कार मिळाला आहे. आपण आता त्या शहरातच आहोत. येथील सर्व रस्ते पाण्याखाली गेले आहेत. म्हणजे त्यांनी हा पुरस्कार स्वीकारूच नये का? असा प्रश्न करून महापौर गुजर म्हणाल्या, कल्याण डोंबिवली पालिकेला २००९-२०१० या काळात केलेल्या उत्तम रस्त्यांसाठी नागर रत्न पुरस्कार मिळाला आहे. त्या काळात शहरातील रस्ते चांगले होते. म्हणून तो पुरस्कार स्वीकारण्यात आला. व्यासपीठावर जाईपर्यंत आपणास पुरस्कार कसला मिळणार हे माहिती नव्हते, असे महापौर गुजर यांनी सांगितले.
दरम्यान, पालिकेतील काही सुत्रांनी सांगितले, पुरस्कार मिळण्यापूर्वी चार ते पाच दिवस अगोदरच पालिकेत पत्र आले होते. ते महापौरांना प्रशासनाने दाखविले नव्हते का? त्या पत्रावर कशासाठी पुरस्कार हे स्पष्ट अधोरेखीत असेल. म्हणजे महापौर गुजर यांना प्रशासन अंधारात ठेवत आहे असे दिसून येत आहे. कल्याणमधील रोटरी क्लबच्या कार्यक्रमात महापौरांनी पालिकेला पुरस्कार मिळणार असून तो आपण स्वीकारणार असल्याचे कौतुकाने जाहीर केले होते, असे या कार्यक्रमाला उपस्थित नागरिकांनी सांगितले.
आताच्या रस्त्यांसाठी तो पुरस्कार असता तर आपण त्याचा विचार केला असता असे सांगणाऱ्या महापौर गुजर यांनी अलीकडेच कल्याणमधील रोटरी क्लबच्या कार्यक्रमात पालिकेला पुरस्कार मिळणार असून तो आपण स्वीकारणार असल्याचे कौतुकाने जाहीर केले होते.

मनसेने बसवले कंत्राटदाराला खड्डय़ात!

2011-07-13T12:31:00.000+05:30

खालील लेख लोकसत्ता च्या सौजन्याने ........................

मुंबईतील पूर्व द्रुतगती तसेच पश्चिम द्रुतगतीमार्गावरील जवळपास प्रत्येक उड्डाणपुलावर खड्डय़ांचे साम्राज्य निर्माण झाले असून त्याचा मोठा फटका मुंबईकरांना बसत आहे. त्यामुळे संतप्त झालेल्या मनसेच्या कार्यकर्त्यांनी आज दादर पश्चिम येथील राम गणेश गडकरी उड्डाण पुलावरच खड्डे बुजविण्याचे कंत्राट घेतलेल्या एका कंत्राटदाराला चांगला चोप देऊन खड्डय़ात बसवून ठेवले. मुख्यमंत्री पृथ्वीराज चव्हाण यांनी अलीकडेच लालबाग येथील उड्डाणपुलाचे उद्घाटन केल्यानंतर अवघ्या काही दिवसातच या नव्या उड्डाण पुलावर खड्डे पडले. यामुळे प्रचंड टीका झाल्यानंतर खडबडीने जागे झालेल्या मुख्यमंत्र्यांनी एमएमआरडीएच्या या कामाची चौकशी करण्याचे आदेश दिले होते. या चौकशीतून काय निष्पन्न झाले ते अद्यापि जाहीर झाले नसले तरी मुंबईतील जवळपास प्रत्येक उड्डाणपुलावर पावसामुळे मोठय़ा प्रमाणात खड्डे पडले आहेत. यातील बहुतेक उड्डाण पुलांची कामे एमएमआरडीएने केली असून खड्डे बुजविण्याची जबाबदारी पालिकेच्या माथी मारण्यात आल्याचे सूत्रांचे म्हणणे आहे. दादरचा राम गणेश गडकरी उड्डाण पूल हा थेट पालिकेच्या केईम रुग्णालयाजवळ जात असून या उड्डाण पुलावरील खड्डे तात्काळ दुरुस्त करावे अशी लेखी विनंती मनसेच्या दादर येथील उपविभागअध्यक्ष अमेय खोपकर यांनी संबंधित कंत्राटदाराकडे गेल्या आठवडय़ात केली होती. मनसेच्या सूत्रांच्या म्हणण्यानुसार या कंत्राटदाराला एकूण चाळीस उड्डाण पुलावरील खड्डे बुजविण्यासाठी आठ कोटी नव्वद लाखांचे कंत्राट पालिकेने दिले होते. मात्र त्याने मनसेच्या लेखी निवेदनाला दाद न दिल्यामुळे अमेय खोपकर यांच्या नेतृत्वाखाली मनसेच्या कार्यकर्त्यांनी या कंत्राटदाराची गचांडी धरून त्याला गडकरी पुलावर नले. तेथे त्याला भरपूर चोप देण्यात आला तसेच उठाबशाही काढायला लावल्या. यानंतर या कंत्राटदाराला उड्डाणपुलावरील खड्डय़ात बसविण्यात आले. या उड्डाण पुलावर किमान पन्नास खड्डे असल्याचे खोपकर यांनी सांगितले. कंत्राटदाराप्रमाणेच एमएमआरडीए तसेच पालिकेच्या सनदी अधिकाऱ्यांना झटका देण्याची खरी गरज असल्याचे मनसेच्या एका सरचिटणीसाने सांगितले. मोठ मोठी कंत्राटे देताना कामाचा दर्जा तसेच ते योग्य प्रकारे होत आहे अथवा नाही, हे आयएएस अधिकारी कधीतरी पाहणार आहेत की नाही, असा सवालही या सरचिटणीसाने केला. राज्यातील बहुतेक सनदी अधिकारी वेळोवेळी परदेशात जात असतात. तेथील रस्त्यांप्रमाणे किमान पंधरा वर्षे टिकेल, असा एकही रस्ता आजपर्यंत का बांधण्यात आलेला नाही, असा प्रश्नही उपस्थित केला जात आहे. सामान्य रस्ते वेळोवेळी विविध कामांसाठी खणावे लागतात. तशी स्थिती उड्डाणा पुलांची नसते. मात्र त्यावरही खड्डे पडणे ही गंभीर बाब असून केवळ कंत्राटदारालाच नव्हे तर संबंधित विभागाच्या सर्वोच्च अधिकाऱ्याला त्यासाठी जबाबदार धरले पाहिजे असे अमेय खोपकर म्हणाले.

कल्याण-डोंबिवलीतील हे खड्डय़ांतील रस्ते

2011-07-12T14:26:00.001+05:30

खालील लेख लोकसत्ता च्या सौजन्याने .....

भगवान मंडलिक - मंगळवार, १२ जुलै २०११
bhagwan.mandlik@expressindia.com
महापालिका निवडणुकांच्या तोंडावर कल्याण-डोंबिवली परिसरातील रस्त्यांना ‘सिंगापूर टच’ देण्याच्या वल्गना करत कोटय़वधी रुपयांचा खर्च करणाऱ्या महापालिकेतील अभियांत्रिकी विभागाचे पितळ आता उघडे पडू लागले असून अवघ्या दोन वर्षांपूर्वी तयार केलेले चकाचक रस्ते यावर्षी पहिल्याच पावसात शरपंजरी पडल्याचे चित्र दिसू लागले आहे. दिल्लीतील जवाहरलाल नेहरू विकास योजनेच्या माध्यमातून साधारण दोन वर्षांपूर्वी महापालिकेने डोंबिवली स्थानक, मानपाडा, मुरबाड रोड भागांत रस्त्यांना नवा मुलामा चढविण्याचा प्रयत्न केला. याच रस्त्यांच्या जोरावर अखिल भारतीय स्थानिक स्वराज्य संस्थेच्या माध्यमातून थेट देशाच्या राष्ट्रपती प्रतिभाताई पाटील यांच्या हस्ते पुरस्कारही पदरात पाडून घेतला. प्रत्यक्षात जे रस्ते पाहून या पुरस्काराकरिता शिफारस करण्यात आली, त्यापैकी बहुतांश रस्त्यांची वर्षभरातच खराब अवस्था झाल्याचे स्पष्ट झाले आहे. त्यामुळे राष्ट्रपतींच्या हस्ते मोठय़ा ऐटीत पुरस्कार स्वीकारणाऱ्या महापौर आणि आयुक्तांवर सध्या नागरिकांमधून तीव्र नाराजी व्यक्त होऊ लागली आहे.
२००९-१० या काळात कल्याण-डोंबिवली पालिकेने चांगले रस्ते केल्याबद्दल पालिकेला अखिल भारतीय स्थानिक स्वराज्य संस्थेचा ‘नागररत्न’ पुरस्कार राष्ट्रपती प्रतिभा पाटील यांच्या हस्ते नुकताच मिळाला. हा काळ साधारपणे महापालिका निवडणुकीचा होता. शहरातील रस्ते चहूबाजूंनी पोखरले गेल्याने सत्ताधारी चांगलेच अडचणीत सापडले होते. याच काळात जवाहरलाल नेहरू अभियानाचा ‘ताजा’ पैसा उपलब्ध होत असल्याने माजी आयुक्त गोविंद राठोड यांच्या पुढाकाराने शहरातील महत्त्वाच्या रस्त्यांना नवा मुलामा चढविण्याचा प्रयत्न करण्यात आला.
निवडणुका तोंडावर आल्याने शिवसेनेचे जिल्हाप्रमुख आमदार एकनाथ िशदे यांनीही याकामी पुढाकार घेतला. यासाठी खास विदेशी तंत्रज्ञानाचा उपयोग करत नवे रस्ते तयार करण्याचे नक्की करण्यात आले. शहरातील दोन-चार रस्ते देखावा म्हणून चांगले करण्यात आले. निवडणुकांच्या तोंडावर रात्रीचा दिवस करून कल्याण-डोंबिवली रेल्वे स्टेशन परिसरातील रस्ते सिंगापूर धर्तीचे करण्यात आले. याच रस्त्यांच्या आधारे अखिल भारतीय स्थानिक स्वराज्य संस्थेच्या माध्यमातून पुरस्कारासाठी शिफारसही करण्यात आली आणि पुढे तो पटकाविण्यात आला. प्रत्यक्षात हा पुरस्कार ज्या रस्त्यांच्या आधारे मिळाला आहे, तेथील सध्याची परिस्थिती अत्यंत भीषण बनली असून बहुतांश या सर्व रस्त्यांची आता वाताहत झाली आहे.
पालिकेतील एका अधिकाऱ्याचे सध्या ‘आयएएस नॉमिनेशन’ मंत्रालयात प्रलंबित आहे. हा अधिकारी राष्ट्रपतींच्या मूळ मतदारसंघाच्या आसपासचा आहे. बढतीच्या या फाईलला एक ‘झालर’ म्हणून या पुरस्काराचा वापर करण्याचा प्रयत्नही जोमाने सुरू असल्याची चर्चा आहे. चार महिन्यांपूर्वी ६४ कोटी खर्च करून शहरातील रस्त्यांची पावसाळ्यापूर्वी योग्य डागडुजी करण्याचा एक प्रस्ताव मंजूर करण्यात आला. महापौर वैजयंती गुजर यांनी रस्त्यांची सध्याची अवस्था पाहून पावसाळ्यात डांबरीकरणाची कामे करू नयेत, असे आदेश दिले आहेत. या पाश्र्वभूमीवर उत्तम रस्त्यांसाठी महापौर-आयुक्तांनी स्वीकारलेला पुरस्कार हास्यास्पद ठरू लागला आहे.
दिल्लीतील जवाहरलाल नेहरू विकास योजनेच्या माध्यमातून साधारण दोन वर्षांपूर्वी महापालिकेने डोंबिवली स्थानक, मानपाडा, मुरबाड रोड भागांत रस्त्यांना नवा मुलामा चढविण्याचा प्रयत्न केला. याच रस्त्यांच्या जोरावर अखिल भारतीय स्थानिक स्वराज्य संस्थेच्या माध्यमातून थेट देशाच्या राष्ट्रपती प्रतिभाताई पाटील यांच्या हस्ते पुरस्कारही पदरात पाडून घेतला. प्रत्यक्षात जे रस्ते पाहून या पुरस्काराकरिता शिफारस करण्यात आली, त्यापैकी बहुतांश रस्त्यांची वर्षभरातच खराब अवस्था झाल्याचे स्पष्ट झाले आहे.
खराब असलेले रस्ते
कल्याण पूर्वेतील चिंचपाडा, कोळसेवाडी, काटेमानिवली रस्ता, मुरबाड रोड, पत्रीपूल ते दुर्गाडी पूल, संतोषी माता रोड, नांदिवली रोड, आयरे रोड, गरीबाचावाडा, महाराष्ट्रनगर, नवापाडा, गणेशनगर, मोठागाव, मानपाडा रोड.
नागरिक काय म्हणतात
भाऊ साठे - पुरस्कार देण्यापूर्वी पुरस्कार जाहीर करणारी निवड समिती कधी कल्याण-डोंबिवलीत आली होती का? या समितीने आता या शहरांमध्ये यावे. रस्त्यांच्या वाईट परिस्थितीमुळे घराबाहेर पडणे नको वाटते. अशी परिस्थिती असताना पालिकेला स्वच्छ सुंदर रस्त्यांसाठी पुरस्कार शासन देणार असेल तर त्या पुरस्काराची, देणाऱ्याची ती क्रूर थट्टा आहे. राष्ट्रपतींचा हा अवमान आहे. जनता या रस्त्यांमुळे त्रस्त झाली आहे. लोकांच्या जखमेवर मीठ चोळण्याचे काम या पुरस्काराने केले आहे.

सतिश पाठक - शालेय शिक्षणातील लातूर पॅटर्न नागररत्न पुरस्कारात आणून राजकारणी मंडळीही भ्रष्ट मार्गाचा अवलंब करू शकतात हे एकवार पुन्हा सिद्ध झाले. न केलेल्या कामाचे कौतुक राष्ट्रपतींकडून करून घेऊन त्याच्या हसतमुखाच्या छब्या या करदात्या जनतेच्या जिव्हारी लागल्या आहेत. खडी, खड्डे, डबकी यांच्यामधून कल्याण-डोंबिवलीतील जनता चाचपडत चालत आहे आणि महापौर, आयुक्त निलाजरेपणे हसतमुखाने राष्ट्रपतींना अंधारात ठेवून न केलेल्या कामाचे कौतुक म्हणून पुरस्कार स्वीकारतात. यासारखी निषेधार्ह गोष्ट नाही.

डॉ. आनंद हर्डिकर - कल्याण-डोंबिवली ही शहरे आहेत की डोंगर पठारावरील आदिवासी पाडे आहेत. आता आदिवासी पाडेही चकाचक रस्त्यांनी जोडले गेले आहेत. मग महासत्तेच्या उंबरठय़ावर असलेली कल्याण-डोंबिवली शहरे जगाच्या पलीकडे जाऊन खड्डयात का पडली आहेत? सर्वत्र खड्डय़ांचे थैमान असताना महापौर, आयुक्त पंधरा लाख जनतेला फसवून मोठय़ा कौतुकाने चांगल्या रस्ते कामाचे पुरस्कार स्वीकारतात हे पाहिल्यानंतर कपाळावर हात मारून घेण्याव्यतिरिक्त सामान्य माणूस काहीच करू शकत नाही.

दिलीप काणे - गेल्या वीस दिवसांपूर्वी पालिकेत जे सुनील जोशी प्रकरण घडले. त्या प्रकरणात पालिकेतील सत्ताधारी, सर्व पक्षांचे पदाधिकारी यांची लाज निघून गेली. ती आता परत मिळणे कठीण झाले. मग जोशी प्रकरणात जी माया ज्यांना मिळाली त्यांनी ती माया पुरस्कार देणाऱ्या संस्थेला देऊन नागररत्न पुरस्कार पालिकेने मिळवला असावा. कारण या पुरस्काराच्या निमित्ताने पालिकेची गेलेली लाज पुन्हा परत मिळेल असे शासक, प्रशासकांना वाटले असावे. चांगल्या माणसांना, व्यक्तींना कधीच पुरस्कार मिळत नाही. भ्रष्ट मार्गानेच बहुतांश पुरस्कार दिले जातात. त्यातील एक प्रकार कल्याण-डोंबिवली पालिकेतील चतुरस्र बुद्धीच्या पदाधिकारी, अधिकाऱ्यांनी केला असावा.

साधना जोशी - अग्नीने सीतामाईला जसे पोटात घेतले तसे हे खड्डे कोणाला अपघात, इजा करण्यापूर्वीच आम्हाला पोटात घेतील तर ते बरे होईल, असे हल्ली वाटतंय. कागदपत्रांवर खोटय़ानाटय़ा रेघोटय़ा ओढून त्या आधारे राष्ट्रपती पुरस्कार देणार असतील आणि मतदार जनता त्याच रस्त्यांवरून ठेचकळत, रडतखडत चालणार असेल तर त्या पुरस्काराचा तो घोर अपमान आहे. राष्ट्रपतींचा शासनानेच केलेला अवमान आहे. पक्षांचे जाहिरनामे बघून मतदार मतदान करतो आणि असे खोटे पुरस्कार माथी मारून घेतो. याचेच दर्शन या नागररत्न पुरस्काराने घडविले आहे. म्हणजे दोघेही कोणाच्या तरी हातातले बाहुले आहेत हेच स्पष्ट होते.

हे कसले नगररत्न?

2011-07-12T14:08:00.003+05:30

एक मजेशीर बातमी - कल्याण डोम्बिवली महानगर पालिकेला अखिल भारतीय स्थानिक स्वराज्य संस्थेच्या वतीने सर्वोत्कृष्ठ रस्त्यांकारिता पारितोषिक मिळाले आहे.

मागेच आपल्या सन्माननीय महापौर वैजयंती घोलप ह्यांनी दिल्लीत जाऊन पुरस्कार घेतला ... कल्याण डोंबिवलीतील एक रस्ता धड शिल्लक राहिला नाही आणि महापौर मात्र उड्या मारत दिल्लीला गेल्या ... लाज कशी वाटत नाही ह्यांना .... निदान त्या संस्थेला कळवायचं तरी की आम्ही ह्या पुरस्काराकरिता पात्र नाही ..... कल्याण - डोम्बिवली करांच्या जखमेवर मीठ चोळण्याचा हा प्रकार आहे .....

आपला विनोद

खालील बातमी म टा च्या सौजन्याने ......

पुरस्कार मिळालेल्याच्यानावलौकीकामुळे पुरस्काराचेमोठेपण वाढले पाहिजे . मात्रअखिल भारतीय स्थानिकस्वराज्य संस्थेने नगररत्नपुरस्कारांच्या नावे काहीमहापालिकांना राष्ट्रपती प्रतिभापाटील यांच्या हस्ते खिरापतवाटून आपल्या पुरस्कारांचीप्रतिष्ठा धुळीला मिळवली .कल्याण - डोंबिवलीमहापालिकेला उत्कृष्टरस्त्यांकरिता तर पुणेमहापालिकेला नियोजनबद्धविकासकामांचा पुरस्कार दिल्याने डोंबिवलीकर आणि पुणेकर पुरस्कार देणा्रयांच्याबुद्धीची कीव करीत आहेत . पुण्यातील नियोजित पाच भुयारी पादचारी मार्ग रद्दकरण्याची नामुष्की आली असताना त्यांना पुरस्कार देण्याची भामटेगिरी केली गेलीआहे . पुण्यातील वाहतूक कोंडीची समस्या लक्षात घेता भुयारी पादचारी मार्गाचीतातडीने गरज आहे . मात्र तरीही पुण्याचे नगररत्न ठरणे संशयास्पद आहे . कल्याण -डोंबिवली महापालिकेच्या हद्दीत ३३५ कि . मी . लांबीचे रस्ते आहेत .जेएनयुआरएम योजनेखाली भुयारी गटारे , पाणीपुरवठा आणि पावसाळी गटारेयोजनेकरिता मोठी रक्कम या महापालिकेला मिळाली . विकास कामांकरिता रस्तेखणले जात असल्याने नागरिकांनी सहकार्य व सोशिकता दाखवली . मात्र कामे पूर्णझाल्यानंतर पावसाळा सुरू होण्यापूर्वी रस्ते पूर्ववत करण्याची तत्परता प्रशासनानेदाखवली नाही . परिणामी कल्याण - डोंबिवलीमधील १७०कि . मी . लांबीचे रस्तेसध्या उखडलेल्या अवस्थेत आहेत . वस्तुत : जेएनयुआरएम योजनेत रस्ते पूर्ववतकरण्याकरिता पैसे दिले जातात . काही ठिकाणी डांबरीकरण केल्याची धूळफेककरण्यात आली . मात्र अवघ्या ३ ते ४ महिन्यात हे रस्ते पावसाने उखडले . गतवर्षीकल्याण - डोंबिवली महापालिकेची निवडणूक समोर दिसताच अत्यंत खराब अवस्थेतअसलेल्या रस्त्यांचे डोंबिवली आणि शिवसेनेशी नाते असलेल्या एका मातब्बरकंपनीकडून काम करून अब्रु वाचवण्याचा प्रयत्न केला गेला . अन्यथा यामहापालिकेतील रस्त्यांची कामे नव कंत्राटदार बनलेल्या स्थानिक गावगुंडांच्या हातीअसून उणे अथवा अधिक दराच्या निविदा दाखल करून थातूरमातूर कामे करण्याचीहडेलहप्पी केली जाते . लाचखोर सुनील जोशी हेच नगररचनाकार या नात्यानेसुशिक्षितांच्या या शहरातील रस्त्यांची गावगुंडांच्या साथीने वर्षानुवर्षे देखभाल करीतहोते . त्याच जोशींना पायघड्या घालून महापालिकेत पुन्हा आणण्याचा घाटघालणा्रया निलाज्रया लोकप्रतिनिधी व प्रशासनाला आपण लायक नसतानारस्त्याकरिता पुरस्कार स्वीकारताना वैशम्य वाटेल ही अपेक्षा करणेच गाढवपणाचेआहे .

तीर्थ विठ्ठल, क्षेत्र विठ्ठल

2011-07-11T12:35:00.002+05:30

तीर्थ विठ्ठल, क्षेत्र विठ्ठल ।

देव विठ्ठल, देवपूजा विठ्ठल ॥१॥

माता विठ्ठल, पिता विठ्ठल ।
बंधु विठ्ठल, गोत्र विठ्ठल ॥२॥

गुरू विठ्ठल, गुरुदेवता विठ्ठल ।
निधान विठ्ठल, निरंतर विठ्ठल ॥३॥

नामा म्हणे मज विठ्ठल सापडला ।
म्हणुनि कळिकाळा पाड नाही ॥४॥

अजितदादा-राज ठाकरे जुंपली!

2011-07-08T13:53:00.000+05:30

खालील लेख लोकसत्ता च्या सौजन्याने .........................

मुंबई, ७ जुलै/ विशेष प्रतिनिधी
ज्येष्ठ समाजसेवक अण्णा हजारे यांच्या खाद्यांवर बंदुक ठेवण्यापेक्षा हिम्मत असेल तर मनसेने माझ्या भ्रष्टाचाराची प्रकरणे बाहेर काढावीत असे प्रतिआव्हान देत उपमुख्यमंत्री अजित पवार यांनी आज राज ठाकरे यांच्यासमोर शड्डू ठोकले. मात्र, अण्णांच्या खांद्यावर बंदुक ठेवण्याची गरज नाही, तुम्हाला पोहोचवायला आमचे खांदे भक्कम आहेत, असा टोला राज ठाकरे यांनी लगावल्याने, आता राज-दादा यांच्यात जुंपणार, अशी चिन्हे स्पष्ट झाली आहेत.
अण्णा हजारे यांनी लोकपाल विधेयकात लक्ष न देता आता उपमुख्यमंत्री अजित पवार व छगन भुजबळ यांची प्रकरणे काढली व त्यात लक्ष घातले तर मनसेची संपूर्ण ताकद अण्णांच्या पाठीशी उभी करू असे विधान नाशिक येथील एका कार्यक्रमात मनसेचे अध्यक्ष राज ठाकरे यांनी केले होते. या विधानाचा आज अजित पवार यांनी जोरदार समाचार घेतला. मनसेचे बारा आमदार विधानसभेत आहेत. त्यांच्या मदतीने राज यांनी आपली प्रकरणे जरूर विधानसभेत काढावीत असे आव्हानच अजितदादांनी दिले. अण्णांच्या खांद्यावर बंदुक ठेवण्यापेक्षा तुमच्या आमदारांना कामाला लावा की, असे सांगून, लोकांना खुष करण्यासाठी असली विधाने करणे सोपे असते असा टोलाही अजितदादांनी राज यांना लगावला. अण्णा हजारे हे देशपातळीवर काम करत आहेत तेव्हा त्यांचे काम त्यांना करू द्या, तुमच्याकडे तेरा आमदार होते. त्यापैकी एकाचे दुर्देवाने निधन झाले आहे. उर्वरित बारा आमदारांकडे तरी माझ्या विरोधातील पुरावे शोधण्याचे आणि माझी प्रकरणे काढण्याचे काम सोपवा असेही त्यांनी सांगितले. राज ठाकरे यांच्यासारख्या व्यक्ती बाहेर अशीच केवळ भाषणे करत सुटतात. लोकांना आवडणारे बोलणे आणि पुराव्यानीशी बोलणे वेगळे असते, असे सांगून मनसेचे आमदार काही कामाचे नसल्याचेच अजितदादांनी अप्रत्यक्षरित्या सुचविले. मुंबईत काँग्रेस व शिवसेनेत सुरु असलेल्या वडय़ाच्या राजकारणाबाबती त्यांनी नाराजी व्यक्त केली. मुंबईतील सारेच प्रश्न सुटले असून केवळ वडय़ाचाच प्रश्न शिल्लक असल्याच्या थाटात प्रसारमाध्यमांकडून याला जी प्रसिद्धी दिली जाते ती अयोग्य असल्याचेही अजितदादा म्हणाले.
दरम्यान अजित पवार यांनी हाणलेला टोला राज ठाकरे यांनीही टोलविला असून, आमचे काम सुरुच आहे, असा इशाराही दिला आहे. अण्णा हजारे हे महाराष्ट्रातील व मराठी असल्यामुळेच पवार व भुजबळांची प्रकरणे बाहेर काढण्याचे आवाहन त्यांना केले, असे राज ठाकरे म्हणाले. मला दुसऱ्याच्या खांद्यावर बंदुक ठेवण्याची गरज नाही, असे वांद्रे येथील एमआयजी क्लब येथे मनसेच्या पदाधिकाऱ्यांच्या बैठकीनंतर पत्रकारांशी बोलताना राज म्हणाले. तुम्हाला पोहोचवायला आमचे खांदे भक्कम असल्याचा टोला राज यांनी अजितदादांना लगावला.

राज ठाकरेंना मोदींचा पाहुणचार

2011-07-01T12:51:00.000+05:30

खालील लेख म टा च्या सौजन्याने .....

- ऑगस्टमध्ये आठवडाभर गुजरातचा दौरा

- विकासकामांच्या ब्ल्यू प्रिंटसाठी पाहणी

- संजय व्हनमाने

गुजरातमधील विकासकामे पाहण्यासाठी मुख्यमंत्री नरेंद्र मोदी यांनी मनसे अध्यक्ष राज ठाकरे यांना तब्बल आठवडाभराच्या मुक्कामाचे निमंत्रण दिले असून ऑगस्टच्या पहिल्या आठवड्यात राज गुजरातचा दौरा करतील. राज यांना गुजरातचे सरकारी पाहुणे होण्याचा बहुमान लाभणार आहे. मुंबई महापालिका निवडणुकीसाठी मनसे आपली ब्ल्यू प्रिंट तयार करीत असताना राज यांचा होणारा हा गुजरात दौरा शिवसेनेची डोकेदुखी वाढवणारा ठरणार आहे.

राज ठाकरे नेहमीच गुजरात आणि गुजरातचे मुख्यमंत्री नरेंद मोदी यांची तोंडभरून स्तुती करतात. गुजरातमधील विकासकामांचे ते अनेकदा दाखले देतात. गेल्याच आठवड्यात मोदी यांनी स्वत: राज ठाकरे यांना फोन करून गुजरातला येण्याचे निमंत्रण दिल्याचे कळते. भाजपचे राष्ट्रीय अध्यक्ष नितीन गडकरी स्वत: राज यांच्या दौऱ्याची बारकाईने काळजी घेणार असल्याचे समजते. आठवडाभराच्या या दौऱ्यात राज गुजरातमधील विविध विकासकामे, तेथील शहरांचे नियोजन, विजेच्या समस्येवर केलेली मात, महिला आणि शाळेतल्या मुली यांच्यासाठी दिलेल्या सोयीसुविधा याची माहिती घेणार आहेत.

गुजरातमधील विकासकामांविषयी केवळ ऐकीव माहितीवर भरभरून बोलणारे राज गुजरातच्या दौऱ्यानंतर विकासकामांच्या अधिक प्रेमात न पडले तर नवलच, असा विश्वास गुजरात भाजपमधील पदाधिकारी व्यक्त करीत आहेत. राज यांनी पक्ष स्थापन केला तेव्हा आपल्याकडे सत्ता सोपवल्यास विकासाची ब्ल्यू प्रिंट जनतेसमोर सादर करू, असा शब्द दिला होता. मुंबई महापालिका निवडणुकीपूवीर् आपल्याला मुंबई नेमकी कशी असायला हवी याची ब्ल्यू प्रिंट राज यांना तयार करावी लागणार आहे. साहजिकच गुजरातभेटीमुळे त्यांच्या ब्ल्यू प्रिंटवर गुजरातचा प्रभाव असेल. त्यामुळे हा दौरा भविष्यात शिवसेनेला डोकेदुखी ठरणार आहे.

............

शिवसेनेची प्रतिक्रिया काय?

राज ठाकरे यांना महाराष्ट्रातील भाजपने चहा पाजला तर शिवसेना संतापली. आता नरेंद मोदी राज यांना आठवडाभर सरकारी पाहुणचार घडवणार असल्याने त्यावर शिवसेनेची प्रतिक्रिया कोणती असेल याबद्दल राजकीय वर्तुळात कुतूहल व्यक्त केले जात आहे.

कळवा हॉस्पिटलवर मनसेची धडक

2011-07-01T11:53:00.000+05:30

खालील लेख म टा च्या सौजन्याने ...................

औषधांचा काळाबाजार, पेशंटची हेळसांड, स्वच्छतेचे तीन तेरा, निष्काळजी डॉक्टर आणि डोळ्यांवर कातडे ओढून बसलेले प्रशासन अशा अनंत व्याधींमुळे ठाणे महापालिकेचे कळव्यातील छत्रपती शिवाजी महाराज हॉस्पिटल अखेरच्या घटका मोजत आहे. या बेजबाबदार कारभाराचा निषेध करण्यासाठी मनसेने गुरुवारी हॉस्पिटलवर धडक मोर्चा नेला. पालिकेचे आरोग्य अधिकारी डॉ. आर. टी. केंदे आणि डीन डॉ. मेत्रा यांच्या बेजबाबदार कारभारामुळेच हॉस्पिटलची आरोग्यव्यवस्था कोलमडली असून त्यांची हकालपट्टी करावी, अशी मागणीदेखील या वेळी करण्यात आली.

या हॉस्पिटलमध्ये पेशंटना योग्य आरोग्यसुविधा मिळाव्यात, यासाठी मनसेचे पदाधिकारी गेल्या वर्षभरापासून पाठपुरावा करीत आहेत. त्याबाबतची निवेदनेदेखील संबंधित अधिकाऱ्यांना देण्यात आली होती. मात्र प्रशासन कुठल्याही प्रकारची हालचाल करीत नसल्याने मोर्चा काढून येथील गैरकारभार चव्हाट्यावर आणल्याचे मनसेच्या पदाधिकाऱ्यांनी सांगितले.

सुमारे २० वर्षांपूर्वी सुरू झालेल्या या हॉस्पिटलच्या ओपीडीत दररोज एक हजार पेशंट येतात. मात्र त्यांच्यावरील उपचारांसाठी पुरेशा प्रमाणात डॉक्टर, सिस्टर, वॉडबॉय यांची नेमणूक झालेली नाही. येथील डॉक्टर बेकायदा खासगी प्रॅक्टिस करतात. अतिदक्षता विभाग आणि आणि ऑपरेशन थिएटरची संख्या वाढविण्याची गरज असतानाही त्याकडे लक्ष दिले जात नाही. पुरेसे भूलतज्ज्ञच उपलब्ध नसल्याने ऑपरेशनसाठी आलेल्या पेशंटचा खोळंबा होतो. दोन वर्षांपूवीर् घोषणा झाल्यानंतरही हॉस्पिटलमध्ये २४ तास पोस्टमाटेर्मची व्यवस्था आजतागायत सुरू झालेली नाही. अनेकदा मेडिकल कॉलेजच्या प्राध्यापकांकडून पोस्टमाटेर्म केले जाते. मृतदेह ठेवण्यासाठी पुरेशा शवपेट्याही हॉस्पिटलमध्ये नसल्याची धक्कादायक माहिती मनसेच्या पदाधिकाऱ्यांनी दिली.

वीजबचतीसाठी कोट्यवधी रुपये खर्च करून हॉस्पिटलमध्ये सोलार यंत्रणा बसविण्यात आली होती. मात्र ती यंत्रणाच चोरीला गेली असून त्यातही मोठ्या प्रमाणावर भ्रष्टाचार झाला आहे. मनोरुग्णांवरील उपचारांसाठी आलेले काही लाख रुपयांचे अनुदान इमारतींच्या नूतनिकरणासाठी वापरण्यात आले. या हॉस्पिटलच्या श्री साई सिध्दी सिटी स्कॅन सेंटरमध्ये ६०० रुपये अशा सवलतीच्या दरात स्कॅनिंग अपेक्षित असताना पेशंटकडून १२०० ते २००० रुपये उकळले जातात. त्याबाबतच्या असंख्य तक्रारी केल्यानंतरही कारवाई होत नाही. टेंडरच्या वादातून हॉस्पिटलचे मेडिकल गेल्या दोन महिन्यांपासून बंद आहे. हॉस्पिटलच्या काही कर्मचाऱ्यांवर राजकीय वरदहस्त असल्याने ते घरबसल्या पगार घेत आहेत. येथील लिफ्ट बंद पडलेली असतानाही तिच्या दुरुस्तीकडे दुर्लक्ष केले जात आहे. पेशंटना डिस्चार्ज देताना पुढील महिन्याभराची औषधे देणे अपेक्षित असताना केवळ आठवड्याभराचीच औषधे दिली जातात. अशा असंख्य गैरप्रकारांकडे मनसेच्या पदाधिकाऱ्यांनी लक्ष वेधले आहे.

मनसेचे ठाणे जिल्हा प्रवक्ते आणि सरचिटणीस राजन गावंड, मनोहर सुखदरे, संजय देशमुख, राजेश मोरे यांच्यासह अनेक पदाधिकारी आणि कार्यकतेर् या मोर्चात सहभागी झाले होते. मनसेच्या शिष्ठमंडळाने तक्रारी आणि मागण्यांचे निवेदन उपायुक्त के. डी. निपुतेर् यांना सादर केले असून येत्या आठ दिवसांत दोषी अधिकाऱ्यांची हकालपट्टी न झाल्यास त्यांना 'मनसे स्टाइल' धडा शिकविण्याचा इशाराही या वेळी देण्यात आला.

राज ठाकरेंकडून मनसे नगरसेवकांची झाडाझडती

2011-06-30T12:23:00.001+05:30

खालील वी डी ओ स्टार माझा च्या सौजन्याने .......

http://starmajha.starnews.in/videos/maharashtra/6947-2011-06-29-13-09-14

जनाची नाही निदान मनाची तर लाज बाळगा

2011-06-20T11:49:00.002+05:30

शुक्रवारी कल्याणच्या महापौरांनी आयत्या वेळी लाचखोर अभियंता सुनील जोशी ह्याला परत कामावर रुजू करण्याबाबत ठराव घेतला आणि विरोधकाना न जुमानता शिवसेना / बी जे पी च्या नगरसेवकांनी तो मंजूर करून घेतला. विरोधकांनी गोंधळ घालू नये म्हणून काम काज संपायच्या ५ मिनिट आधी हा प्रस्ताव आणण्यात आला व घाई घाई ने मंजूर करून घेतला व लगेच राष्ट्रगीत वाजवून महासभा संपवण्यात आली ... हा चक्क निर्लज्ज पणाचा कळस आहे .... सभागृहात हा प्रस्ताव मांडणारा नगरसेवक मोहन उगले हे शिवसैनिक आहेत आणि त्यांचा वार्ड बी जे पी लं गेला म्हणून त्यांनी बी जे पी च्या विरुद्ध अपक्ष निवडणूक लढवली आणि शिवसेनेने संपूर्ण रसद त्यांना पुरवली....... काल शिवसेना कार्य प्रमुखांनी हा प्रस्ताव मागे घेतला जाईल असं सांगितलं पण "बुंद से गइ वो हौद से थोडी आयेंगी" ...............................

वाचा म टा ची बातमी ........

'लाचखोर' जोशीला युतीचे अभय

लाचखोरीच्या प्रकरणातमहापालिकेच्या सेवेतून निलंबितझालेला एग्झिक्युटिव्ह इंजिनीअरसुनील जोशी याला कल्याण -डोंबिवलीतील शिवसेना - भाजपयुतीने ' अभय ' दिले असूनजोशीला पालिकेच्या सेवेत पुन्हारुजू करून घेण्याचा प्रस्तावकेडीएमसीच्या महासभेतशनिवारी प्रचंड गदारोळात मंजूरकरवून घेण्यात आला .

केडीएमसीचा एग्झिक्युटिव्ह इंजिनीअर व तत्कालीन नगररचनाकार सुनील जोशीयाला अँटी करप्शन ब्युरोने मार्च २००९ मध्ये लाच स्वीकारताना अटक केली होती .त्याला पालिकेच्या सेवेतून निलंबित करण्यात आले होते . नंतर पोलीस चौकशीतजोशीकडे तब्बल तीन कोटी रुपयांची बेहिशोबी मालमत्ता सापडली होती .

शनिवारच्या महासभेच्या विषयपत्रिकेवर सुनील जोशीला सेवेत रुजू करूनघेण्यासंदर्भात कोणताच प्रस्ताव नव्हता . परंतु अपक्ष नगरसेवक मोहन उगले यांनी 'जोशींना कोर्टाच्या निर्णयाच्या अधीन राहून पालिकेच्या सेवेत रुजू करून घ्यावे ', असाआयत्या वेळचा विषय ठेवला . हा विषय महापौर वैजयंती गुजर यांनी दाखल करूनघेताच सत्ताधारी सेना - भाजपच्या सदस्यांनी ' मंजूर ' म्हणत गोंधळ सुरू केला .काँग्रेस व मनसेच्या नगरसेवकांनी प्रस्तावाला विरोध करण्याचा प्रयत्न केला . परंतुमहापौरांनी राष्ट्रगीत गायनाचा आदेश दिला व प्रचंड गदारोळात जोशीला सेवेत रुजूकरून घेण्याचा प्रस्ताव मंजूर करण्यात आला .

आयत्या वेळचा विषय घेऊन त्यावर चर्चादेखील न करता राष्ट्रगीताचा वापर करून हाप्रस्ताव मंजूर केल्याचा विरोधी पक्षनेत्या वैशाली दरेकर व काँग्रेसचे गटनेते सचिन पोटेयांनी निषेध केला . हा ठराव विखंडीत करण्याच्या मागणीसाठी विरोधक सोमवारीमुख्यमंत्री पृथ्वीराज चव्हाण यांची भेट घेणार असल्याचे ते म्हणाले .

याबाबत महापौर वैजयंती गुजर यांना विचारणा केली असता ठराव उचितकार्यवाहीसाठी प्रशासनाकडे पाठवल्याचे सांगितले . दरम्यान , या ठरावाचीअंमजबजावणी करणार नाही , असे केडीएमसीचे आयुक्त रामनाथ सोनावणे यांनीएका वृत्तवाहिनीशी बोलताना सांगितले .
काँग्रेसचे प्रदेश प्रवक्ते संजय दत्त यांनी सेना - भाजपचा खरा चेहरा जनतेसमोरआल्याचा आरोप केला . शिवसेना व भाजपने नऊ जून रोजी भ्रष्टाचाराविरोधातमुंबईत मोर्चा काढला होता . मात्र याच पक्षांनी भ्रष्ट अधिकाऱ्याला पाठीशी घालूनआपला खरा चेहरा जनतेसमोर आणल्याचे ते म्हणाले .

निगमानंद यांचे गुन्हेगार!

2011-06-16T13:35:00.002+05:30

पार्टी विथ डीफरन्स म्हणणारी भारतीय जनता पार्टी रामदेव बाबाच्या आंदोलनाला नको तेवढा पाठींबा देते आणि त्यांच्याच राज्यात चाललेल्या गंगा बचाव आंदोलनाकडे ढुंकून बघत देखील नाही ... हा दुटप्पी पणा नाही का? वाचा म टा चा अग्रलेख ....................

खालील लेख म टा च्या सौजन्याने

http://maharashtratimes.indiatimes.com/articleshow/8870094.cms

दगड आणि वाळूच्या उत्खननामुळे गंगा नदी आणि परिसराचे पर्यावरण धोक्यात येत असल्यामुळे, या पात्रालगतचे हे व्यवसाय बंद करावेत, या मागणीसाठी तीन महिन्यांहून अधिक काळ उपोषण करणाऱ्या स्वामी निगमानंद सरस्वती यांच्या निधनाने राजकीय व्यवस्थेचीच नव्हे, तर प्रसार माध्यमांची दिवाळखोरीही वेशीवर टांगली आहे. निगमानंद यांच्या निधनानंतरही त्यांनी उपस्थित केलेल्या मुद्यांपेक्षा, उत्तराखंडमध्ये सत्तेवर असलेल्या भारतीय जनता पक्षाचा दुटप्पी दांभिकपणा लोकांसमोर आणण्याला काँग्रेसचे प्राधान्य दिसते आहे. माध्यमांचा भरही रामदेव बाबांच्या उपोषणाचा राजकीय फायदा उठवण्यासाठी उत्तराखंडचे मुख्यमंत्री रमेश पोखरीयाल निशांक यांनी या काळात चालवलेली धडपड आणि वारंवार घेतलेल्या वार्ताहर बैठका यावर आहे. रामदेव यांना ज्या 'हिमालयन इन्स्टिट्युट ऑफ मेडिकल सायन्सेस'च्या हॉस्पिटलमध्ये अतिदक्षता विभागात ठेवण्यात आले होते, तेथेच स्वामी निगमानंदही कोमात, अत्यवस्थ अवस्थेत होते. मात्र मुख्यमंत्र्यांना त्यांची कोणतीही दखल घ्यावीशी वाटली नाही, हा माध्यमांनी टीकेचा विषय केला आहे. तो योग्यच आहे, मात्र हीच चूक माध्यमांनीही केली आहे, याचा विसर त्यांना पडला आहे. निगमानंद यांचे आंदोलन आणि उपोषणाची उपेक्षा झाल्यामुळे त्यांची झालेली मरणासन्न अवस्था याची कल्पना माध्यमांनाही असू नये, हा त्यांच्याही चुकीच्या प्राधान्यक्रमांचाच परिणाम आहे. राजधानी दिल्लीतील मोक्याची जागा, केंदातील सरकारला अडचणीत आणण्याची आंदोलनातील राजकीय क्षमता, पंथअनुयायांच्या हमखास गदीर्ची हमी, पंचतारांकित थाट या सर्वच बाबी माध्यमांसाठी सोईच्या होत्या. निगमानंदांच्या उपोषण आंदोलनात यापैकी काहीच नव्हते. काळ्या पैशासारखा सबगोलंकारी मुद्दा घेऊन ते उपोषण करीत नव्हते, तर त्यांची मागणी ठोस होती. गंगा नदीच्या सुमारे ८० कि. मी. लांबीच्या पात्रालगत चालणारे खाणकाम बंद करावे, यासाठी त्यांचे उपोषण होते. या खाणकामात कोट्यवधी रुपयांचे व्यावसायिक हितसंबंध आहेत आणि या व्यावसायिकांना राजकीय संरक्षण आहे. उत्तराखंडमधील भाजपचे सरकार या व्यावसायिकांचे बांधील गडी आहे, असे आरोप हे आंदोलन हाती घेणाऱ्या मातृ सदनच्या पदाधिकाऱ्यांनी केले आहेत. त्यात तथ्य असावे, असे या आंदोलनाचा गेल्या दोन वर्षांतील इतिहास पाहता म्हणता येते. मात्र हे उद्योग दहा वर्षांहून अधिक काळ चालू आहेत; गंगेचे प्रदूषण हा केवळ धामिर्क नव्हे, तर गंगेलगतच्या परिसरासाठी अस्तित्वाचा प्रश्न असूनही कोणत्याही राजकीय पक्षाने या आंदोलनामागे बळ उभे केले नाही, त्याअथीर् या उद्योगात सर्वच राजकीय नेत्यांचा वाटा असणार हे उघड आहे. निगमानंद यांनीच जानेवारी २००८ मध्ये दीर्घकाळ उपोषण केले होते. त्यानंतर दगडांच्या खाणींना बंदी घालण्यात आली होती. पण ती काही काळच पाळली गेली. मार्च २००९ मध्ये अन्य एक स्वामी दयानंद यांनी तीस दिवसांचे उपोषण केले होते. पुन्हा काही काळ हे उत्खनन बंद झाले, पण ऑक्टोबर २००९ मध्ये पुन्हा हा व्यवसाय सुरू झाल्यानंतर दयानंद यांनी सुमारे पाच महिने सत्याग्रह केला होता. परंतु बऱ्याच प्रमाणात हे आंदोलन एकांडेच राहिले. स्थानिक जनता मोठ्या प्रमाणात त्यामागे उभी राहिली नाही. कोर्टाकडून बंदीवर स्थगिती मिळवण्यातही व्यावसायिकांना यश येत असे. अशा सर्व बाजूंनी प्रतिकूल परिस्थितीत, केवळ गंगेच्या शुद्धीकरणाच्या ध्येयावरील निष्ठेपायी निगमानंद यांनी यावषीर् फेब्रुवारीत उपोषण सुरू करून आपला जीव पणाला लावला. माध्यमांना एका यशस्वी 'सोहळ्या'साठी आवश्यक त्या सर्व बाबी रामदेव यांच्या उपोषण आंदोलनात होत्या, मात्र त्यापैकी एकही स्वामी निगमानंद यांच्या उपोषणात नव्हती! निगमानंद यांचा मृत्यूही एरवी उपेक्षितच राहिला असता, पण बाबा रामदेव यांना त्याच हॉस्पिटलात दाखल केल्यानंतर, या दोन उपोषणांना भाजप नेत्यांनी दिलेल्या प्रतिसादात असलेला जमीन-अस्मानाचा फरक, हा 'बातमी'चा विषय ठरला. त्यामुळे का होईना, निगमानंदांनी ज्यासाठी जीव पणाला लावला, तो विषय दखलपात्र ठरला! कोट्यवधींची मालमत्ता आणि अनुयायांची फौज पाठीशी असलेले बाबा रामदेव उत्तराखंडमधील भाजपच्या मुख्यमंत्र्यांना जवळचे वाटले, पण गंगेच्या प्रदूषणाचा प्रश्न आणि एका 'संता'चे उपोषण त्यांना दखल घेण्याच्या लायकीचे वाटले नाही, हा भाजपच्या ढोंगबाजीचाच पुरावा आहे. पण त्यामुळे केंद सरकार या जबाबदारीतून सुटू शकत नाही. सन २००९ डिसेंबरमध्ये केंदाने एक पथक या खाणींच्या पाहणीसाठी पाठवले होते. या पथकाचा अहवाल कारवाईसाठी मुख्यमंत्र्यांकडे सोपवला होता. शिवाय गेल्या वर्षी ६ जानेवारीला मुख्यमंत्र्यांना पर्यावरण मंत्रालयाने पत्रही लिहिले होते, हा जयराम रमेश यांचा खुलासा अपुरा आहे. पर्यावरण संरक्षण कायद्याने दिलेल्या ज्या अधिकारात आता केंदीय कारवाईचे आश्वासन रमेश देत आहेत, ती कृती आधीच केली असती, तर निगमानंद यांचे जीवन ३५व्या वर्षीच संपले नसते.

"भाऊ आपल्याला आमदार बनायचंय" (ब्लॉग)

2011-06-13T14:20:00.000+05:30

खालील लेख स्टार माझा च्या सौजन्याने .........

http://starmajha.starnews.in/maharashtra/pune/6356-q-q-

शुक्रवारी दुपारी पुढच्या आठवड्यात कोणत्या स्टोरीज करता येतील याचा विचार करत होतो. पुण्यात पावसाळी वातावरणाची मजा घेण्यासाठी खड़कवासला धरणाच्या किनाऱ्यावर गेल्या काही दिवसांमध्ये गर्दी होत असल्याने खडकवासला धरणाच्या चौपाटीची आणि तीथे होणाऱ्या अपघातांची बातमी करावी असं ठरवलं. मोबाईल उचलला आणि रमेश भाऊंना फोन लावला. रविवारी खडकवासल्याला येत असल्याचं सांगून "चौपाटीचा विषय करायचा आहे" अस म्हटलं. वांजळे त्यांच्या नेहमीच्या शैलीत म्हणाले "भाऊ करुयात की ...लई महत्त्वाचा विषय आहे ... कधी येताय...." रविवारी सकाळी ११ वाजता येतो असं सांगत मी फोन ठेवला. काम संपवून संध्याकाळी घरी गेलो आणि आंघोळ करायला बाथरूममधे शिरलो. काही मिनीटं गेली आणि फोन एकसारखा खणखणायला सुरुवात झाली. एकामोगामाग एक कॉल येत होते. तशीच काही महत्त्वाची बातमी असेल अस समजून मी गडबडीत बाहेर आलो आणि फोन उचलला. पलीकडून पोलिस खात्यातील एक मित्र सांगत होता "तुला कळलं का वांजळे गेले ते.. हार्ट अटॅक आल्यावर जहांगीरमध्ये अॅडमिट केलं त्यांना पण ते गेलेत". दुसऱ्या क्षणी माझ्यातला रिपोर्टर आणि मित्र एकाचवेळी जगा झाला आणि कपडे घालून मी जहांगीरकडे धाव घेतली. कॅमेरामनलाही यायला सांगितलं. जहांगीरला पोचलो तेव्हा बातमी पसरुन हळूहळू गर्दी जमायला सुरुवात झाली होती. वांजळेंच्या कार्यकर्त्यांमध्ये एकाचवेळी चिंता आणि संताप पसरत होता. काही कार्यकर्त्यांनी न्यूज चॅनेलच्या काही पत्रकारांना बातम्या बंद करा असा दम भरण्याचाही प्रयत्न केला. एव्हाना बातमीसाठी माझा फोनो सुरु झाला आणि वांजळेंबाबत काय बोलायचं हे ठरवताना वांजळेंचा गेल्या दोन वर्षांतला स्वप्नवत वाटणारा प्रवास माझ्या डोळ्यांसमोर उभा राहिला.

२००९ च्या विधानसभा निवडणुकीपूर्वीपर्यंत वांजळेंना केवळ पोस्टरवरुनच ओळखत होतो. वांजळेंना पहिल्यांदा पहाणाऱ्याचं त्यांच्याबाबत जे मत व्हायचं ते माझंही झालं. वांजळे खडकवासल्यातून विधानसभा लढवण्यासाठी इच्छुक आहेत आणि त्यासाठी तयारीही जोरदार करतायत असं कळत होत. वांजळेंनी धायरीमधे रहाणाऱ्या माझ्या एका मित्राची माहिती काढून मला न सांगता मित्राला मला त्याच्या घरी जेवायला बोलवायला सांगितलं. गौरीचा सण असल्याने पुरणपोळी खायला मी मित्राच्या घरी पोचलो. काही वेळ गेला आणि वांजळेंची अचानक एंट्री झाली. वांजले बसले आणि म्हणाले "भाऊ आपल्याला आमदार बनायचंय". काँग्रेसकडून मला उमेदवारी मिळाली असती पण खडकवासल्याची जागा राष्ट्रवादीला सुटलीय आणि त्यांचा उमेदवार अगोदरच पक्का झालाय. शिवसेनेकडे मी प्रयत्न केला पण तेही ही जागा भाजपला जाणार असल्याच सांगतायत आणि भाजपवाले माझ्या अंगावरच्या सोन्यामुळे आणि माझ्या दिसण्यामुळे पक्षाच्या प्रतिमेवर परिणाम होइल असं सांगत नाही म्हणतायत. त्यामुळे मी मनसेकडे उमेदवारी मागायचं ठरवलंय. मी म्हटलं ठीक आहे. मनसेची उमेदवारी तुम्हाला फायद्याची ठरेल. त्यानंतर आम्ही जेवायला बसलो. मी पुरणपोळी खाऊ लागलो. वांजळेंनी मात्र पुरणपोळी बाजूला काढून शिळ्या भाकरीची मागणी केली आणि कटाच्या आमटीसोबत भाकरी कुस्करून खायला लागले. वांजळेंसोबतची ही पहिली भेट...

त्यानंतर काही दिवसातच वांजळेंनी मनसेची उमेदवारी मिळवली आणि प्रचाराला सुरुवात झाली. विरोधी पक्षातील उमेदवार वांजळेंच्या अंगावरील सोन्यावरून त्यांच्यावर टीका करू लागले. वांजळे मात्र अंगावर सोनं कायम ठेऊन प्रचारसभांमधून सांगू लागले की "सोनं त्यांच्या स्वत:च्या कमाईचं आहे आणि कुठली चुकीची गोष्ट करत नसल्यामुळे त्यांना दागदागिने दडवायची गरज नाही". शरद पवारांनीही मनसेचा उमेदवार अंगावर दोन किलो सोनं घालतो अशी टीका केली. पवारांच्या टीकेनंतर मी वांजळेच्या अंगावरील दागिन्यांची बातमी करायचं ठरवंल. निवडणुकीच्या धामधूमीतही "मनसेचा सोनेरी उमेदवार" म्हणून वांजळेंची सर्वत्र चर्चा सुरु झाली आणि पुण्याबरोबराच इतरत्रही वांजळेंबद्दल कुतूहल निर्माण झालं. राज ठाकरेंचा करिष्मा, स्वत:ची जोरदार तयारी आणि सर्वच मिडीयाने 'गोल्डमॅन ' म्हणून दिलेली प्रसिद्धी यामुळे वांजळे पहिल्याच प्रयत्नात ३० हजारांहून अधिकच्या मताधिक्क्याने निवडून आले. निकाल्याच्या दिवशी मतदान केंद्रांवर विजयी उमेदवारांचा कार्यकर्त्यांसह जल्लोष सुरु झाला. मात्र धोतर आणि डोक्यावर राज ठाकरेंचा फोटो असलेला फेटा घातलेले वांजले त्या जल्लोषातही सर्वांच लक्ष वेधून घेत होते. न्यूज चॅनेल्सना बाईट देताना त्यांनी त्यांच्या बायकोला चक्क उचलून घेतलं. राज ठाकरे आणि मतदारांचे आमदार केल्याबद्दल आभार मानले आणि ख़ास विनोदी ढंगात म्हणाले "आणि हो माझ्याविरुद्ध निवडणूक लढवलेल्यांचेही धन्यवाद बरं का ...... ते पडले म्हणून तर मी निवडून आलो". वांजळेंना स्वत:कडे लक्ष वेधून घेण्याची कला जमली होती.

आमदार झाल्यावर त्यांची गाडी सुसाट सुटली. आमदार बनल्यावर ताठपणा येण्याऐवजी ते काय भाऊ म्हणून सर्वांशी थेट बोलू लागले. निवडणुकीवेळी मिळालेल्या प्रसिद्धीला त्यांनी त्यांना आधीपासूनच मुखोधगत असलेल्या तुकारामांच्या अभंगांची जोड दिली. वांजळेंना पाहण्यासाठी आणि ते भाषणामध्ये गात असलेले अभंग ऐकण्यासाठी गर्दी होऊ लागली. "मै दिखता व्हिलन जैसा हु लेकिन काम हीरो का करता हु" या त्यांच्या डायलॉगला सभांमध्ये टाळ्या पडू लागल्या. पुण्यातच नव्हे तर सर्व महाराष्ट्रातून वांजळेंना कार्यक्रमांसाठी मागणी येऊ लागली. शहरी तोंडावला असलेली मनसे वांजळेंमुळे ग्रामीण भागातही चर्चेला येऊ लागली. वांजळेंच्या बोलण्याच्या शैलीमुळे शहरांबरोबरच ग्रामीण भागात ही वांजळेंची क्रेझ वाढीस लागली. वांजळेंनीही ग्रामीण भागात कार्यक्रमाचा सपाटा लावला.

भाषणाच्या सुरुवातीला राज ठाकरेंचं नाव घेतल्यावर वांजळे भाषणांमध्ये अभंग म्हणू लागले. स्वत:वरच विनोद करू लागले. वांजळेंचा फॅन क्लब यामुळे वेगान वाढायला लागला. आजच्या राजकारण्यांबाबत अतिशय दुर्मिळ दिसणार लोकांनी ऑटोग्राफ मागण्याचं आणि फोटोसाठी विनंती करण्याचं चित्र वांजळेंबाबत नेहमीचं झालं. मात्र मिळणाऱ्या या प्रसिद्धीमुळे वांजळे बदलले नाहीत. रोज दुपारी श्रीमंत दगडूशेठ हलवाई गणपतीचं दर्शन घेणं आणि शानिवारला फेऱ्या मारणं चुकलं नाही. बोलण्याच्या शैलीतून वांजळे ते गावंढळ आणि भोळे असल्याचं दाखवण्याचा प्रयत्न करत. मात्र ते जे बोलत त्यातून त्यांचं व्यवहारिक शहाणपण समोरच्याच्या लक्षात आल्यावाचून राहत नसे.

जमीन खरेदी विक्री आणि बिल्डिंग कन्स्ट्रक्शनचा वांजळेंचा व्यवसाय होता. या व्यवसायातून आलेल्या कमाईतून मी सोनं घालतो आणि घातलेल्या सोन्याचं मी रक्षणही करू शकतो हे पहिलवानी छाप वांजळेंचं म्हणणं समोरच्याला पटत असे. एन.डी. ऐ. त ज्यूस सेंटर चालवण्यापासून ते अहिरे गावाचा सरपंच आणि पुढे आमदार बनण्यापर्यंतच्या वाटचालीत आलेल्या आत्मविश्वासाने आपलं म्हणणं दुसऱ्याच्या गळी उतरवण्याची हातोटी त्यांनी साध्य केली होती. राज ठाकरेंचा शब्द हा मनसेमध्ये अंतिम मानला जातो. आपला मुद्दा दुसऱ्यावर ठसवण्याबद्दल राज ठाकरे ओळखले जातात. मात्र आमदार झाल्यावर राज ठाकरेंनी अंगावरील दागिने काढायला सांगूनही वांजळेंनी ते काढले नाहीत. "उलट या दागिन्यांमुळेच मी ओळखला जातो", यामुळे पक्षाच्या प्रतिमेवर काहीही परिणाम होणार नाही" हे राज ठाकरेंना पटवून देण्यात वांजळे यशस्वी ठरले.

राज ठाकरेंनीही वांजळेंना समजून घेतलं. त्यामुळे शनिवारी प्रतिक्रिया देताना राज ठाकरे म्हणाले की "माझ्या या सहकार्याचा मला जेमतेम दोन वर्षांचा सहवास मिळाला पण आम्ही तीस वर्ष एकमेकांना ओळखत असल्यासारखी मैत्री आमच्यात निर्माण झाली". वांजळेंच्या अंत्यविधिला जी गर्दी झाली ती केवळ त्यांच्या अंगावरच्या दागिन्यांमुळे नव्हे तर त्याना मिळालेल्या प्रेमामुळे हे लोक जमा झालेत". राज ठाकरे वांजळेंबाबत लोकांना काय वाटतं ते नेमक बोलले. वडगाव धायरीहून वांजळेंची अंत्ययात्रा निघाल्यावर वैकुंठ स्मशानभूमीपर्यंत येइपर्यंत अंत्ययात्रेत मनसे कार्यकर्त्यांबरोबर हजारो नागरिक भर पावसातही सामील झाले ते निव्वळ वांजळेंवरील प्रेमापोटी. कार्यकर्त्यांना हुंदका दाटून येत होता तर वुद्ध स्त्रिया आणि महिलांनी हंबरडा फोडला होता. रडणाऱ्यांपैकी कुणाला वांजळेंनी काशीयात्रा घडवली होती तर कुणाला अजमेर शरीफच्या ख्वाजा गरीब नवाजची यात्रा. सहाजिकच त्यामुळे वांजळेंबरोबर त्यांचे भावनिक बंध निर्माण झाले होते. नकळत डोळ्यांतून ओघळणाऱ्या अश्रुंमधून कळत-नकळत निर्माण झालेले हे बंध उघड होत होते. नियतीपुढे कुणाचं काहीच चालत नाही असं म्हणणारा प्रत्येक जण तरीही उसासा टाकत हळहळ व्यक्त करत होता.

वांजळेंना अखेरचा निरोप देण्यासाठी वैकुंठामध्ये उसळलेली गर्दी न भूतो न भविष्यते होती. आतापर्यंत पुण्यात मोठमोठे साहित्यिक, राजकारणी, गायक, कलाकार, उद्योगपती यांच्या अंत्यविधीला झालेली गर्दी पुणेकरांनी पाहिली होती. मात्र वांजळेंसाठी उसळलेली गर्दी काही वेगळीच होती. आतापर्यंत वैकुंठात एवढी गर्दी पाहिली नव्हती याबद्दल सर्वच पत्रकारांचं एकमत होत होतं. माझं सकाळपासून अंत्याविधीची माहिती देणारे फोनो आणि लाइव्ह सुरु होतं. एव्हाना वांजळेंचं पार्थिव चितेपर्यंत पोहचलं होतं. मान्यवरांचं त्यांना श्रद्धांजली वाहणं सुरु होतं. आमदार रमेश वांजळे अमर रहे या दुमदुमणाऱ्या घोषणांच्या साक्षीने रमेशभाऊंच्या भावाने चितेला अग्नी दिला आणि दोन वर्षांची अतिशय अल्प पण तेवढीच लक्षवेधक कारकीर्द काळाच्या पडद्याआड गेली.

रमेश वांजळेंच्या आठवणींनी आणि त्यांच्या आतापर्यंत केलेल्या बातम्यांनी मनात गर्दी केली. एवढ्यात ऑफिसचा वांजलेंच्या बातमीसाठी फोन आला आणि फोनोसाठी सरळ एंकरशी जोडला गेला. एँकरन विचारलं "मंदार रमेश वांजळेंच्या अंत्यविधीबद्दल ताजी माहिती काय आहे"....... मी क्षणभर आवंढा गिळला आणि सुरु केलं......" मनसेचे खडकवासल्याचे आमदार रमेश भाऊ वांजळे अनंतात.....